"Машиналар яратишнинг техник асослари" фанидан 4 – амалий машғулот

5.Тажриба қурилмасининг тавсифи

Айланма печ кўп саноат тармоқларида материаллар етиштиришда асосий технологик агрегат сифатида хизмат қилади (цемент, охак, керамзит, кокс ва бошқалар). Айланма печ умуман олганда, ичи иссиққа чидамли ғиштдан қопланган узун қувир. Таянч роликларга уфққа қия қилиб (3–4%) жойлаштирилган ва айланиши натижасида унинг ичига солинган хом – ашё юқори учидан пастги учига қараб ҳаракат қилади. Печ ичида ёнилғи ёндириши натижасида юқори харорат (1000-1500⁰ С) таoсирида хом – ашёда физик химик ўзгаришлар вужудга келади ва мақсадли хоосаларга эга бўлган тайёр махсулот печдан туширилади (масалан, цемент етиш -тиришда печдан клинкер туширилади.) Айланма печ турини ва ўлчамини белгиловчи асосий кўрсаткичлар бу танасининг ички диаметри (Д) ва узунлиги (L). Бу кўрсаткичларнинг кўпайтмаси айланма печларнинг маркасини белгилайди, масалан:Ø 3,1x150 м; Ø 3,6x150м; Ø 5x185м ва бошқалар.

Айланма печнинг ишчи модели кафедра лабора -ториясида ўрнатилган бўлиб, у қуйидагилардан ташкил топган (5. 3- расм).Печ танаси (1) бандажлар (2) ёрдамида таянч роликлар (3) га ўрнатилган. Модел юклаш (4) ва бўшатиш (12) қисмлар билан жиҳозланган. Айланма печни айлантириш учун электромотор (11), редуктор (10) кичик (9) ва катта (7) тишли ғилдираклардан иборат юритма хизмат қилади. Материални (6) айланма печга тушириш учун бункер (5) мавжуд. Айланма печ модели ишини бажариш ва кўрсаткичларини ўлчаш учун бошқарувчи пулpт (8)хизмат қилади.


5.3 – расм. Айланма печ лаборатория моделининг схемаси

1 – печ танаси; 2 – бандажлар; 3 – таянч роликлар; 4-юклаш қисми; 5 – бункер; 6 – материал; 7 – каттта тишли ғилдирак; 8 – бошқариш пулти; 9 – кичик тишли ғилдирак; 10 – редуктор; 11 – электромотор; 12 – бўшатиш қисми.

6.Ишни бажариш тартиби
6.1 Лаборатория моделини ишга тайёрлаш.
6.2 Танланган конструкция бўйича пропорция асосида шакл ҳосил қилиш билан боғлиқ таҳлил қилиш.
6.3 Зарур материаллар ва асбоблар танлаш.
6.4 Топшириқни бажариш тартиби.
Топшириқни бажаришда айланма печни умумий конструктив таҳлил қилиш:

• 
  айланма печ лаборатория моделининг пропорциялаш усулида чизмасини чизиш.
  
• 
  ўлчамларини қўйиш.
  
• 
  пропорционаллик талаблари бўйича таҳлил қилиш (ёзма равишда)
  
• 
  айланма печнинг каталокдаги саноат варианти чизмаси билан солиштириш.
  
• 
  хулоса.