Маърузалар бўйича тарқатма материал

Семинар машғулоти учун топшириқ:

“Давлат ижро ҳокимияти” ва “давлат бошқаруви” тушунчалари ўртасидаги ўзаро алоқа ва фарқли жиҳатларини ёритиб беринг. Давлат бошқарувининг қонун чиқарувчи, суд, прокурор назорати каби давлат фаолиятининг турларидан ажратиб турувчи ўзига хос жиҳатларини айтиб беринг.

Муҳокама қилинг.


1. Маъмурий ҳуқуқ предметини қандай ижтимоий муносабатлар ташкил этади?
2. Маъмурий ҳуқуқнинг оммавий ҳуқуқ билан ўзаро муносабати нимада?
3. Маъмурий ҳуқуқнинг бошқа ҳуқуқ соҳалари билин ўзаро муносабати нимада?
4. “Ижро ҳокимияти органи”, “давлат бошқаруви органи” ва “маъмурий орган” тушунчаларини ўзаро муносабати ва ўзига хос хусусиятларини ёритинг.


Муҳокама қилинг.


1. Тошкент шаҳри Юнусобод туманида истиқомат қилувчи фуқаро А. туман ҳокимига 2016 йилнинг 2 августида ўзи яшайдиган турар жойга туташ бўлган ҳудудда автомобилларни ювиш жойи қуриш ва ушбу жойда автомобилларни ювиш учун сувни ер остидан қудуқ қазиш орқали олиш мақсадида ер ажратишни сўраб ёзма тарзда мурожаат қилди. Орадан бир ярим ой ўтдиҳамки, фуқаро А. ўзининг Юнусобод тумани ҳокимига қилган мурожаатига жавоб ололмади. Натижада фуқаро А. мазкур ҳолат бўйича вилоят ҳокимига мурожаат қилди.
Мазкур ҳолатга ҳуқуқий баҳо беринг.


2. Тошкент шаҳри Олмазор туманида яшовчи фуқаро К.Комилов ўзига қарашли ер участкасида 6 хонадан иборат турар-жой биноси қурди. Орадан 10 йил ўтгач фуқаро К.Комиловнинг ҳовлиси жойлашган ҳудуддан автомобиль магистрал йўли қуриш лойиҳаси давлат дастурига киритилди. Мазкур ҳолат бўйича ҳокимият вакили фуқаро К.Комиловга қарашли ер ўрнига бошқа ер берилишини, уй-жой қуриш учун эса маблағ берилмаслигини таъкидлаб ўтди. Бундан норози бўлган фуқаро Тошкент шахри Олмазор туман ҳокимиятига уй қуриш учун маблағ таъминлаш юзасидан мурожаат қилди. Туман ҳокимияти масъул ходими мурожаатни асоссиз деб топиб, сабаб сифатида уйнинг қурилиши рухсатсиз амалга оширилганини маълум қилди.
Мазкур ҳолатга ҳуқуқий баҳо беринг.