Масъулияти чекланган жамияти бухгалтерия ҳисобини юритиш сиёсати

2. Бухгалтерия ҳисобини юритиш принциплари ва усуллари

2.1. Бухгалтерия ҳисобини юритишнинг асосий тамойиллари

Корхона бухгалтерия ҳисобини Ўзбекистон Республикасининг "Бухгалтерия ҳисоби тўғрисида" ги қонунида ва 1-сонли "Бухгалтерия сиёсати ва молиявий ҳисобот" да белгиланган асосий принципларга мувофиқ олиб боради.

2.2. Корхонада бухгалтерия ҳисобини ташкил этиш

"Бухгалтерия ҳисоби тўғрисида" ги Ўзбекистон Республикаси Қонунининг 11-моддасига мувофиқ, корхона раҳбари бухгалтерия ҳисобини ташкил этишга масъулдир.

Корхона раҳбари қуйидагиларни таъминлаши шарт:

• 
  ҳисоб сиёсати, ички ҳисоб ва ҳисобот тизими ишлаб чиқилишини;
  
• 
  ички назорат тартибини;
  
• 
  бухгалтерия ҳисоби тўлиқ ва ишончли юритилишини;
  
• 
  ҳисоб ҳужжатларининг бут сақланишини;
  
• 
  молиявий ҳисоботнинг тайёрланишини;
  
• 
  солиқ ҳисоботининг ва бошқа молиявий ҳужжатларнинг тайёрланишини;
  
• 
  ҳисоб-китоблар ўз вақтида амалга оширилишини;
  

Корхонада бухгалтерия ҳисоби ихтисослаштирилган бухгалтерия хизмати томонидан олиб борилади (кейинги ўринларда Корхонанинг бухгалтерия бўлими деб юритилади).

Корхонада бухгалтерия ҳисоби марказлаштирилган шаклда амалга оширилади, яъни, Корхонанинг бухгалтерия аппарати асосий бухгалтерия бўлимида тўпланган бўлиб, у барча синтетик ва аналитик бухгалтерия ҳисобини Корхонанинг алоҳида бўлимлари ва бўлинмаларидан келиб тушган бирламчи ҳужжатлар асосида олиб боради. Ишлаб чиқариш бўлинмаларининг ўзида фақат хўжалик муомалаларини (бирламчи ҳужжатларда) дастлабки рўйхатдан ўтказиш амалга оширилади.

Корхонанинг бухгалтерия бўлими тузилиши: барча бухгалтерлар тўғридан-тўғри бош бухгалтерга ҳисобот беришади.

Корхонада бухгалтерия ҳисоби дастурий таъминот ёрдамида журнал-ордер шаклида амалга оширилади.

Корхонада ҳужжатларни расмийлаштириш ва ҳужжат айланишини юритиш тартиби Молия вазирлигининг 2004 йил 14 январдаги 1297-сон буйруғи билан тасдиқланган “Бухгалтерия ҳисобида ҳужжатлар ва ҳужжатлар айланиши тўғрисидаги Низом” билан тартибга солинади.