Машина деталлари маъруза курси лотин 2017 й 20 янв

Tayanch iboralar. 
Sirpanish  podshipniklari,  dumalash  podshipniklari,  vkladishlar,  radial  podshipniklar,  tirak 
podshipniklar, radial-tirak podshipniklar, ajralmaydigan va ajraladigan podshipniklar. 
Dars maqsadi 
Vallar  va  o’qlar  tayanchlarining  turlari,  ishlatilish  sohalari  va  qiyosiy  tavsifnomasi 
to’g’risida talabalarda bilim va tushunchalar hosil qilish. 
 
 
1. Turlari va ishlatilish sohalari 
 
Podshipniklar  val  hamda  o’qlarning  shiplariga  o’rnatilib,  tayanch    vazifasini  o’taydi.  O’q 
yoki  val  orqali  tayanchga  tushadigan  kuchni  bevosita  podshipniklar  o’ziga  qabul  qiladi. 
Mexanizmning  foydali  ish  koeffisiyentini  kamayib  ketishidan  saqlash  uchun  podshipniklardagi 
ishqalanishga sarflanadigan quvvatni iloji boricha kamaytirshga   harakat qilish zarur. 
Mashinaning  ishlash  qobiliyati  va  chidamliligi  podshipniklarning  sifatiga  ko’p  jixatdan 
bog’liq.  Shuning  uchun  podshipniklar  tanlash  va  ish  jarayonida  ularni  kuzatib  turish  masalalariga  
alohida e’tibor berish lozim. 
PDF created with pdfFactory Pro trial version 
www.pdffactory.com

---

72
 
 
 
Aylanayotgan  val  yoki  o’q  shiplari  podshipniklarda  ishqalanadi.  Ana  shu  ishqalanishning 
turiga qarab podshipniklar sirpanish podshipniklari bilan dumalash podshipniklarga bo’linadi. 
Sirpanish  podshipniklarida  sirpanib  ishqalanib,  dumalanish  podshipniklarida  esa  dumalab 
ishqalanish  sodir  bo’ladi.  Bundan  tashqari,  val  o’qiga  tik  kuchlarni  qabul  qilish  uchun 
mo’ljallangan  podshipniklar  radial  podshipniklar  deyiladi.  Val  o’qi  bo’ylab  yo’nalgan  kuchlarni 
qabul qilish uchun mo’ljallangan podshipniklar tirak podshipniklar deb, val o’qiga tik kuch bilan bir 
vaqtda  uning  o’qi  bo’ylab  yo’nalgan  kuchlarning  ham  qabul  qilish  uchun  mo’ljallangan 
podshipniklar esa radial-tirak podshipniklar deyiladi. 
Yuqorida aytib o’tilgan podshipniklarnning hamma turi ham keng ko’lamda ishlatiladi.