ma’ruza elektrotexnika va sxemalar fanga kirish

Hozirgi kunda telekommunikatsiya tarmoqlarining shiddat bilan rivojlanib borishi, INTERNET tarmog‘ining hayotimizga kirib kelishi ilm- fan rivojiga katta ta’sir qildi. Dunyo aloqa tarmoqlari bo‘yicha axborotlani uzatish, qabul qilish, ma’lumot almashish katta tezliklarda amalga oshirilmoqda.

• Hozirgi kunda telekommunikatsiya tarmoqlarining shiddat bilan rivojlanib borishi, INTERNET tarmog‘ining hayotimizga kirib kelishi ilm- fan rivojiga katta ta’sir qildi. Dunyo aloqa tarmoqlari bo‘yicha axborotlani uzatish, qabul qilish, ma’lumot almashish katta tezliklarda amalga oshirilmoqda.
• Axborot ustidan murakkab amallarni bajaruvchi telekommunikatsiya tarmoqlari axborotni uzatuvchi, kuchaytiruvchi, axborotni o‘zgartiruvchi, qabul qiluvchi, axborotni qayta ishlovchi, murakkab qurilmalardan iborat. Bunday murakkab turdagi qurilmalar har xil turdagi elektrotexnik va elektron sxemalardan tashkil topgan bo‘ladi.
• Radioelektron tizimlar hamda telekommunikatsiya tarmoqlarining texnik qurilmalarini yaratish, ishlatish uchun ushbu texnik vositalar orqali borayotgan jarayonni o‘rganish, ularni tashkil etgan elektr zanjirlarini tahlil qilish, elektr toki oqayotgan jarayon qaysi qonunlar asosida amalga oshirilishini bilish zarur bo‘ladi.

Elektronika va sxemalar 1 fani ikkita asosiy tematik mavzulardan iborat:
1. Elektr zanjirlar nazariyasi asosi, asosiy qonunlar, teoremalar, vaqtinchalik va barqaror holatlar, sinusoidal barqaror holat, chastota xususiyatlari.
2. Elektronika va yarimoʼtkazgichlar, diodlar, bipolyar tranzistorlar, maydoniy tranzistorlar, integral mikrosxemalar, operatsion kuchaytirgichlarni tahlil qilish usullari.
Fanning elektr zanjirlari nazariyasi qismini o‘rganishdan maqsad talabalarning elektr zanjirlari bo‘yicha asosiy qonunlar, ta’riflar haqida umumiy nazariy va amaliy bilimlarini shakllantirish va talabalarda elektr zanjirlarini tahlil qilish, zanjirlarni Om, Kirxkof qonunlari va tugun potensiallar usuli, kontur toklar usuli asosida hisoblash va eksperimental tadqiq qilishning asosiy ko‘nikmalarini shakllantirishdan iborat.
Elektronika qismida elektron qurilmalarining negiz elementlari ko‘rib chiqilgan. Diodlar, tranzistorlarning sinflanishi, volt -amper va boshqa xarakteristikalari, asosiy ulanish sxemalari va ularni turli ishchi rejimlarida aniq bir qurilmalarda qo‘llanilish hossalari keltirilgan. Analog va raqamli qurilmalarning yasalish prinsiplariga alohida e’tibor qaratilgan.
Bugungi kunda axborot texnologiyalari sohasi respublikamizning rivojlanishida muhim o‘rin tutib kelmoqda. O‘tgan yillar mobaynida O‘zbekiston Respublikasi hukumati tomonidan yurtimizda axborot texnologiyalarini keng joriy qilish va rivojlantirish borasida olib borgan siyosati hozirgi kunga kelib o‘z natijalarini ko‘rsatmoqda.
Telekommunikatsiya tarmoqlarining texnik qurilmalarini yaratish, ishlatish uchun ushbu texnik vositalar orqali borayotgan jarayonni o‘rganish, ularni tashkil etgan elektr zanjirlarni tahlil qilish, elektr toki oqayotgan jarayon qaysi qonunlar asosida amalga oshirilishini bilish zarur bo‘ladi. Ushbu qonunlarning ko‘pchiligi “Elektr zanjirlar nazariyasi” (EZN) fani orqali o‘rganilgan. EZN fani o‘tgan asrning 60 yillarida alohida fan sifatida tashkil etilgan.