Занжирли бир қаторли терим барча турдаги ғишт ва тош турларидан теришда қўлланилади. Териш кундаланг ва буйлама қаторларни оралатиб навбатма-навбат қўлланиб бажарилади, бунда пастда жойлашган қатордаги ғиштлар ёки тошлар орасидаги ҳар бир вертикал чок кейинги қатордаги ғиштлар ёки тошлар билан қопланади (7.4-а расм). Бундай боғланиш тизимида вертикал кўндаланг чоклар чоракталик ва чоракам битта ғиштларни қўлланиш ҳамда ярим ғиштли бўйлама чоклар учун боғланишни амалга ошириб қопланади.
Кўп қаторли олти қаторли терим, бунда кўндаланг вертикал чоклар ҳар қаторда беркитилади, бўйлама вертикал чоклар эса-фақат 5та горизонтал қатор оралатиб қопланади, яъни боғланиш тизими ташқи томонда олти қатор ғиштнинг навбатма-навбат келишини назарда тутади-битта кундаланг ва бешта ён томони билан терилган (7.4-расм).
Расм. Икки ғишт қалинлигидаги деворларни теришда чоклар боғланиши тизимлари: а-бир қаторли (занжир); б-кўп қаторли; 1-кундаланг қаторли; 2,6-буйлама қаторлар; 7-тўлдирувчи ўрта қисм
Бундай теришда узун томони билан терилган қаторлардаги чоклар ½ ғиштга сурилган бўлади, бўйламалари эса фақат 6-қатор ғиштлари билан беркитилади. Бундай теришнинг хусусияти шундаки, кетма-кет беш қаторда девор бўйлаб узунасига териб чиқилади, бундай теришнинг бир қаторли теришга нисбатан катта афзаллиги шундадир, чунки ғиштларни ўрта оралиққа териш чет томонга тош теришдан анча осондир.
Кўп қаторли теримда мустаҳкамлик бир қаторли теришга қараганда 2...5% кам, лекин у бир қатор афзалликларга эга.
Ишлар осон ва тез бажарилади;
Иш учун чоракам битта ғиштлар талаб этилмайди;
Ташқи томонга 1,3 марта кам бутун ғишт терилади;
Бир қаторли теришда ўрта оралиққа териш хажми 25%, кўп қаторлида эса 42%.
Оралиққа хар қандай ғишт синиғи ишлатилади.
Боғлаш тизимининг камчилиги сифатида қиш шароитида манфий температураларда теришни бажариш анча мураккаб эканини таъкидлаш мумкин. Бу ҳолат қоришманинг бўйлама вертикал чокларда музлаб қолиш қалинлиги ½ ғишт бўлган теришнинг ташқи ва ички оралиқларнинг шилиб қолишини вужудга келиши билан боғлиқ.
Тўрт қаторли териш устунлар ва узунлиги 1м гача бўлган пардеворларни теришда қўлланилади. Кўндаланг вертикал чокларнинг терилганучта қўшни қаторларда мос қелиб қолишига руҳсат этилади. Устунлар ва пардеворларни фақат бутун асл ғиштдан териш лозим.
Ғишт теришни кичик томони билан терилган қатор билан бошлаб, худди шундай қатор билан тугатилади. Улар тўсинлар, проганлар, фермалар, устёпма ва ораёпма плиталари тираладиган жойларда, теришнинг чиқиб турувчи жойларида-карнизларда, белбоғларда, боғлашнинг қабул қилинган тизимининг кетма-кетлигига боғлиқ бўлмаган ҳолда жойлаштирилади. Қисқа томони билан терилган қаторлар билан ўрта оралиқли ташқи қаторлар ҳам боғланади, шу сабабли улар доимо бутун ғиштдан терилиши керак.
Do'stlaringiz bilan baham: |