Ma’ruza №8 ansys va solidworks dasturlari

Yuzaviy modellash tizimlari
Yuzaviy modellash tizimlarida (Surface modeling systems) vizual modellarning matematik ifodasi karkas modellardagi kabi nafaqat chiziqlar va ularning oxirgi nuqtalarining xarakteristikalari haqidagi ma'lumotlarni, balki yuzalar haqidagi ma'lumotlarni ham o‘z ichiga oladi. Ekranda ifodalanadigan model bilan ishlashda yuza egri chiziqlarining va oxirgi nuqtalari koordinatalarining tenglamalari ham o‘zgaradi. Agar yuzaga rang berilmagan va uchirilmagan bo‘lsa yuzaviy modellash tizimsidagi vizual model xuddi karkasli modellashdagi kabi ko‘rinadi.
Matematik ifoda yuzalarning bog‘lanishi haqidagi ma'lumotlarni ham o‘z ichiga olishi mumkin, ya'ni yuzalar bir-biri bilan qanday va qanday egri chiziq bo‘yicha bog‘langan. Masalan, RDB freza harakat traektoriyasini shakllantirish uchun dastur frezaning ishlov beriladigan yuza bilan birikishidagi yuzalarga tegish-tegmasligini tekshirib ko‘rishda bu axborotlardan foydalanish mumkin. Biroq yuzaviy modellash tizimlarida yaratilgan modellarning matematik ifodasida odatda, faqatgina cheksiz yuzalar (yoki ularning parametrlari) tenglamalari yuzalarning bog‘liqligi haqidagi ma'lumotlarsiz kiritiladi.
Aniqlovchi atributlarga silindrning markaziy o‘qi holati va yo‘nalishi, radiusi misol bo‘la oladi. Bog‘liqliklar haqidagi ma'lumotlarning yo‘qligi tufayli harakat traektoriyasini shakllantirish uchun dastur turdagi ilovalarda yuzalar chegaralarini aniqlash va ularning bog‘liqligini tekshirishini mustaqil ravishda bajarishga to‘g‘ri kelar edi. Zamonaviy yuzaviy modellash tizimlarida yuzalarning bog‘liqligi haqidagi ma'lumotlarning kiritilishi natijasida bunday noqulayliklar yo‘q.
Yuzaviy modellash tizimlarida yuzalarni yaratishning uch xil standart usuli mavjud.

1. 
   Kirish nuqtalarini interpolyasiyalash.
   
2. 
   Egri chiziqli turlarni interpolyasiyalash.
   
3. 
   Berilgan egri chiziqni translyasiya qilish yoki aylantirish.
   

Har bir usul uchun kiritish usullari konkret yuzaviy modellash tizimlaridan bog‘liq bo‘lishi mumkin. Biroq, har bir tizim uchun kiritishning bazaviy usuli egri chiziq va tekislikni ifodalash bo‘yicha oson aniqlanishi mumkin. (6,7 boblar).

8.2-rasm. Avtomobil korpusini modellash

8.3-rasm. RDB stanogida asbobning harakat traektoriyasini hisoblash va tekshirish

Yuzaviy modellash tizimlari murakkab yuzali modellarni yaratish uchun foydalaniladi, chunki vizual model loyihaning estetikligini baholash, matematik ifodasini esa detal yuzalariga RDB stanoklarida ishlov berish dasturlarini tuzish imkonini beradi. Yuzaviy modellash tizimlarida avtomobil korpusi modelini evolyusiya jarayoni 35-rasmda ko‘rsatilgan. Yuzaviy modellash tizimsida yaritilgan RDB freza harakat traektoriyasini hisoblash va tekshirish 36-rasmda keltirilgan.