Маъруза режаси Ғишт-тош териш ишларининг мақсади. Умумий қоидалар

Енгил конструкцияли деворларни теришдан ғиштлар сарфини камайтириш ва теримнинг хусусий массасини камайтириш учун фойдаланилади. Териш иккита параллел узунасига терилган деворлардан ҳар 3...5 қаторда, баъзан эса ундан ҳам кўпроқ кичик томон билан терилган қаторда боғлашдан иборат. Ҳосил бўлган бўшлиқ иссиқликдан изоляцияловчи тўқма, енгил бетон, исситгич блоклари ёки плиталари билан тўлдирилади. Икки ва ундан кам ғишт қалинлигидаги конструкциянинг бикирлигини орттириш учун кичик томони билан терилган қаторларнишахмат тартибида турли сатҳларда бажарилади. Енгиллаштирилган теримларнинг қўлланилиши ғишт сарфини 30...40% камайтиришга, меҳнат сарфини ва ишлар қийматини анча қисқартиришга имкон беради (плакат).
Арматураланган тош териш – унинг ўзига хос хусусияти шундаки, мустаҳкамликни ошириш учун чокларга арматура турлари ёки алоҳида стерженлар ётқизилади (7.6.-расм). Кўндаланг арматуралаш учун тўғри тўртбурчакли сим тўрлар ёки “зигзаг” тўрлар қўлланилади. Тўр стерженлари диаметри 3...8 мм бўлганда стерженлар орасидаги масофа 30...120 мм атрофида бўлиши керак. “Зигзаг” тўрларини икки қўшни қаторларга шундай жойлаштириш керакки, бунда улардаги симлар ўзаро перпендикуляр жойлашиши керак. Тўрлар вертикал бўйича лойиҳага кўра ётқизилади, лекин терилган ҳар 5 қатордан камида биттадан ётқизилади. Одатда тўрғритўртбурчак тўрлар стерженларининг диаметри 5 мм гача, “зигзаг”лари 5дан 8 мм гача бўлади. Қоришманинг ҳимоя қатламини таъминлаш учун терилган чок қалинлиги сим диаметрларидан камида 4мм дан оралиқ бўлмаслиги керак.
Бўйлама арматуралаш учун сиқилган арматуранинг диаметри 3мм дан, чўзилган арматуранинг диаметри 8мм дан кам бўлмаслиги керак. Арматуралаш ғишт теришда жойланган стерженлар ёки тўрлар билан ҳам унинг ёнида ташқи томондан ҳам амалга оширилади, бу иккинчи ҳолда ғишт теришда ўрнатилган хомутлар ёрдамида ғишт терилган жойга махкамланади. Арматураларни занглашдан мухофаза қилиш учун қуруқ шароитда фойдаланишда қоришма маркаси 25дан кам бўлмаслиги нам шароитларда эса 50дан кам бўлмаслиги керак.

7.6-расм. Ғиштли устунлар ва пардеворларни арматуралаш:
а-тўғри тўртбурчакли тўрлар билан; б-зигзагсимон тўрлар билан; в-тўрлар симларининг чиқиб турган учлари.