Маъруза режаси

1.2. Халқаро аудит фанининг предмети ва объектлари
“Халқаро аудит” махсус фан сифатида маълум мақсадга қаратилган ва бир қанча вазифаларни бажаради.
“Халқаро аудит” ҳам амалий фаолият ва ҳам махсус иқтисодий фан сифатида ўзининг предмети ва объектларига эга.
“Халқаро аудит” фанининг амалий фаолият нуқтаи назаридан предмети деганда компания, корпорация ва фирмаларнинг молиявий-хўжалик фаолиятини ўрганиш тушунилади.
“Халқаро аудит” фанининг махсус иқтисодий фан сифатидаги предмети бўлиб, аудиторлик фаолиятининг халқаро тажрибаси, халқаро аудиторлик стандартларини ишлаб чиқиш ва аудиторлик фаолиятини унификациялаш масалаларини ўрганиш ҳисобланади.
Юқоридаги таърифларга биноан жаҳон иқтисодиётининг ҳозирги ривожланиш босқичида “Халқаро аудит” фанининг предметини ифодаловчи қуйидаги асосий объектларга ажратиш мумкин. (1-жадвал)
1-жадвал
“Халқаро аудит” фанининг асосий объектлари таснифи

“Халқаро аудит” фанининг амалий фаолият сифатидаги объектлари	“Халқаро аудит” фанининг махсус иқтисодий фан сифатидаги объектлари
1. Хўжалик юритувчи субъектларнинг амалий фаолият объектлари: А.Таъминот фаолияти Б. Ишлаб чиқариш(иш бажариш, хизматлар кўрсатиш) фаолияти В. Сотиш фаолияти	1. “Халқаро аудит” фанининг ўқув дастурида белгиланган мавзулар (объектлар): · “Халқаро аудит” фанининг предмети, объекти ва методи · Халқаро аудит ва унинг моделлари · Халқаро аудит ташкилотлари ва компаниялари, уларнинг ривожланиш тарихи · АҚШ ва Европа давлатларида аудит тизими · Осиё давлатларида аудит тизими · МДҲ давлатларида аудит тизими · Аудитнинг халқаро стандартлари · Аудитнинг Ахлоқ кодекси · Аудитнинг умумий стандартлари · Аудитнинг ишчи стандартлари · Аудитнинг ҳисобот ва махсус стандартлари · Аудиторлик хулосаси ва ҳисоботини тузиш · Ўзбекистон Республикаси аудит тизимини халқаро миқёсда интеграциялаш масалалари
2. Молиявий ҳисобот элементларига нисбатан объектлари: А. Бухгалтерия баланси бўйича-активлар, мажбуриятлар, хусусий капитал Б. Молиявий натижалар тўғрисидаги ҳисобот бўйича-даромадлар, харажатлар, фойда ва зарарлар В. Пул оқимлари тўғрисидаги ҳисобот бўйича-операцион, инновацион, молиявий ва солиққа солиш	2. Аудит ўтказишнинг иқтисодий нуқтаи назари бўйича объектлари: А. Ташқи аудит Б. Ички аудит 3. Аудит ўтказишнинг мақсадига кўра объектлари: А. Тасдиқловчи аудит Б. Тизимли йўналтирилган аудит В. Рискка асосланган аудит
3. Мижоз билан тузилган шартномага нисбатан объектлари: А. Мулкни давлат тасарруфидан чиқариш ва хусусийлаштириш билан боғлиқ бўлган операциялар Б. Ташқи иқтисодий фаолият В. Экспорт ва импорт операциялари Г. Хорижий инвестициялар Д. Қимматбаҳо қоғозлар билан боғлиқ бўлган операциялар Е. Инновацион, истиқболли ва бошқа лойиҳалар билан боғлиқ операциялар	4. Аудит ўтказишнинг мажбурий ёки мажбурий эмаслигига қараб объектлари: А. Мажбурий аудит Б. Ташаббусли аудит 5. Аудит текширувининг даврийлигига кўра объектлари: А. Дастлабки аудит Б. Даврий аудит 6. Аудит ўтказишнинг халқаро амалиётидаги анъанавий турлари: А. Операцион аудит Б. Мос келувчанлик (меъёрий ҳужжатларга) аудити В. Молиявий ҳисоботлар аудити
4. Турдош (профессионал) хизматлар кўрсатиш бўйича объектлари 5. Махсус мақсаддаги аудит ўтказиш объектлари	7. Стандартларни қўллашга нисбатан ўтказиладиган аудит объектлари: А. Халқаро аудит стандартлари бўйича Б. Миллий аудит стандартлари бўйича

Жадвалда келтирилган аудитнинг объектлари таснифидан кўриниб турибдики, унинг мажбурий аудит туридан ташқари ихтиёрий, ташаббусли ва махсус турлари бўйича олдиндан уни аниқ объектларини белгилаш қийин. Чунки у буюртмачи-мижозлар таклифлари асосида белгиланади.