Mashinasozlik instituti “Mashinasozlik теxnologiyasi” kafedrasi

1. UMUMIY QISM

1.1. Kurs ishining maqsadi va vazifalari

Kurs ishi talabalarning «Mashinasolikning zamonaviy jihozlari» fanini o’rganishdagi yakunlovchi bosqichdir.
Kurs ishining maqsadi talabalarning o’qish davrida olgan bilimlarini aniq konstruktorlik masalalarini kompleks yechimini aniqlashni o’rgatishdan iboratdir.
Chunonchi, kurs ishi ustida ishlash-bu talabalarning «Chizmachilik va chizma geometriyasi», «Konstruktsion materiallar texnologiyasi», «Mashina va mexanizmlar nazariyasi», «Materiallar qarshiligi», «Mashina detalari» kabi umumtexnika hamda maxsus fanlar «Metallarni kesish nazariyasi» va kurs ishini asosi bo’lgan «Mashinasolikning zamonaviy jihozlari» fanlaridan olgan bilimlarini mustaxkamlashdir. Bunda talabalar o’qish jarayoning lektsiya, laboratoriya, amaliy mashg’ulotlardan va ular uchun ajratilgan mustaqil talim soatlari asosida to’plagan bilimlarini aniq konstruktorlik masalalarini to’g’ri idrok etib, yechimini hal etishda ijodiy qo’llay olishlari lozim.
Mazkur uslubiy ko’rsatmaning asosiy maqsadi yuqorida aytilganlarni amalga oshirishda talabalarga ijobiy yordam ko’rsatish bilan birga nazariy olgan bilimlarini va amaliy maxoratlarini tartibga solish, ijodiy ishlarni bajarishda konstrutorlar uchun tavsiya etilgan ma’lumotnomalardan, GOSTlardan, baholash va me’yor, jadval, nomogramma va xokazolardan foydalanish maxoratlarni egallashga hamda konstruktorlik qobilyatlarni rivojlantirishga yo’llashdir.

1.2. Kurs ishining mavzulari

Kurs ishi uchun beriladigan mavzular «Avtomatlashtirilgan ishlab chiqarishning texnologik jihozlari» fanini o’qitishdagi maqsadlarni mujassamlashtira olishi lozim.
Maxsus, maxsuslashtirilagn va universal metall qirqish dastgohlarining turli xillarini aniq bir turkum detalga ishlov berish uchun loyihalash, Shuningdek dastgohning biror bir mexanizmini avtomatik hamda dastur bilan boshqarish qurilmalarini sinashga oid ilmiy tadbirlarni ishlab chiqish va loyihalash kabilar kurs loyihasi uchun mavzu bo’lishi mumkin. Ishlab chiqarish korxonalarida metall qirqish dastgohlarini takomillashtirishga oid bo’lgan konstruktorlik masalalari kurs ishi uchun mavzu qilib olinishi maqsadga muvofiqdir.
Kurs ishining mavzulari kafedra uslubiy seminari yig’ilishida ko’rib chiqiladi va kafedra mudiri tomonidan tasdiqlanadi.
Kurs ishi maqsadi va mazmuniga qarab uch xil yo’nalishda bajarilishi mumkin:
-dastgohning bosh xarakat uzatmasini loyihalash;
-dastgohning surish xarakati uzatmasini loyihalash;
-dastgohni mexanizatsilash va avtomatlashtirish qurilmalarini loyihalash.