Масъул муҳаррир: академик Т. Н. Долимов, г м. ф д., проф. Тақризчилар

1 3-расм. Уран атрофидаги ҳалқалар. www.galspace.spb.ru.
Ураннинг дастлабки ҳалқалари 1977 йилнинг мартида Джеймс Эллиот, Эдвард Данхэм ва Дуглас Минк томонидан аниқланган. Ҳозирги кунда унинг 13 та ҳалқаси маълум бўлиб, бу Қуёш тизимида ўзига хос “рекорд” ҳисобланади.


Нептун

Нептун - Қуёшдан узоқлиги бўйича Қуёш тизимида саккизинчи сайёра саналади. Бу сайёра 1846 йили кашф этилган ва рим мифологиясидаги денгиз худоси номи билан аталган. Нептун тимсоли - денгиз худоси Нептуннинг учтишидир.

Жуда ихчам бу газли сайёра (зичлиги 1,64 г/см³) ташқи қуёш тизимида ўзининг катта массаси туфайли устуворликка эга ва Плутон сингари ўлчами кичик бўлган кўпчилик объектларнинг орбитасига таъсир кўрсатади.
Нептунда ҳам бошқа гигант сайёралардагидек қаттиқ юза йўқ. Шунинг учун ҳам сайёранинг ўлчамини аниқлаш учун босим 1 бар бўлган атмосфера сатҳи қабул қилинган. Нептуннинг экваториал диаметри 49528 км, қутбий радиуси эса 48680 км; массаси - 1.02•10²⁶ кг бўлиб, Ернинг массасидан 17,14 марта кўп. Шундай қилиб, бу сайёра Урандан бироз кичик ва оғирроқ. Нептуннинг ўртача зичлиги - 1,76 г/см². Нептун четларида қуёш энергияси жуда кам ва 8 Вт/м² ни ташкил этади.
Нептун атмосферасининг 98 % ни водород ва гелий ташкил этади. Унда 2,5-3 % метан ҳам мавжуд. Нептун атмосферасидаги патли булутлар, эҳтимол, музлаган метан кристалларидан иборат. Сайёра спектридаги кучли ютиш чизиқлари Нептунни кўк рангли қилиб кўрсатади (14-расм).

1 4-расм. Нептуннинг кўк рангли кўриниши. www.galspace.spb.ru.

Нептун атмосфера-сидаги ҳарорат чуқурлик ошган сари ўзгариб боради. 0,1 бар босим сатҳида ҳарорат минимал - 50 К. баландга қараб ҳарорат ошиб боради ва 2000 км баландликда (10-11 бар босимда) 750 К гача етади ва шундан сўнг ўзгармасдан қолади.
Нептуннинг айланиш ўқи орбитаси текислигига 29°34' бурчак остида қияланган. Нептун аммиак, сув ва метан аралашма-сидан таркиб топган қатламларга ажралмаган. У ташқи ядро билан ўралган суюқланган жинслардан иборат ички ядрога эга деб тахмин қилинади.
Плутон

Плутон - карлик сайёра. 2006 йилнинг 24 августигача Қуёш тизимидаги тўққизинчи сайёра деб саналиб келинган, аммо Халқаро астрономлар иттифоқининг (ХАИ) XXVI Бош ассамблеяси қарори бўйича бу мақомдан маҳрум этилган. Плутон 1930 йили 18 февралда америкалик астроном Клайд Томбо (Clyde W. Tombaugh) томонидан кашф этилган.

Плутон 1930 йил май ойида Халқаро астрономик уюшма томонидан расмий равишда сайёра деб тан олинган. Ўша вақтда унинг массаси Ерникига яқин деб тахмин қилишган. Ҳақиқатан эса Плутоннинг массаси Ерникидан 500 марта ва ҳатто Ой массасидан ҳам кичик бўлиб чиқди.
Қуёшдан Плутонагача ўртача масофа 5,913 млрд. км, аммо орбитаси эксцентриситетининг катталиги (0,249) туфайли бу масофа 4,425 дан 7,375 млрд. км гача ўзгаради. Қуёш ёруғлиги Плутонгача беш соат мабойнида етиб боради. Плутон орбитаси Нептун орбитасига нисбатан Қуёшга яқин жойлашган. Натижада перигелийда Плутон саккизинчи сайёрага нисбатан Қуёшга яқинроқ туради. Бунда Плутон ва Нептун орбиталари ўзаро кесишмайди, чунки Плутон орбитаси эклиптика текислигига нисбатан 17,15° қия жойлашган. Бундан ташқари, Плутоннинг орбитал айланиш даври 247,69 йилга тенг ва Нептун уч марта айланганда Плутон икки марта айланади.
Плутон жуда кичиклиги туфайли замонавий телескопларда ҳам кучсиз ёритилган нуқтадай бўлиб кўринади (2,15-расмлар). Плутон-нинг айланиш ўқи орбитасининг текислигига 12,5° қияланган.