Масъул муҳаррир

10
O‘QITUVCHI NIGOHIDA O‘QUVCHI KELAJAGI UCHUN TARBIYANI TUTGAN 
O‘RNI 
Murodova Dildora Shagiyasovna
Toshkent shahar, Olmazor tumani
243-umumiy o‘rta ta’lim maktabi boshlang‘ich sinf o‘qituvchisi
Annotasiya: Mazkur maqolada kelajagimiz poydevori bo‘lgan yosh avlodni tarbiyalashda 
tarbiyani yuksak e’tirofi va bunda asosiy rol o‘ynaydigan kasb egalari o‘qituvchi shaxsiga 
qaratilgan jihatlar va namoyon bo‘lishi haqida yozilgan.
Kalit so‘zlar: ta’lim - tarbiya, shaxs, o‘qituvchi,o‘quvchi,poydevor,jamiyat, qonun, 
mehnat,yoshlar,mahorat.
Bugungi hayotimizga nazar tashlasak, insonni o‘rab turgan olam, atrof muhit, jadal ko‘rinishda 
rivojlanib borar ekan, insonning ongi, tafakkuri, tashqi ko‘rinishi ham o‘zgarib shakllanib 
bormoqda. Bu borada so‘z albatta tarbiyaga borib taqalar ekan, eng avvalo insonning butun umri 
davomida ta’lim-tarbiya uning hamrohi bo‘lib qoladi. Endigina o‘sib kelayotgan qalbga,ezgu 
qadriyatlar,an’analarni joylamoqni istagan inson avvalo o‘zida shularni mujassam etgan bo‘lsagina 
kamolga etkaza oladi. Jaloliddin Rumiyning “Tilingni tarbiya qilishdan avval dilingni tarbiya qil. 
Chunki so‘z tilga dildan chiqib keladi”, degan falsafiy va purma’no gaplari aynan inson avvalo 
qalbi pok, iymonli, yaxshilikni ko‘zlovchi bo‘lishi kerakligidan dalolatdir. Farzandlar kamoli va 
iqbolini ko‘zlab, ezgu niyatlar bilan yashash xalqimizga xos ulug‘ fazilat. Avloddan-avlodga o‘tib, 
sayqal topib kelayotgan bu azaliy qadriyat mustaqillik yillarida yanada boyib, hech kimdan kam 
bo‘lmagan barkamol avlodni tarbiyalash masalasi davlat siyosati darajasiga ko‘tarildi.
Istiqlolning dastlabki oylarida qabul qilingan yoshlarga oid davlat siyosatining asoslari 
to‘g‘risidagi O‘zbekiston Respublikasi qonunining birinchi moddasida yoshlarga oid siyosat 
O‘zbekiston Respublikasi davlat faoliyatining ustuvor yo‘nalishi bo‘lib, uning maqsadi yoshlarning 
ijtimoiy shakllanishi va kamol topishi, ijodiy iqtidori jamiyat manfaatlari yo‘lida imkoni boricha 
to‘la-to‘kis ro‘yobga chiqishi uchun shart-sharoit yaratish hamda ularni kafolatlashdan iboratdir, 
deyiladi.
Har qanday mamlakatning qudratini belgilaydigan omillar ko‘p. Eng asosiylaridan biri shu 
yurtda voyaga yetayotgan yuksak ma’naviyatli, jismonan sog‘lom, ertangi kunning haqiqiy egalari 
bo‘lgan barkamol avloddir. Shu o‘rinda O‘zbekistonning Birinchi Prezidenti I.A.Karimovning 
istiqlolning dastlabki yillarida aytgan «Farzandlarimiz bizdan ko‘ra kuchli, bilimli, dono