Машғулот Мавзу: «Мустақиллик байрами» мавзусида суҳбат

Тетиклаштирувчи машқ (ихтиёрий)
Тарбиячи: Гуруҳимизга қўғирчоқ Лолахон меҳмон бўлиб келди. Келинглар, унга турли ҳайвонларни, уларнинг болаларининг расмларини кўрсатамиз. Уларнинг номларини ўргатамиз. Бунинг учун “Ниманинг боласи?” ўйинини ўйнаймиз:
Қўзичоқ.. (қўйнинг боласи)
Тойчоқ.. (отнинг боласи)
Улоқча.. (эчкининг боласи)
Мушукча.. (мушукнинг боласи)
Бўталоқ.. (туянинг боласи)
Болалар, Лола ҳайвон болаларининг қайси ҳайвоннинг болалари эканини билмас экан. Энди Лолахон янада яхши билиб олиши учун “Боласини топинг” ўйинини ўйнаймиз. Мен расм кўрсатаман ҳамда гапнинг бошини айтаман, сиз расмда тасвирланган ҳайвоннинг боласининг расмини кўрсатасиз ва номини айтасиз.
Мушукнинг боласи (мушукча).
Қўйнинг боласи (қўзичоқ).
Отнинг боласи (тойчоқ).
Эчкининг боласи (улоқча).
Ҳозир у биз билан сайрга чиқади. Лолага қандай кийимларини кийинтирамиз?
(Болалар: кўйлагини, камзулини, туфлисини, пайпоқларини).
“Қўнғизлар ва чивинлар” ўйини. Тарбиячи: икки гуруҳга бўлинамиз. Биринчи гуруҳ болалари чивинлар бўлишади, иккинчи гуруҳ болалари қўнғизлар бўлишади. Қачон мен: “Чивинлар учиб кетишди” деб айтсам, чивинлар хона бўйлаб учадилар ва “ззз...” деб айтишади. Қачон мен: “Қўнғизлар учиб келишди” деб айтсам, чивинлар ўз жойига югуриб кетишади ва қўнғизлар “жжж...” деб хона бўйлаб учадилар.
Саводга тайёрлаш бўйича амалий машқ
Болалар, келинглар, ҳайвон болаларининг номларини бўғинга бўламиз. Тойчоқ сўзини биргаликда чапак чалиб бўғинга бўламиз.
Той-чоқ. Икки бўғиндан иборат.
Демак, сўзлар бўғинлардан тузилган экан.Биринчи бўғин (Той), иккинчи бўғин (чоқ)
Шу тариқа бошқа ҳайвон болаларининг номларини бўғинларга бўлиш мумкин.
Машғулот якунида тарбиячи барча болаларни ширин сўзлар билан рағбатлантиради.