Ma'ruza matni doc

Қорамол тери ости букаси –Heposerma bovis. Вояга етган ҳашоратнинг 
оғиз аппарати ривожланмаган. Шунинг учун ҳам улар овқатланмайди. Улар 
ўртача 25-36 кун умр кўради. Шу вақт ичида улар қорамолларнинг оёқларига, 
қарши қисмига тухум қўяди. Битта урғочи сўна 800 тагача тухум қуяди. 2-4 
кундан кейин тухумдан чиққан личинкалар терини тешиб уни остига кириб 
оладилар. 
Тери ости туқималарини емириб озиқланади ва аста-секин юқорига қараб 
силжийди. Буйин орқали умуртқа каналини ичига утиб, умуртқа канали ичида 
ҳаракатланади. Бу вақт ичида 2 марта туллаб улгуради. Кейинчалик умуртқа 
каналидан чиқиб терини тешиб нафас олиш тешигини очади. 
Бу ерда улар яллиғланиш натижасида ҳосил бўлган йиринглар ҳисобига 
озиқланади. Маар ойни охири апрелнинг бошида улар ерга тушиб, тупроқ остида 
ғўмбакка айланади. 20-25 кундан кейин ғумбакдан бука учиб чиқади ва яна 
тухум қўя бошлайди. 
Қўй бурун букаси. Бу бука ҳам вояга етган даврида ўртача 25 кун умр 
кўради. Тери букасидан фарқи, тухум қўймайди, тирик тўғади. Вояга етган сунна 
май-июн ойларида қўй ва эчкиларни оралаб юриб, уларнинг бурун бўшлиғига 
тирик личинкаларини жуда аниқлик билан ташлайди. 
Июнь-авгуси ойларида личинка қўй ва эчкиларни миясига томон 
силжийди. Бу вақтда 2 март туллаб 3 ёшга тулади. Қўй ва эчкиларда сохта 
айланчиқ касаллигига сабаб бўлади. Ҳайвонлар акса урганда личинкалар ерга 
тушиб ғумбакка айланади ва 28-35 кунда вояга етади. 
Отларнинг ошқозон букаси. Булар ҳам вояга етган вақтда 
овқатланмайди. Тухумларини отларнинг оёқларига қўядилар. Тухумдан чиққан 
личинкалар кучли қичиққа сабаб бўладилар. Отлар қичиган жойларида тишлари 
билан қашлаган вақтларида оғиз бўшлиғига ўтиб, у ердан қизилўнгач орқали 
ошқозонга тушадилар. Бу ерда улар ошқозон девориларига ёпишиб олиб уни 
яллиғлантиради. Улар чақирадиган касаллик гастрафилёз деб аталади. 
Личинкалар аналь тешигидан ерга тушиб ғумбакка айланади.