Masofaviy ta’limning didaktik ta’minoti masofaviy ta’limning pedagogik texnologiyalari

Masofaviy ta’limda o‘quv materiallarini tashkil etishda modullilik quyidagilarni talab etadi:

• 
  masofaviy o‘quv kursi tarkibi va uning elementlarini modul asosida tuzish;
  
• 
  har bir modulni aniq tarkibiy tuziilmasini ishlab chiqish;
  
• 
  modul tarkibiga kiruvchi o‘quv elementlarining aniq tarkibini tuzish;
  
• 
  ma’lumotnoma materiallari;
  
• 
  mazmunan yaqin yoki fan rivojlanishi bilan bog‘liq fanlar bo‘yicha qo‘shimcha materiallar;
  
• 
  glossariy
  

Modulning tarkibiy tuzilmasi quyidagilardan tashkil topishi lozim:

• 
  modul maqsadi;
  
• 
  modulga kirish testi;
  
• 
  modulni o‘rganish axborot resursi;
  
• 
  modul tarkibi;
  
• 
  o‘quv elementlarini o‘rganish ketma-ketligi bo‘yicha tavsiyalar;
  
• 
  modulni yakunlash testi.
  

Modul tarkibiga kiruvchi o‘quv elementlarining tarkibi:

• 
  o‘quv elementi maqsadi; fanni o‘rganishning axborot resurslari;
  
• 
  o‘quv-vizual materialli matnlar, mashq va masalalar;
  
• 
  olingan bilimni tekshirish bo‘yicha topshiriqlar
  

(testlar);

• 
  tyutorning etalon javoblar berilgan nazorat varaqasi.
  

Ma’lumotnoma materiallari tarkibi:

• 
  tarixiy ma’lumotlar;
  
• 
  qiziqarli ma’lumotlar;
  
• 
  internet ma’lumotlari
  

Quyidagi sxemada fanni o‘rganishni pedagogik loyihalashning asosiy vazifalari ko‘rsatilgan. Unda nazariy

materiallar, test va amaliy mashg‘ulotlarni yoritish uslubi va masofaviy kursda muloqat qilish vositasi keltirilgan.

O‘quv materiallarini masofaviy ta’lim uchun loyihalashda axborotlarni yoritishning samarali usullari, jumladan grafik sxemalar va jadvallardan keng foydalanish tavsiya etiladi.

Axborotlarni grafik sxemalar asosida yoritishda quyidagi usullardan foydalanish mumkin: klasterlar, mental kartalar, baliq skeleti sxemasi, denotat grafalar va b.

Klaster iborasi inglizcha “Cluster” so‘zidan olingan bo‘lib, u yordamida katta hajmdagi axborotlarni tizimlashgan holda yoritish mumkin.

12-Rasm. Klaster. Axborotlarni grafik yoritish texnikasi

Mental kartalar -taniqli yozuvchi, ma’ruzachi va o‘qitish psixologiyasi hamda fikrlash muammolari bo‘yicha maslahatchi Toni B’zen tomonidan ishlab chiqilgan. U Mind maps so‘zidan olingan bo‘lib, “Intellekt-karta” yoki “Aql kartasi” deb ham yuritiladi. Shuningdek, o‘quv materiallarini baliq skeleti, ajurli arra, FSMU, bumerang, skarabey, kaskad, Veer, pinbord, “T-sxema-texnikasi”, delfi, blis-so‘rov, “Nima uchun?” texnologiyalari, BBXB (Bilaman, bilishni xohlayman, bilib oldim), konseptual jadval, insert jadvali asosida yoritish masofaviy ta’lim o‘quvchisini ma’lumotlarni yaxshi qabul qilishiga hamda oson o‘zlashtirishiga imkoniyat yaratadi.