Mashinasozlik texnologiyasi

14. Zenkovkalash (nem. Senker- chuqurlashtirmoq) – konussimon yoki silindrik chuqurchalar ochish, teshiklar atrofida tayanch tekisliklari hosil qilish, markaziy teshiklardan faskalar olish maqsadida detallarga ishlov berish.

15. Kalibrlash (kalibrovanie) – teshiklarning shakllari va o’lchamlari aniqligini oshirish, shuningdek sirtlaridagi g’adir-budurliklarni kamaytirish va kesib ishlov berilgandan keyin sirtqi qatlamini mustahkamlash uchun teshiklarga ishlov berish; po’lat sharchani botirib yoki jilolangan yo’g’onroq opravkani (shu bilan birga dornni) kirgizib amalga oshiriladi.

16. Kiryalash (volochenie) –metallarga bosim bilan ishlov berish; bunda dumaloq yoki shakldor profilli buyumlar (asosan, chiviq, katanka, truba) teshik (filyer) dan (odatda, sovuqlayin) tgrtib o’tkaziladi; filyer chiqish kesimining yuzasi tortiladigan buyumlarning dastlabki kesimi yuzasidan kichik bo’ladi. Kiryalash natijasida buyumning ko’ndalang kesimi o’lchamlari kichrayadi, uzunligi esa ortadi. Ayni vaqtda bir necha tanavorga ishlov berish uchun bir necha filyerli kiryalash stanidan foydalaniladi.

17. Latunlash (latunirovanie) –po’lat buyumlar sirtiga 1...10 mkm gacha qalinlikda elektrolitik usulda latun (70% mis va 30% rux) qatlami berish. Buyumlarni korroziyadan saqlash, nikel yoki boshqa qoplamalar berishdan oldin tag qatlam hosil qilish, shuningdek qoplamalashdan oldin po’lat bilan rezinani yaxshi yopishtirish uchun foydalaniladi.

18. Mislash (mednenie) –metall, asosan, po’lat, rux va alyuminiy buyumlar sirtiga elektrolitik usul bilan mis qatlami yugurtirish. Bimetallar tayyorlash, po’lat buyumlarni dekorativ muhofaza qilish, nikellash, xromlash, oralik qatlam hosil qilish, shuningdek kavsharlash ishini engillashtirish uchun amalga oshiriladi.

19. Montaj (frants. montage-ko’tarish, o’rnatish, yig’ish)-inshoatlar, konstruktsiyalar, texnologik jihozlar, agregatlar, mashinalar, asboblar va ularnining uzellarini tayyor detallardan yig’ish va o’rnatish.