Mashina detallari va loyixalash asoslari” fanidan kurs loyihasi uchun topshiriq

III. REDUKTORNI LOYIHALASH
3.1. Reduktorlar haqida umumiy maxlumotlar
Mashinaning xarakatlantiruvchi qismi (energiya manbai aksariyat elektr dvigatel)dan uning ish bajaruvchi kismiga aylanma xarakat tezligini kamaytirib, burovchi momentning qiymatini oshirib uzatishga mo‘ljallangan va alohida korpusga joylashgan tishli va chervyakli uzatmalardan tashkil topgan mexanizmlar reduktorlar deb yuritiladi.
Reduktor deb aylanishlar sonini kamaytirib burovchi momentni oshirib beradigan yopiq tishli uzatmaga aytiladi.
Mavjud reduktorlarni quyidagi turlarga bo‘lish mumkin:
1. Foydalanilgan uzatmaning turiga qarab-silindr g‘ildirakli, konussimon g‘ildirakli, chervyakli, konussimon-silindr g‘ildirakli, silindr-chervyak uzatmali va x.k.
2. Pog‘onaning soniga qarab – bir pog‘onali, ikki pog‘onali, uch pog‘onali va x.k.
3. G‘ildiraklarning bir-biriga nisbatan joylashuviga qarab gorizontal, vertikal reduktor deyiladi.
Tishli uzatmali reduktorlar. Bu reduktorlardan eng ko‘p ishlatiladigani-silindr g‘ildirakli reduktorlardir. Bunday reduktor-larning uzata olishi mumkin bo‘lgan quvvati kichik mikdorlardan tortib juda katta mikdorgacha bo‘lib, tuzilish va tayyorlanishi oddiy, chidamliligi esa yetarli darajada yuqoridir.
Odatdagi tishli uzatmali reduktorlarning xizmat muddatini 30…50 ming soat qilib belgilash tavsiya etiladi.