Mashqlar majmuasi

48-mashq. Gumon olmoshlarini aniqlab, xususiyatlarini izohlab yozing.  

N a m u n a :

  negadir – sababga nisbatan gumon.  

1.    U  kishi  faqirni  nechundir  ko`p  xushlamaydilar...(O.Yo.)  2.  Shu  asnoda  yomg’ir  va  shamol  shovqini  aralash 

q

andaydir  tovushlar  eshitildi.  (O.)  3.  Qaysi  kuni  redaktsiyaga  kirib,  qanaqadir  fel`yetonni  bosilayotgan  yerida  to`xtatib 

q

o`yibdi.  (J.Abd.)  4.  Shu  vaқt  kimdir  uning  ustidan  bosib  o`tdi-da,  birdan  to`xtab,  yelkasidan  tortdi.  (O.)  5.  Mana  endi, 

ularga termilib kimningdir ko`zlarini esladi. (J.Abd.) 6. O`sha davrning murakkabligini, vaziyatning og’irligini, bu maqolani 

yozish  to`g’risida  qayerdandir,  kimdandir  topshiriq  olganini  aytib,  obidiyda  qilib  qutulib  ketdi.  (O.Yo.)  7.  Lekin  shu  onda 

nimadir  “qars”  etdi.  (O.)  8.  Shu  payt  allaqaydan  militsiya  yetib  keldi.  (S.Ahm.)  9.  Mehmonlar  esa  tepalab  qayoqqadir 

boqishardi. (S.Anorboyev) 10. Qayerdandir yelib-yugurib Ahmedov yetib keldi. (O.) 11. Qaydadir bombalar yoriladi. (O.) 12. 

Ota  o`lgur  birovning  malayi  bo`lsa  ham  o`lguday  kekkaygan,  takabbur.  (O.)  13.  Ularnikiga  chiqsam  negadir  yayrab 

ketaman. (X.To’xt.)14. Birovning mulkiga nega ko`z olaytirishadi? Nima haqlari bor? (O`.U.) 14. Shundan so`ng Karomat xola 

Shokir so`fining ostonasiga birov bola tashlab ketganini so`zlab beradi. (Yu.Shomansur)   15. Tomog’iga esa bir nima tiқilib 

q

olayotganday. (S.Anorboyev)