масала Талоқ ва лимфа тугунлари қон ва лимфани депоси вазифасини бажариши мумкин. Бу аъзолар тузилишининг қайси хусусиятлари шу вазифани бажаришини таъминлаб беради? Мухокама давомида қуйидаги саволларга жавоб беринг

24-масала
Меъда ости бези касаллиги аниқланган беморнинг қонида қанд миқдори ошиб кетган. Бу аъзонинг гистофизиологияси билан боғлиқ бўлган қандай маълумотларни шифокор билиши керак? Мухокама давомида қуйидаги саволларга жавоб беринг:
1) Меъда ости безини эндокрин қисмининг тузилиши
2) Лангерганс оролчаларининг қайси ҳужайралари фаолиятининг бузилиши бундай касаллика олиб келади?

25-масала
Дентин – тишнинг хаёт давомида ишлаб чиқарилувчи тўқимасидир. Бу тўқиманинг тикланиш имкониятларини тушунтириш учун қуйидаги саволларга жавоб беринг:
1) Дентинни қайси ҳужайралар ишлаб чиқаради, улар қаерда жойлашади ва тиш куртагининг қайси қисмидан ихтисослашади?
2) Дентиннинг озиқланиши ва охакланиши қандай амалга ошади?

26-масала
Маълумки, дентикллар тишда пульпа оғриқларини қўзғатиши мумкин. Бу холатни тушунтириб бериш учун қуйидаги саволларга жавоб беринг:
1) Дентиклларнинг ҳосил бўлиш сабаблари нимада?
2) Дентикллар қўзғатган оғриқлар қандай пайдо бўлади?

27-масала
Маълумки, одатда ўт суюқлиги ўт йўлларидан қон капиллярларига ўтиб кетмайди. Бу холатни тушунтириб бериш учун қуйидаги саволларга жавоб беринг:
1) Жигар пластинкаси қандай тузилган?
2) Гепатоцитларнинг қандай ультраструктур хусусиятлари ўт суюқлигини ўт йўлларидан қон капиллярларига ўтиб кетишига йўл қўймайди?

28-масала
Тишнинг бўйлама шлифи препаратида эмалда сариқ-жигар ранг чизиқлар кўринади. Улар дентин-эмаль чегарасидан эмаль юзасига қия йўналган симметрик ёйлар шаклига эга. Тишнинг кўндаланг шлифида бу чизиқлар дарахт танасининг кесимига ўхшаш концентрик айланалар кўринишида жойлашади. Мухокама давомида қуйидаги саволларга жавоб беринг:
1. Бу чизиқлар нима ва қандай номланади?
2. Улар қандай пайдо бўлади?

29-масала
Тухумдон сариқ танасининг ҳужайраларида дегенерация аломатлари кузатилади: аутофагосома вакуоллари шаклланиши, ядроларнинг пикнози, липидларнинг тўпланиши. Бу холат сариқ тана ривожланишининг қайси даврига тўғри келади? Мухокама давомида қуйидаги саволларга жавоб беринг:
1) Сариқ тана тухумдоннинг қайси тузилмаси ўрнида ривожланади?
2) Сариқ тана ривожланиш даврларини тавсифланг