Маърузалар матни 1-мавзу. Билимлар иқтисодиёти фанининг мақсад ва вазифалари

7.4.Корхоналарнинг инновацион бизнес фаолияти
Умумий ва ноорганик кимё институтида дунё тажрибасида биринчи марта яратилган Марказий Қизилқум фосфоритидан «азотфосфорли ўғит» олиш технологияси «Навоийазот» акциядорлик жамиятида жорий этилиб, 2016 й.да 8,1 млрд. сўмлик 40 минг тонна ўғит ишлаб чиқарилди. 2017 йилда 54 млрд. сўмлик 180 минг тонна ўғит ишлаб чиқарилди.
Самарқанд кимё заводида маҳаллий хом ашёдан янги нитрокальцийфосфатли ўғит ишлаб чиқариш технологияси ўзлаштирилди. Тажрибаларнинг кўрсатишича ўғитнинг озуқалик даражаси суперфосфатникидан икки баравар кўп бўлиб, у айниқса шўрланиши юқори бўлган майдонларда яхши самара беради. 2012-2016 йилларда 32,6 млрд. сўмлик 185,2 минг тонна маҳсулот ишлаб чиқарилди.
«Фарғонаазот» акциядорлик жамиятида 2015-2016 йилларда 6,2 млрд. сўмлик 3 минг тонна юмшоқ таъсир этувчи янги –«УзДЭФ» дефолианти, 37,8 млрд сўмлик 17,7 минг тонна «Супер ХМД» дефолианти ишлаб чиқарилди. 2015-2016йилларда ушбу дефолиантлар билан республика пахта далаларининг 70% дан кўпига ишлов берилган.
Мураккаб ўғит ишлаб чиқариш, фосфор ангидриди, оддий суперфосфат, турли маркали КМЦ (карбоксиметилцеллюлоза), ўсимликлар уруғига кимёвий ишлов берувчи УзХитАН перепаратини ишлаб чиқариш технологиялари жорий этилган. Умуман, юқоридаги технологиялар асосида 2012-2015 йй.да 93,1 млрд. сўмлик маҳсулот ишлаб чиқарилган, 234 млн.доллари миқдорда валюта тежалган.
Тошкент кимё технология институтида яратилган маҳаллий хом-ашё асосида экстракцияли фосфор кислотасини олиш технологияси “Аммофос Максам” ОАЖда жорий этилиб, фосфорли ўғитлар ишлаб чиқаришда қўлланилган. 2010-2016 йилларда 577,0 млрд сўмлик 795 минг тонна ўғит ишлаб чиқарилган, жумладан 123,6 млн АҚШ долларига ўғит хорижга экспорт қилинган.
2012-2016 йилларда 12 номдаги дори воситаларни ишлаб чиқариш бўйича инновацион технологиялар «Ўзфармсаноат» ДАК корхоналарида жорий этилиб, жами 1378,3 млн.сўмлик янги дори воситалари ишлаб чиқарилган.
Фанлар академиясининг Ўсимлик моддалари кимёси ва Биоорганик кимё институтларининг инновацион фаолияти натижасида 2011 йил давомида «Аллапинин», «Жистенин» дори воситалари, биопрепаратлар ва «Госсипол» субстанциясини 2 млн. АҚШ доллари миқдорида экспорт қилинди.