Ma’ruza eksperimental statistik modellashtirish usuli Reja

MA’RUZA-3. Eksperimental statistik modellashtirish usuli
Reja:

1.Matematik modellashtirish va modellashtirish bosqichlari

2.Eksperimental statistik modellashtirish usuli.
3.Chiziqli regressiya;
4.Regression taxlil.

1. 
   Matematik modellashtirish va modellashtirish bosqichlari
   

Odatda texnologik obyektni o‘rganishda ma’lum qiyinchiliklar bo‘lsa,

unda modellashtirish usullari qo‘llaniladi (masalan, obyektning xavfsizligi bo‘yicha tajriba o‘tkazish mumkin bo‘lmasa). Modellashtirilayotgan obyekt xususiyatlarini uning modelida olingan anologik xususiyatlarni tahlil qilish yo‘li bilan o‘rganishga modellashtirish deyiladi. Bunda model va obyekt o‘xshash bo‘lishi kerak. Odatda o‘xshashlik fizik va matematik bo‘ladi.
Fizik modellashtirishda, obyekt xususiyatlari kichik masshtabli moslamalarda o‘rganilib, u ob’ektni o‘rganishni kam xarajatlar bilan o‘tkazishga imkoniyat beradi. Fizik modellashtirishda ob’ektning ba’zi bir xususiyatlari modelda olingan natijalardan farqli bo‘lishi mumkin.Shuning uchun odatda fizik modellashtirishda odingan natijalarni to‘g‘ridan-to‘g‘ri obyekt uchun qo‘llab bo‘lmaydi.
Matematik modellashtirish usuli oxirgi 30-40 yil ichida juda tez rivojlanib bormoqda. Ayniqsa, zamonaviy kompyuterlarning imkoniyatlarini oshib borishi bilan matematik modellashtirish yo‘li bilan texnologik jarayon xususiyatlarini o‘rganish yaxshi natijalar bera boshladi.