Ma’ruza №8 ansys va solidworks dasturlari

Qattiq jismli modellash tizimlari
Qattiq jismli modellash tizimlari (Solid modeling Systems) yopiq hajmdan tashkil topgan yoki monlit (Solid) ob'ektlar bilan ishlash uchun mo‘ljallangan. Karkasli va yuzaviy modellash tizimlaridan farqli ularoq, qattiq jismli modellash tizimlarida yopiq hajm tashkil etilmaydigan yuzalar va xarakteristik chiziqlar yaratishga yo‘l quyilmaydi. Qattiq jismli modellash tizimlarida yaratilgan ob'ektlarning matematik ifodalari bo‘yicha tizim biror-bir nuqtaning qaerda joylashganligi: hajm ichida, uning tashqarisida yoki uning chegarasida joylashganligini aniqlaydi. Bu ma'lumotlar bo‘yicha jism hajmi xaqidagi barcha ma'lumotlarni olish mumkin bo‘ladi. Demak, ob'ekt bilan yuza darachasida emas balki hajm darajasida ishlaydigan ilovalarni yozish mumkin bo‘ladi.
Masalan, qattiq jism modeli bo‘yicha yakuniy elementlar to’rsini shakllantiruvchi ilovalar yozish mumkin. Zagatovkadan detalni tayyorlash uchun zarur bo‘lgan RDB frezasining barcha traektoriyasini shakllantirish uchun dastur yozish mumkin. Bu dastur alohida tekisliklar bilan emas, balki butun hajm bilan ishlaydi, bu esa har bir tekislik uchun ma'lumotlar kiritish zaruriyatidan ozod qiladi. Barcha bunday imkoniyatlarni faqatgina model yopiq kontur ko‘rinishida bajarilgandagina amalga oshirish mumkin bo‘ladi. Bu esa kam obrazli modellash tizimlarining ishlab chiqilishini sabablaridan biri bo‘lgan. Bunday modellash tizimlari bir vaqtda yuza va yopiq hajmlar bilan ishlash imkonini beradi. Qattiq jismli modellash tizimlarini ishlab chiquvchilar foydalanuvchilarga hajmiy shakllar bilan xuddi fizik modellar bilan ishlagandagi kabi matematik ifodalashning mohiyatiga berilmasdan ishlashi mumkin bo‘lishi uchun oddiy va tabiy funksiyalar taklif qilishga intilishadi. Primitivlarni yaratish, bulev operasiyalari, ko‘tarish, aylanuvchi figuralar qurish, burish va aylanalikka o‘xshash ifodalovchidan juda kam narsa talab etadigan modellash funksiyalarini taklif etadi. Ob'ekt modelini matematik ifodalashning barcha detallari haqida tizimning o‘zi qayg‘uradi.