Mashg‘ulot 5: psixosomatik kasalliklar. Mashg‘ulot maqsadi va vazifalari

Psixoprofilaktika kasallikni erta aniqlash va davolash, profilaktik charalari va davolash, kasallik retsidivini va bemorlar nogironligini, ruhiy buzilishlarni oldini olishga qaratilgan chora tadbirlar majmuidir.

Psixoprofilaktika vazifalari:

- organizmga kasallik chaqiruvchi sababni bartaraf etish

- erta tashhislash va davolash orqari kasallik rivojlanishini oldini olish

- kasallik retsidivini va surunkaliga o‘tishini oldini olishga qaratilgan davolashni olib borish

Psixoprofilaktika umumiy profilaktikaning bir bo‘limi bo‘lib, birlamchi, ikkilamchi, uchlamchi turlarga bo‘linadi.

Birlamchi psixoprofilaktikaning maqsadlari psixogigiyenaning maqsadlariga o‘xshab ketadi va nafaqat asabiy-ruhiy kasalliklar, balki barcha somatik kasalliklarning oldini olish bilan ham shug‘ullanadi. Bunga bolalik davridan boshlab, insonning ruhiy salomatligini nazorat qilib borish, o‘z vaqtida yuqumli kasalliklarga qarshi emlash, ruhiy va jismoniy rivojlanishdan orqada qolayotgan bolalar tarbiyasi va jismoniy rivojlanishiga har tomonlama yordam ko‘rsatish orqali erishadi.

Birlamchi psixoprofilaktikaning asosiy maqsadlaridan yana biri yosh oila qurayotgan yigit-qizlarni tekshirib irsiy kasalliklarni aniqlash, yangi tug‘ilgan chaqaloqlar salomatligini saqlash, onalar salomatligini muhofaza qilish hamdir.

Ikkilamchi profilaktika psixogen kasalliklarning qayta qo‘zg‘alishining oldini olish bilan shug‘ullanadi. Shu maqsadda erta tashxis qo‘yish, aniqlangan belgilarni o‘z vaqtida bartaraf etish, yangi davolash usullarini keng qo‘llash, kasalliklarning surunkali davrga o‘tib ketishining oldini olish choralari ko‘riladi.

Uchlamchi psixoprofilaktika surunkali kasalliklarda nogironlik rivojlanishini oldiniolishga qaratilgan chora tadbirlar majmuidir.