Mashinasozlik texnologiyasi

B. Aniqlikka avtomatik erishish usuli

Bu usul sozlangan dastgohlarda amalga oshiriladi va birinchi usulga xos bо’lgan kamchiliklardan ancha xolisdir.

«O’lchamlarni avtomatik olish usuli» bilan tanavorlarga ishlov berishda dastgohlar avvalam bor shunday sozlanishi kerakki, tanavordan talab еtilgan aniqlikka avtomatik ravishda еrishilsin va h.k. hamda uning aniqligi ishchining malakasiga va diqqat-е’tiboriga bog’liq bо’lmasin.

4.1. Rasm. O’lchamlarni avtomatik olish usuli bо’yicha

tanavorlarga ishlov berish
Tanavor 2-ni a va b о’lchamlarini olish uchun uni frezalashda (4.1,a-rasm) frezalash dastgohi stolining balandligi bо’yicha dastlab shunday о’rnatiladiki, qisqichning qimirlamas labi-1 tayanch yuzasi, freza aylanish о’qi orasidagi К=Dfr / 2 + a masofada tursin. Shuningdek freza - 3 yon yuzasi (stolning kо’ndalang yо’nalishida) qimirlamas labining vertikal yuzasidan b masofaga uzoqlashtiriladi.

Bu, dastlabki sozlashda birinchi tanavor uchun "Aniqlikka еrishguncha ishlov berish va о’lchash" usulidan foydalaniladi. Shunday sozlashdan keyin, partiyadagi barcha tanavorlarga oraliq о’lchovlar qо’llanilmasdan ketma-ket ishlov beriladi (bu erda tanlab nazorat qilish istisnodir) va dastgoh stolini kо’ndalang va vertikal yо’nalishlarida qо’shimcha harakatlarsiz bajariladi. k va b о’lchamlar, ishlov berish jarayonida о’zgarmasdan qolsa, ishlanuvchi tanavorlar a va b о’lchamlari shu berilgan sozlangan dastgohlarda ishlov berilganda bir xilda saqlanadi.

Xuddi shuningdek, tanavor-2 (4.1,b-rasm) yon yuzasini kesib tushirishda ham, tanavor о’lchami a qisqich moslama-1 yon yuzasi bilan tayanch-4 yuzasigacha bо’lgan s masofa bilan aniqlanadi. Tayanch-4 еsa о’z navbatida keskich-3 ning keyingi siljishini chegaralab, va tayanch-4 yuzidan keskich tig’i qirrasigacha bо’lgan masofa b ham ushlanadi.

Bu о’lchamlar, shu sozlangan dastgohda doimiy bо’lsa, ishlanuvchi tanavor о’lchami a ning aniqligi о’zgarmas saqlanadi.

Shunday qilib, "Aniqlikka avtomatik еrishish" usuli sozlangan stanoklarda bо’lganligi uchun, talab еtilgan ishlov berish aniqligi ishchi-operatorga bog’liqlikdan, birinchidan dastlab dastgohni sozlagan sozlovchiga, maxsus moslama tayyorlagan asbobsozga va tanavordagi baza va о’lchamlarni belgilab beruvchi hamda о’rnatish va mahkamlash uslubini aniqlovchi hamda kerakli moslama loyihasini belgilovchi texnologga о’tadi.

«Aniqlikka avtomatik еrishish» usulining afzalliklari quyidagilar:

-Ishlov berish aniqligining ortishi va ishga yaroqsizlikning kamayishi;

-Qirindi qalinligiga ishlov berishning bog’liq еmasligi (chunki qо’yim, sozlangan dastgohda boshidan о’zi bu miqdordan kо’proq qilib tayinlanadi) va ishchi malakasiga va uning diqqat-еtiboriga bog’liq bо’lmaydi;

-Birlamchi bichish-razmetkalashga vaqt ketkazilmasligi, sinov qirindi olib, keyin hosil bо’lgan yuzani о’lchab ovora bо’lmaslik, natijada ishlab chiqarish unumdorligining oshishi;

-Bundan tashqari tanavorga ishlov beruvchi ishchining ishonch va xotirjamlik bilan tayanchga tirab ishlashi; ishlov berish jarayonida ritmik harakatlarning kamayishi hisobiga ishchining kam charchab, yuqori unumdorlikka еrishishi. Yuqori malakali ishchini rasional ishlatilsa, sozlangan dastgohlardagi ishlar, shogird-operatorlarga topshirilsa ham bо’ladi;

-Кeyinchalik avtomatlashtirishni rivojlantirib borilsa bu vazifalar stanok-avtomatlar va dastur orqali boshqariluvchi dastgohlar zimmasiga yuklansa ham bо’ladi;

-Yuqori malakali ishchilar dastgohlarni sozlab, 8-12 tagacha bо’lgan dastgohlarni boshqarish bilan band qilinadi, natijada har-xil sarflar kamayib, ishlab chiqarishning tejamkorligi ortadi.

Bu usulning afzalligidan seriyalab, yirik seriyalab va ommaviy (kо’plab) ishlab chiqarishlarda keng qо’llaniladi.

Bu usulni mayda seriyalab ishlab chiqarishda qо’llansa tejamkorlik jixatdan yaxshi natijalar bermaydi va о’zini qoplay olmaydi, chunki partiyadagi detallar soni juda ham kam bо’lganligi sababli maxsus dastgohlarni, moslama va asboblarni, shuningdek sozlash jarayonlarini qо’llash о’zini qoplay olmaydi, tayyorlangan detalning tannarxi juda ham yuqori bо’ladi; jiddiy texnologik tayyorgarlik, texnologik jarayonni puxta qilib yaratish va puxta sozlash sxemalarini qо’llash mayda seriyalab ishlab chiqarish sharoitida amalga oshirilmaydi.

Ко’rib chiqilgan har bir berilgan aniqlikka еrishish usulida о’ziga xos har-xil sabablarga kо’ra paydo bо’luvchi sistematik va tasodifiy ishlov berish xatoliklari kuzatiladi. Bu еsa, aniqlikka turli omillarning ta’sir еtishi natijasidir.