Машина деталлари маъруза курси лотин 2017 й 20 янв

3.Detallarni tayyorlash uchun ishlatiladigan materiallar 
 
Mashina  detallarini  tayyorlash  uchun  ishlatiladigan  materiallar  ish  jarayoni  davomida 
ta’mirlanmasdan  ishonchli  ishlashi  hamda tannarxi  arzon,  texnologik  jihatdan  esa  tayyorlash  oson 
bo’lishi kerak. 
Mashinalar tannarxining asosiy qismini unga sarf qilingan materiallar tashkil qiladi. Masalan, 
bu  miqdor  avtomobil  sanoatida  55…70%  ni,  ko’tarish-tashish  mashinalarida  70…75%  ni  tashkil 
qiladi. 
Mashinasozlikda  ishlatiladigan  materiallarning  xili  juda  ko’p  bo’lib,  ularni  uch  guruhga 
bo’lish mumkin: 
1) qora metallar; 2) rangli metallar; 3) metallmas materiallar. 
Bulardan eng ko’p ishlatiladigani qora metallar – po’lat va cho’yanlardir. 
Qora  metallarning  ko’p  ishlatilishiga  sabab  shuki,  ular  mustahkam  bo’lishi  bilan  birga, 
nisbatan  arzon  turadi.  Qora  metallarning  salbiy  tomoni  zichligi  katta  bo’lib,  korroziyaga  uncha 
chidamli emasligidir. 
Mis,  alyuminiy,  magniy,  titan,  qalay,  qo’rg’oshin,  nikel  rangli  muhim  metallardan 
hisoblanadi.  Mashina  detallari  asosan  ularning  qotishmalaridan  tayyorlanadi.  Masalan,  misning 
qalay, alyuminiy, nikel kabi elementlar bilan hosil qilgan qotishmasi bronza deb ataladi. 
Alyuminiy  eng  yengil  konstruksion  materiallardan  biri  bo’lib,  sho’r  suvlarda,  atmosferada 
korroziyabardoshligi bilan ajralib turadi. 
So’nggi  yillarda  mashinasozlikda  plastmassalardan  keng  ko’lamda  foydalanila  boshlandi. 
Plastmassalar  metallmas  materiallar  bo’lib, tabiiy  va sintetik polimerlar asosida olinadi  va  ulardan 
plastik deformasiyalash usullari yordamida detallar tayyorlanadi. 
Mashinasozlikda  ishlatiladigan  asosiy  materiallarning  ximiyaviy  tarkibi  va  xossalari 
metallshunoslik  va  boshqa  maxsus  kurslarda  o’rganilganligi  sababli  bu  yerda  ularni  tanlash 
masalalari  xaqidagi, shuningdek,  so’nggi  yillarda  keng qo’lamda  ishlatila  boshlagan plastmassalar 
xaqidagi maolumotlarlargina bayon etiladi.  
PDF created with pdfFactory Pro trial version 
www.pdffactory.com

---

10
 
 
 
 Mashinalar  loyihalashda  ularning  detallari  uchun  material  tanlash  injener-konstruktorning 
eng mas’uliyatli vazifalaridan biridir.  
 Mashina  detallari  uchun  materiall  tanlashda  uning  faqat  xossalarigagina  axamiyat  bermay, 
balki buni har tomonlama o’rganish lozim.  
Mashina  detallari  uchun  material  tanlashdagi  asosiy  talab  shuki,  tanlab    olingan  material, 
avvalo, detalning ishga layoqatli bo’lishini ta’minlashi hamda nisbatan arzon turishi kerak.