Ma’ruza matni

MA‘RUZA MASHG‘ULOTLARI. 
148 

Metodika kengashiga maktabgacha ta'lim boshqaruv organlaridan yo'llangan hujjatlar 
nusxasi. 
2.
Maktabgacha ta‘lim muassasasida pedagogik kengash va uning ish mazmuni 
Sifatli tarbiya va ta'lim uchun munosib sharoitlarni tashkil etish, o'qituvchilarning kasbiy 
mahoratini oshirishga tizimli yondoshish ishning asosiy vektori bo'lib qolishi kerak. O'qituvchilar 
va boshqa xodimlarning huquqiy savodxonligi masalasi har doim muassasa rahbariyatining diqqat 
markazida bo'lishi kerak. Ta'lim va tarbiyaning yuqori sifatiga erishish uchun maktabgacha ta'lim 
muassasasi faoliyatining eng muhim masalalarini hal qilishda vakolatli kollektiv yondashuv talab 
etiladi. 
Pedagogik kengash tenglik, adolat, oshkoralik va o'zaro hurmat tamoyillariga rioya qilgan holda 
o'ziga xos "oila" ga aylanishi kerak. 
Pedagogik kengash jamoa pedagoglari fikrini ifodalovchi, bolalar bilan olib boriladigan ta‘lim-
tarbiya ishlarini birgalikda ko‘rib chiqadigan doimiy faoliyat yuritadigan organ, metodik mahorat 
maktabi va ilg‘or tajriba minbaridir. 
Maktabgacha ta‘lim muassasasi rahbari Pedagogik kengash raisi hisoblanadi. Pedagogik 
kengash muhokamasiga bolalar bilan olib boriladigan ta‘lim-tarbiya ishlari samaradorligini oshirish, 
mavjud muammo va kamchiliklarni bartaraf etish chora-tadbirlarini belgilash, muassasada 
pedagogika, psixologiya, sotsiologiya kabi fan sohalarida erishilgan yutuqlarni va yetuk pedagog-
tarbiyachilar ilg‘or tajribasini amaliyotga joriy etish; tarbiyachilar pedagogik mahoratini oshirish, 
ularning ijodiy faolligini rivojlantirish singari masalalar kiritiladi. 
Pedagogik kengash Xalq ta‘limi vazirligi, maktabgacha ta‘lim buyicha buyruq, yul-yuriq, 
nizom va boshqa me‘yoriy xujjatlarni; maktabgacha ta‘lim muassasasining yillik ish rejasini; 
bolalar sog‘lig‘ini mustahkamlash tadbirlarini; har bir yosh guruhlari buyicha «Bolajon» dasturining 
sifatli bajarilishi jarayonini; ish amaliyotiga joriy qilish maqsadida tarbiyachilarning ilg‘or 
tajribalarini; maktabgacha yoshdagi bolalarga ta‘lim-tarbiya berishning dolzarb masalalarini, 
tarbiyachilarning nazariy va metodik tayyorgarligini oshirish masalalarini va maktabgacha ta‘lim 
muassasasi faoliyatiga doir boshqa masalalarini muhokama qiladi. 
Pedagogik kengash kun tartibini belgilashda barcha qatnashchilarni qiziqtiradigan dolzarb 
mavzularning kiritilishini ta‘minlash zarur. Faqat shundagina Pedagogik kengashda ish muhiti 
xukm suradi, masalalar muhokamasi faol va sermahsul buladi. 
Pedagogik kengash tarkibiga: uslubchi, tarbiyachilar, musiqa rahbari, maktabgacha ta‘lim 
muassasasiga xizmat qiladigan shifokor, katta , hamshira, kasaba uyushmasi, ota-onalar qo‘mitasi 
hamda vasiylik kengash raislari kiradi.
Pedagogik kengash yigilishiga jamoat tashkilotlari vakillari, maktab o‘qtuvchilari, 
maktabgacha ta‘lim muassasasi tarbiyalanuvchilarining ota-onalari taklif etilishi mumkin. 
Pedagogik kengash maktabgacha muassasaning yillik ish rejasiga kiritilgan va Pedagogik 
kengash tomonidan tasdiqlangan reja asosida faoliyat yuritadi. 
Maktabgacha ta‘lim muassasalarining kollegial organi hisoblangan Pedagogik kengash faoliyati 
pedagog xodimlar, ota-onalar, homiylarni birlashtirib, maktabgacha ta‘limda davlat talablari asosida 
muvofiqlashtirilgan ta‘lim-tarbiya jarayonini takomillashtirishga yunaltirilgan. 
Pedagogik kengashning asosiy vazifalariga quyidagilar kiradi: 
— ta‘lim muassasasi pedagogik jamoasi faoliyatini yunaltirish, tarbiyalanuvchilar egallashi lozim 
bo‘lgan bilim, malaka va ko‘nikmalarni rivojlantirish, «Maktabgacha yoshdagi bolalar 
rivojlanishiga qo‘yiladigan Davlat talablari»ning bajarilishini ta‘minlash; 

---