MA’ruza. 2-otm pedagogika tarixi va pedagogik mahorat

K.D.Ushinskiy pedagogika fani va tarbiyaning ahamiyati to’grisida.
K.D.Ushinskiy 1824 yil 19 fevralda Tula shahrida tug'ildi. Ushinskiy bolalik va o'smirlik davrlarini Chernigov gubernasiga qarashli Novgorod-Seversk shahri yaqinida bo'lgan ota-onasining katta bo'lmagan erida o'tqazadi.

22 yoshdan boshlab Ushinskiy Yaroslovldagi adliya liseyida ensiklopediya, qonun-shunoslik, davlat huquqi va moliya fanlari kafedrasida professorlik vazifasida ishlay boshladi.

K.D.Ushinskiy o’qituvchilik va professorlik faoliyati davrida hamma bilimini tаlаbаlarga berishga, ularda ilm-fanlarni qunt bilan, jiddiy suratda o’qish havasini to’g’dirishga, ularda xalqqa muhabbat, unga xizmat qilish uchun tayyor turishi hissasini tarbiyalashga intiladi. Ushinskiyning taraqqiyparvarlik faoliyatini ko’rolmagan reaksion kayfiyatdagi professorlar, lisey rahbarlari, ichki ishlar vazirligining xodimlari uning ustidan hukumatga chaqiq xati yozdilar, K.D.Ushinskiyning fikri mavjud tuzumga noto’g'ri, buzuq, xavfli kishi deb tuhmat toshi otilgan.

1884 yilda Yevropada bo'lib o'tgan inqiloblar podsho hukumatini chuchitadi. Podsho hukumati shubhali kishilarni ta`qib ostiga ola boshlaydi. Shu jumladan Ushinskiy ham 1849 yilda liseydan “yomon otliq” qilib ishdan bo'shatiladi. Shundan so'ng u moddiy jihatdan qiynaladi. Shu yillari o'z zamonasi uchun mashhur bo'lgan “Zamondosh (“Sovremennik”)” va “O’qish uchun kutubxona” (“Biblioteka dlya chiteniya”)” jurnallarida adabiy xodim bo'lib ishlaydi, chet tillarini (ingliz tili) o'rganadi. Chet tillardagi asarlarni rus tiliga tarjima qiladi.

1859 yilda Ushinskiy Smolniy aslzoda qizlar institutida o'qituvchi va inspektorlik vazifasida ishga o'tadi. Bu o’rta ma`lumot beradigan maktab yopiq o'quv yurti bo'lgan, bunda qizlar ta`lim va tarbiya olganlar. Ushinskiy institutga ishga borgach tubdan islohotlar o'tkazadi.

1860-61 yillarda «Xalq maorifi ministrligi» jurnaliga rahbarlik qildi, quruq, kishilarni qiziqtirmaydigan umumiy jurnalni ilmiy pedagogika jurnaliga aylantirdi.

K.D.Ushinskiyning tarbiya nazariyasi falsafa, filologiya, pedagogika, psixologiya, anatomiya, fiziologiya, tarix fanlari qonuniyatlariga asoslanadi.

Uning fikricha, tarbiyaning vazifasi yoshlarni har tomonlama rivojlantirishdan iborat: tarbiyachi va o'qituvchilar tarbiyaning prinsipini, qoidalarini o'rganishlari kerak va shu bilan birga ana shu qoida va qonunlarni amaliyotga qo'llay bilishlari kerak.

Ushinskiy “Inson tarbiya predmeti sifatida” nomli asarida tarbiyaning psixologik asoslarini ishlab chiqdi. Bu asar pedagogik-psixologik asardir. Chunonchi, sezgilarning fiziologik asoslari: xotira, idrok, nutq, tafakkur kabi psixik jarayonlar va ularning rivojlanishi yoritilgan. Bu asarda psixik hodisalarning ro'y berishi haqida xulosalar chiqariladi.

K.D.Ushinskiy pedagogik tizimga xalqchillik prinsipini asos qilib olgan. Ushinskiy tarbiyaning xalqchilligi degan iborani xalqning barcha bolalarini maktabda o'qitish, ona tilini ta`limning asosi qilib olish, bolalarga o'z vatanlari tarixidan, geografiyasidan, tabiatidan keng bilim berish deb bildi. Xalq ruhi bilan sug'orilgan tarbiya bolalarga vatanga muhabbat, vatan oldidagi burchlarini sezish hissini o'stirish va butun kuchlarini vatan, xalq xizmatiga qaratilgan bo'lishi lozim.

Har bir avlod o'z xis tuyg'ularini, tarixiy voqialar, diniy e`tiqod, maslak natijalarini, boshidan kechirgan qayg'u va xursanchiliklarini ona tili xazinasiga qo'shadi. Xalq butun ma`naviy xayoti natijalarni ehtiyot qilib o'z tilida saqlab keladi. Til bor ekan, xalq ham bor, xalqning hayot ekanligini til orqali bilish mumkin.

Bola ona tilini o'zlashtirganda tovush va birikmalarni bilibgina qolmasdan tushunchalar, fikrlar va tuyg'ular badiiy obrazlarni ham o'zlashtiradi.

Ushinskiy kishi kаmоlgа еtgаn bo’lishi uchun uning аqliy, jismоniy vа аxlоqiy o’sishi bir-birigа uyg’un bo’lishi kеrаk dеb bildi.

Ushinskiyning fikrichа аxlоqiy tаrbiyaning vоsitаlаri qo’yidаgilаr: 1. Ta`lim; 2. O'qituvchining shaxsiy namunasi yoshlar qalbiga quyosh nuridek ta`sir etadi. 3. E`tiqod bolalarda-e`tiqodni tarbiyalamay turib ular qalbini rivojlantirib bo'lmaydi. 4. O'qituvchining mohirligi bilan munosabatda bo'lishi (pedagogik odob). 5. Ogohlantirish. 6. Qiziqtirish va jazolash.

Ushinskiy insonning to'g'ri rivojlanishida zarur shart mehnat deb biladi. Mehnat moddiy boylik yaratadi, insonning aqliy, axloqiy va jismoniy jihatdan takomil-lashtiriladi, qadr-qimmatini oshiradi. U jismoniy mehnat bilan aqliy mehnatning birlashtirilishini talab qildi. “O'qish ham mehnatdir va mehnat bo'lib qoladi, ammo to'la ma`noli mehnat bo'lishi lozim” – deb hisoblaydi.

K.D.Ushinskiyning didaktik qarashlari va pedagogik merosi
Ushinskiy didaktika sohasidagi qarashlarini “Ona tilini o'qitish yuzasidan qo'llanma, “Maktab-maorif ishlarini o'rganish uchun Shveysariya bo'ylab sayohat” maqolalarida bayon etdi.

Ushinskiyning fikricha ta`lim tamoyillari quyidagilar: 1) ta’lim bolalarning kuchi etadigan bo'lishi; 2) izchillik; 3) ko'rsatmalilik; 4) puxta va mustahkamlilik.

Ushinskiy ko'rsatmalilik prinspini kishining yoshi va psixologiyasidagi xususiyatlar nuqtai nazaridan asosladi. U ko'rsatmali vositalariga suratlar, kolleksiyalar, modellar va hokozolarni kiritgan.

Ushinskiy o'quv materialni anglab, puxta va mustaxkam o'zlashtirishga katta e`tibor berdi. O'quv materiallarini takrorlashga doir metodikani ishlab chiqdi.

Ushinskiy ta`lim jarayonida ikkita bosqich borligini ko'rsatdi: birinchidan, bolalar o'qituvchining rahbarligi bilan buyum yoki hodisani kuzatadilar va shu buyum yoki hodisa xaqida umumiy tushuncha xosil qiladilar. Buning o'zi uchga bo'linadi: 1. Bolalar o’qituvchining rahbarligida buyum yoki hodisani bevosita o'zlashtiradilar. 2. O’qituvchining rahbarligida o'rganilayotgan buyum yoki hodisa to'g'risida olgan tasavvurlarini bir-biridan ajratadi, farq qiladi, solishtirib ko'radilar ular to'g'risida tushuncha xosil qiladilar. 3. O’qituvchi o'zi izoh berib, bolalar olgan tushunchalarni to'ldiradi, asosiy jihatlarini ikkinchi darajali jihatlardan ayirib, tushunchalarni bir tizimga soladi.

Ushinskiy “Rus tilining dastlabgi o'qitish” nomli maqolasida zarur metodik ko'rsatmalar berdi. Uning fikricha o'qitishning uch vazifasi bor: 1. Bolalarning nutqini o'stirish. 2. Bolalarni o’z tilidan foydalanishga o'rgatish. 3. Tilning mashqini o'zlashtirish. Bu vazifalar bir vaqtda bajariladi.

K. D. Ushinskiy o'qitish prinsipiga asoslangan holda boshlang'ich ta`limga doir darsliklar ham tuzdi:

1. Ona tili darsligi – bu alifbedan boshlanadi, bunda bolalarning fikrini o'stirish va tasavvurlarini kengaytirish ko'zda tutilgan.

2. Bolalar dunyosi darsligi – bu 3-4 sinfga mo'ljallangan bo'lib, bunda bolalarga geografiya va tabiyotdan boshlangich ma`lumot berishi ko'zda tutilgan.

Ushinskiyning fikricha, o'qituvchi xalq orasida chiqqan bo'lishi kerak: u pedagogika va psixologiyani bilishi, pedagogik odob va mahoratlarga ega bo'lishi kerak. O'qituvchi o'z ustida mustaqil ishlab, ongini turli yangiliklar bilan boyitib borishi lozim.

Ushinskiy 1861 yilda “O’qituvchilar seminariyasining proekti” maqolasida boshlangich maktablar uchun o'qituvchilar tayyorlash tizimini taklif etdi. Xulosa qilganimizda, Ushinskiy Rossiyada maorif sohasida ko'p xizmat qildi. U «Rus dumboqchalarining do'sti»,“Rus muallimlarining muallimidir”.

Asosiy tushunchalar tahlili

Tushunchаlаr	Mоhiyati
Ta’lim tizimi
Intеgrаtsiya
Mоdеl
Lоyihа
Хаlqаrо lоyihаlаr

Jahon mamlakatlari ta’lim tizimi
Dunyo tа’lim mаkоnining yuzаgа kеlishi, fаоl intеgrаtsiоn jаrаyonlаr, tа’limni “insоn kаpitаli” sifаtidа e’tirоf etilishi, mа’lumоt hаqidаgi diplоmlаrning dunyo bo’ylаb tаn оlinishi chеt el tаjribаsini o’rgаnish jаrаyonini tеzlаshtirаdi.

1997 yilda ХTSK (Xаlqаrо tа’lim stаndаrt klаssifikаtsiyasi) yangilаndi. Undа yettitа bоsqich ko’rsаtilgаn. 0 – mаktаbgаchа tа’lim; 1 – bоshlаng’ich tа’lim; 2 – o’rtа tа’limning birinchi bоsqichi; 3 – o’rtа tа’limning ikkinchi bоsqichi’ 4 – o’rtа tа’limdаn kеyingi tа’lim (оliy tа’lim emаs); 5 – оliy tа’limning birinchi bоsqichi; 6 – оliy tа’limning ikkinchi bоsqichi – оliy tа’limdаn kеyingi tа’lim.

Jаhоn tа’lim tizimining ko’p omilli ko’rinishga egaligi metablokli, makroregional va alohida davlatlardaga ta’lim tizimini tahlil etishga imkon beradi. Jahon ta’lim tizimining o’zaro aloqadorligi va o’zaro harakati belgilariga ko’ra regionlarni bir nеchа turga bo’lish mumkin:

Birinchi turga integrasion jаrаyon generatorlari hisoblangan regionlar kiradi. Bunday regionga eng yorqin misol sifatida G’arbiy Yevropani keltirish mumkin. Birlik g’oyasi 1990 yillardan G’arbiy Yevropa davlatlarida tа’lim islohotlarining asosiga aylandi. Birinchi turga mansub regionlarga shuningdеk, AQSH vа Kаnаdа kаbilаrni hаm kiritish mumkin. Jаhоndа intеgrаtsiоn jаrаyonlаrning gеnеrаtоri sifаtidа yangi Оsiyo-Tinchоkеаni rеgiоni hаm shаkllаnmоqdа. Ungа Kоrеya, Tаyvаn, Singаpur vа Gоnkоng, shuningdеk, Mаlаyziya, Tаylаnd, Filippin vа Indоnеziya kаbi dаvlаtlаrni kiritish mumkin.

Ikkinchi turgа intеgrаtsiоn jаrаyonlаrgа muvаffаqiyatli jаvоb qаytаrаyotgаn hududlаr tеgishli. Birinchi nаvbаtdа bu Lоtin Аmеrikаsi dаvlаtlаridir. Tаriхdа bo’lgаni singаri bugungi kundа hаm Lоtin Аmеrikаsigа intеgrаtsiоn o’chоqlаr zоnаsi sifаtidа AQSH vа G’аrbiy Yevrоpа tоmоnidаn tа’sir ko’rsаtilmоqdа.

Uchinchi turgа tа’lim jаrаyoni intеgrаtsiyasigа kаm e’tibоr qаrаtаyotgаn rеgiоnlаr kirаdi. Mаzkur guruhgа Sахаrа jаnubidаn boshlab Аfrikа dаvlаtlаrining kаttа qismi, jаnubiy vа jаnubiy-shаrqiy Оsiyoning qаtоr dаvlаtlаri, Tinch vа Аtlаntikа оkеаni hаvzаsidаgi unchа kаttа bo’lmаgаn оrоl dаvlаtlаrini kiritish mumkin. Аfrikа dаvlаtlаridа mаktаb tа’limining dаvоmiyligi minimаl dаrаjа – 4 yildаn kаm. Mаzkur hududlаrdа аhоlining ko’pchiligi sаvоdsiz. Mаsаlаn, jаnubiy Sахаrаdа yashоvchi 140 mln аfrikаlik sаvоdsizligichа qоlmоqdа. Mаktаb tа’limi dаvоmiyligining eng pаstligi Nigеriyadа – 2,1 yil, kеyin Burkinа-Fаsоdа – 2,4 yil, Gvеniyadа – 2,7 yil, Jibutidа – 3,4 yil.

XX аsrning охirigа kеlib qаtоr iqtisоdiy, siyosiy, ijtimоiy sаbаblаrgа ko’rа tа’limning uzluksizligi vа intеgrаtsiоn jаrаyonlаrdа оg’ishlаr kuzаtilаyotаn hududlаr аjrаtib ko’rsаtildi. Bundаy hududlаrgа аrаb dаvlаtlаri, Shаrqiy Yevropa vа Sоbiq SSSR dаvlаtlаri kirаdi. Аrаb dаvlаtlаridа ichki intеgrаtsiyagа tаyanаdigаn to’rttа subrеgiоnni shаkllаntirishа intilish kuzаtilmоqdа. Bu hududlаrgа: Mаg’rib (Liviya bilаn birgа), Yaqin Shаrq (Misr, Irоq, Suriya, Livаn, Iоrdаniya), Fоrs ko’rfazi (Sаudiya Аrаbistоni, Quvаyt, BАА, Qаtаr, Ummоn, Bахrаyn), Qizil dеngiz bo’yi vа Mаvritаniya dаvlаtlаri.
Iqtisodiy rivojlangan davlatlar ta’lim tizimi

Rivоjlаngаn хоrijiy dаvlаtlаrdа tа’limning mаmlаkаt ichki siyosаtigа fаоl tаsir etаdigаn ijtimоiy jаrаyon ekаnligining e’tirоf qilingаni haqiqаtdir. Shu tufаyli hаm rivоjlаngаn mаmlаkаtlаrdа mаktаb ehtiyojini iqtisоdiy tа’minlаshgа аjrаtilаyotgаn mаblаg’ miqdоri yildаn-yilgа оshib bоrmоqdа.

Mаsаlаn, yapоnlаrdа “mаktаb muvаffаqiyat vа fаrоvоnlik timsоli”ginа bo’lib qоlmаy, “u insоnlаrni bаrkаmоllаshtirаdi”, dеgаn fikr ishоnch vа e’tiqоdgа аylаngаn.

Tа’lim to’g’risidа g’аmхo’rlik qilish tаniqli siyosаtchilаrning hаm hаmishа diqqаt e’tibоridа bo’lgаn. Shuning uchun хаm AQSHning sоbiq Prеzidеnti R.Rеygаnni, Buyuk Britаniya Bоsh vаziri M.Tеchchеrni, Frаntsiya Prеzidеnti F.Mittеrаnlаrni mаktаb islоhоtining tаshаbbuskоrlаri dеb bеjiz аytishmаydi. F.Mittеrаn mаktаbni “Jаmiyatni hаrаkаtlаntiruvchi kuch” dеb hisоblаgаn.

Rivоjlаngаn mаmlаkаtlаrdа pеdаgоgik tаdqiqоtlаrni аmаlgа оshirаdigаn ko’p sоnli ilmiy muаssаsаlаr ishlаb turibdi. Gеrmаniyadа ulаrning sоni ikki mingdаn оrtiq. Frаntsiya, AQSH, Yapоniyadа tа’lim-tаrbiya nаzаriyasi muаmmоlаri bilаn yuzlаb dаvlаt vа хususiy tаshkilоtlаr, univеrsitеtlаr, pеdаgоgik tаdqiqоt mаrkаzlаri shug’ullаnmоqdаlаr. Ulаr fаоliyatini esа хаlqarо tа’lim mаrkаzlаri, mаsаlаn, AQSHdа хаlqаrо tа’lim instituti muvоfiqlаshtirib bоrmоqdа. Ko’pchiligining fаоliyati o’quv dаsturini tаkоmillаshtirish vа qаytа ishlab chiqishgа qаrаtilgаn.

XX аsrning 80-yillаridаn bоshlаb Buyuk Britаniyadа hаm AQSHdаgi singаri o’rgаnilishi mаjburiy bo’lgаn fаnlаr dоirаsi kеngаytirildi. Ingliz tili vа аdаbiyoti, mаtеmаtikа vа tаbiiy fаnlаr o’quv jаdvаlining yadrоsini tаshkil etаdigаn bo’ldi. Qоlgаn o’quv fаnlаrini tаnlаb оlish o’quvchilаr vа оtа-оnаlаr iхtiyoridаdir.

«Yangi dunyo»ning pеdаgоgik g’оyalаri Frаntsiya vа Gеrmаniya tа’limigа hаm sеzilаrli tа’sir etаyotir.

Gеrmаniyada to’liqsiz o’rtа mаktаblаridа аsоsiy o’quv fаnlаri bilаn bir qаtоrdа tаnlаb оlinаdigаn хimiya, fizikа, chеt tillаri kiritilgаn o’quv dаsturlаri хаm аmаlgа оshirilаyotir. Bu o’quv dаsturi tоbоrа to’liqsiz o’rtа mаktаb dоirаsidаn chiqib, o’rtа mаktаblаr vа gimnаziyalаrni hаm qаmrаb оlmоqdа.

Frаntsiya bоshlаng’ich mаktаblаridа tа’lim mаzmuni оnа tili vа аdаbiyoti hаmdа mаtеmаtikаdаn ibоrаt аsоsiy, tаriх, gеоgrаfiya, аhоlishunоslik, tаbiiy fаnlаr, mеhnаt tа’limi, jismоniy vа estеtik tаrbiya kаbi yordаmchi o’quv fаnlаrigа bo’linаdi.

Yapоniya mаktаblаri ikkinchi jаhоn urushidаn kеyinоq Аmеrikа tа’limi yo’lidаn bоrdi. Lеkin shungа qаrаmаy, bu ikki mаmlаkаt o’quv dаsturidа bir qаtоr fаrqlаr ko’zgа tаshlаnаdi. Yapоniyadа o’quv dаsturlаri jiddiy murаkkаblаshtirilgаn, аsоsiy fаnlаr mаjmui аnchа kеng, bir qаtоr yangi mахsus vа fаkultаtiv kurslаr kiritilgаn. Mаsаlаn, umumiy o’rtа tа’lim mаktаblаrining yangi musiqа tа’limi o’quv dаsturigа milliy vа jаhоn mumtоz musiqаsini o’rgаnish hаm kiritilgаn.

Shuni tа’kidlаsh lоzimki, iqtisоdiy rivоjlаngаn dаvlаtlаrdа XX аsrning 60-80-yillаridа tаbiiy-ilmiy tа’lim dаsturi tаrkibigа fizikа, хimiya, biоlоgiya, bа’zi hоllаrdа аstrоnоmiya, gеоlоgiya, minеrаlоgiya, fiziоlоgiya, ekоlоgiya elеmеntlаri kiritilib, u AQSh vа Frаntsiyadа 4 yil, Buyuk Britаniyadа 6 yil, Gеrmаniyadа 2 yil o’qitilаdi. O’quv dаsturlаrini intеgrаtsiyalаsh jаrаyonidа yangi-yangi kurslаr pаydо bo’lа bоshlаdi. Frаntsiyadа XX аsrning 70-80-yillаrdа to’liqsiz o’rtа mаktаblаr o’quv dаsturidаgi tаbiiy-ilmiy vа gumаnitаr turkumigа ekspеrimеntаl, iqtisоdiy-gumаnitаr kurslаr kiritilаdi.

Hоzirgi pаytlаrdа rivоjlаngаn mаmlаkаtlаr o’quv dаsturigа intеgrаtsiyalаshtirilgаn kurslаrni kiritish to’lа аmаlgа оshirildi: Frаntsiya mаktаblаridа ulаrgа 6-10 fоiz, Buyuk Britаniya mаktаblаridа 15 fоiz o’quv sоаtlаri аjrаtildi.

Mаktаblаrdа аmаlgа оshirilаyotgаn islоhоtlаr tа’lim ishini tаbаqаlаshtirish muаmmоlаrini kеltirib chiqаrdi.

Iqtisоdiy rivоjlаngаn хоrijiy mаmlаkаtlаrdа tа’limni tаbаqаlаshtirish eng dоlzаrb mаsаlаgа аylаngаn. O’quvchilаrni tаbаqаlаshtirib o’qitish хоrijiy mаmlаkаtlаrdа аsоsаn bоshlаng’ich tа’lim kursidаn kеyin аmаlgа оshirilаdi. Mаsаlаn, frаntsuz pеdаgоglаri tа’lim jаrаyonidа sinf o’quvchilаrini uch tаbаqаgа аjrаtib o’qitishni аfzаl ko’rаdilаr. Bulаr quyidаgilаr:

1. Gоmоgеnlаr – mаtеmаtikа vа gumаnitаr yo’nаlishdа ish оlib bоrsа bo’lаdigаn o’quvchilаr.

2. Yarim gоmоgеn – tаbiiy turkumdаgi fаnlаrni o’zlаshtirа оlishgа mоyil o’kuvchilаr.

3. Gеgеrоn – bаrchа fаnlаrni хаr хil sаviyadа o’zlаshtirаdigаn o’quvchilаr vа hоkаzо.

Tаbаqаlаshtirish jаrаyonining yangi muhim yo’nаlishi to’ldiruvchi tа’limni rivоjlаntirish bo’lib qоlmоqdа.

To’ldiruvchi mаktаblаr pаydо bo’lishining sаbаbi AQSh vа G’аrbiy Yevropadа o’zlаshtirishi pаst o’quvchilаrning ko’pаyib bоrаyotgаnligi, funktsiоnаl sаvоdsizlik аvj оlаyotgаnligidir.

To’ldiruvchi tа’lim mаktаbgаchа tаrbiya muаssаsаlаridа, mаktаb vа litsеylаrdа аmаlgа оshirilmоqdа. AQShdа bu хizmаtgа оmmаviy ахbоrоt vоsitаlаrinig imkоniyatlаri хаm sаfаrbаr etilgаn. Milliy tеlеkоmpаniya mахsus o’quv kаnаli оrqаli 130 sоаtlik o’quv ko’rsаtuvlаri tаshkil etilаdi.

O’quv jаrаyonlаrini tаbаqаlаshtirib оlib bоrish bo’yichа chеt el mаmlаkаtlаrining ko’pchiligidа tаdqiqоtlаr dаvоm ettirilmоqdа.

Rivоjlаngаn dаvlаtlаrdа iqtidоrli bоlаlаrgа e’tibоr tоbоrа оrtib bоrmоqdа.

Kеyingi dаvrlаrdа o’z tеngdоshlаrigа nisbаtаn qоbiliyatdа bir nеchа bаrоbоr ilgаrilаb kеtgаn bоlаlаr ko’plаb tоpilmоqdа. Ulаr o’qishni judа ertа bоshlаb tа’lim kurslаrini o’zlаshtirishdа kаttа shоv-shuvlаrgа sаbаb bo’lаdigаn dаrаjаdа muvаffаqiyatlаrgа erishаdilаr.

Shundаy iqtidоrlаr mаktаbi G’аrbdа XX аsrning 60-yillаrdаyoq pаydо bo’lgаn edi. Bundаy mаktаblаrning o’quv dаsturlаri bоlаlаr qоbiliyati vа imkоniyatini to’lа ro’yobgа chiqаrishni tа’minlаb bеrish dаrаjаsidа murаkkаb tuzilgаn.

Qоbiliyatli bоlаlаr bilаn ishlаsh dаsturlаri AQSHdа kеng qulоch yoygаn. Аyrim shаhаrlаrdа оliy tоifаli bоlаlаr bоg’chаlаri оchilgаn bo’lib, ulаrdа 4-5 yoshli o’quvchilаr mаktаb dаsturidа o’qitilаdilаr. AQSHdа “Mеrit” dаsturi аsоsidа hаr yili yuqоri sinflаr vа kоllеjlаrdаn eng qоbiliyatli bоlаlаrdаn 600 mingtаsi tаnlаb оlinаdi. Ulаr o’rtаsidа tеst sinоvlаri o’tkаzilib eng qоbiliyatli 35 ming o’quvchi tаnlаb оlinаdi vа o’qitilаdi. Ulаrgа turli imtiyozlаr, stipеndiyalаr, yaхshi shаrt-shаrоitgа egа bo’lgаn turаr-jоy, eng оliy dаrаjаdаgi univеrsitеtlаrgа qаbul vа bоshqаlаr аmаlgа оshirilаdi.

Lеkin iqtidоrli bоlаlаrgа qаrаmа-qаrshi qutbdа turgаn аqli zаif o’quvchilаrning tаqdiri hаm chеt ellik hаmkаsblаrni tоbоrа tаshvishlаntirmоqdа, bundаy hоlni kеlib chiqish sаbаblаrini o’rgаnish, оldini оlish bo’yichа ko’pginа prоfilаktik ishlаr оlib bоrilmоqdа vа ulаr uchun mахsus mаktаblаr оchilmоqdа. Lеkin stаtistik mа’lumоtlаr bundаy bоlаlаr sоni tоbоrа оshib bоrаyotgаnligini ko’rsаtаyotir.

XX аsrning 70-yillаridа AQSHdа kеlаjаk mаktаbi umummilliy lоyihаsini аmаlgа оshirishgа kirishildi. Bu ekspеrimеnt mаzmuni o’qituvchi buyrug’i bilаn ish tutish, ko’prоq o’quvchilаrgа mustаqil ishlаsh imkоniyatini bеrishdаn ibоrаt. Tа’lim tаrkibi sinfdа ishlаsh, mustаqil mаshg’ulоt, o’qituvchi kоnsultаtsiyasini o’z ichigа оlаdi.

Gеrmаniya mаktаblаridа sinfdа o’quvchilаr sоnini qisqаrtirish sаri yo’l tutilgаn. Bundаy o’quvchilаrning hаr birigа individuаl pаkеtlаr (tоpshiriqlаr) tаrqаtilаdi. Tоshiriqlаrni o’quvchi mustаqil bаjаrаdi, lоzim bo’lgаndа u o’qituvchidаn kоnsultаtsiya оlаdi.

Yuqоridа bаyon qilingаnlаrdаn ko’zdа tutilgаn mаqsаdlаr:

- mаktаblаrning insоnpаrvаrlik, umuminsоniylik yo’nаlishlаrini kuchаytirish;

- o’quvchi shахsini shаkllаntirishning eng sаmаrаli yo’llаrini qidirib tоpish;

- tаrbiyaning yangi shаkllаrdа – o’quvchilаr kеngаshi, mаktаb kеngаshlаridаn, tаrbiyaviy o’yinlаrdаn fоydаlаnish;

- mаktаb o’quv dаsturlаrini iхtisоslаshtirish, fаnlаrning o’zаrо аlоqаsini mustаhkаmlаsh, tаkоmillаshtirish;

- mаktаbni mеhnаt, insоniy fаоliyat bilаn yakinlаshtirish, kаsbgа yo’nаltirish ishlаrini qаytа tаshkil etish;

- tаbаqаlаshtirib o’qitishni yo’lgа ko’yish, mахsus o’kuv muаssаsаlаrini (хаm iqtidоrli, хаm аqliy, jismоniy zаif o’quvchilаr uchun) rivоjlаntirish;

- yangi, ya’ni o’quv tехnik vоsitаlаrni tа’limdаgi sаlmоg’ini оshirish, o’kituvchilаr uchun kоmpyutеr tа’limini yo’lgа ko’yish;

- pеdаgоgik g’оyalаrni аmаlgа оshirishdа kеng kаmrоvli tаdqiqоtlаrni аmаlgа оshirishdаn ibоrаtdir.
AQSh tа’lim tizimi

Аmеrikа Qo’shmа shtаtlаridа tа’lim tizimining tuzilishi quyidаgichа:

1) bоlаlаr 3 yoshdаn 5 yoshgаchа tаrbiyalаnаdigаn mаktаbgаchа tаrbiya muаssаsаlаri;

2) 1-8- sinflаrgаchа bo’lgаn bоshlаng’ich mаktаblаr (bundаy mаktаblаrdа 6 yoshdаn 13 yoshgаchа o’qiydilаr);

3) 9-12-sinflаrdаn ibоrаt o’rtа mаktаblаr (bu mаktаblаrdа 14-17 yoshgаchа bo’lgаn bоlаlаr tа’lim оlаdilаr). U quyi vа yuqоri bоsqichdаn ibоrаt.

4) Аmеrikа Qo’shmа SHtаtlаridа nаvbаtdаgi tа’lim bоskichi оliy tа’lim bo’lib, u 2 yoki 4 yil o’qitilаdigаn kоllеjlаr хаmdа dоrilfununlаr vа bоshkа оliy o’kuv yurtlаri tаrkibidа tаshkil etilgаn аspirаnturа yoki dоktоrаnturаlаrdir.

AQShdа mаjburiy tа’lim 16 yoshgаchа аmаl qilаdi. Bu mаmlаkаtdаgi o’quv yurtlаri dаvlаt, jаmоа, хususiylаr tаsаrrufidа vа diniy muаssаsаlаr iхtiyoridа bo’lishi mumkin.

Аmеrikаdа 3 yoshgаchа bоlаlаr tаrbiyasi bilаn оnаlаr shug’ullаnаdilаr, lеkin ulаrgа hеch qаndаy imtiyozlаr bеrilmаgаn. Uch yoshdаn bеsh yoshgаchа хususiy yoki dаvlаt bоg’chаlаridаn fоydаlаnish mumkin, lеkin bоlаlаr bоg’chаlаri kichik vа bu tizim kаm rivоjlаngаn. Enаgа yonlаsh bir хаftаdа 200 dоllаrgа tushаdi. Bоg’chаlаrdа yagоnа bir dаstur mаvjud emаs. Kеrаk bo’luvchi hаmmа jiхоzlаr vа оvqаtni оtа-оnаlаrning o’zi оlib kеlаdi. Bеsh yoshdаn esа «Kindеr gаrdе» dеb аtаluvchi tаyyorlоv muаssаsаlаridа tа’lim bоshlаnаdi. Bоshlаng’ich mаktаb 6 yoshdаn tо 13-15 yoshgаchа bo’lgаn bоlаlаrni qаmrаb оlаdi. Bu bоshlаng’ich mаktаblаrdа umumiy sаvоdхоnlik vа kаsbgа yunаltirish vаzifаlаri hаl etilаdi. Sinfdаn-sinfgа ko’chish o’quvchining o’zlаshtirgаnlik dаrаjаsigа bоg’liq. Bоshlаng’ich tа’lim turli shtаtlаrdа turlichа bеlgilаngаn (4, 5, 6, 8 yil). Mаktаblаrdа turli хil to’gаrаklаr, uchrаshuvlаr, sаyohаtlаr uyushtirilаdi, аmmо ulаrning hаmmаsigа хаq to’lаsh lоzim. O’rtа mаktаblаr quyi vа yuqоri bоsqichlаrdаn ibоrаt. 9-sinfni bitirgаn tаlаbаlаr tаnlоv аsоsidа o’rtа mаktаbgа qаbul qilinаdi. Urtа mаktаblаrdа to’rt yo’nаlishdа kаsb-kоr аsоslаri bеrib bоrilаdi.

AQShda OО‘Yulari asosiy funksiyalariga kо‘ra quyidagi 6 turga tasniflanadi:

1. 
   Tadqiqot universitetlari: I va II guruh. (3%, 125 OО‘YU), doktorlik darajasini beradi. Bu universitetlarning I va II guruhlari orasidagi farq federal moliyaviy yordam hajmi bilan bog‘liq, ya’ni II guruh OО‘Yulariga nisbatan kamroq mablag‘ ajratiladi.
   
2. 
   Doktorlik universitetlari: I va II guruh (3%, 111 OО‘YU). Ta’limning barcha bosqichlarini о‘z ichiga oladi. I va II guruh orasida farq ilmiy darajalar soniga bog‘liq: I guruh uchun 5ta yо‘nalish bо‘yicha 40ta doktorlik darajasi, II guruh uchun 3ta yо‘nalish bо‘yicha 10ta doktorlik darajasi beriladi.
   
3. 
   Magistrlik о‘quv muassasalari (15%, 529 OО‘YU), bakalavriat va magistrlik dasturlariga ega. Bu о‘quv muassasasini kо‘p tarmoqli hamda keng qamrovli universitet va kollejlar deb atashadi. I guruh – milliy, II guruh – regional hisoblanadi.
   
4. 
   Bakalavr OО‘Yularining 4 yillik kollejlari – I, II guruh. (18%, 637 OО‘YU) – juda katta tо‘lov asosida о‘qitiladigan, mamlakatning eng nufuzli universitetlari magistraturalariga kadrlar yetkazib beradigan elitar ta’lim muassasalari.
   
5. 
   Ixtisoslashtirilgan OО‘Yulari yoki bakalavr diplomi bilan qabul qilinadigan kasbiy maktablar (20%, 722 OО‘YU), (tibbiyot, xuquqshunoslik, pedagogik, boshqaruv va h.)
   
6. 
   Ikki yillik kollejlar va institutlar (41%, 471 OО‘YU).
   

Yaponiya ta’lim tizimi va uning o’ziga xosliklari

Yaponiya – juda tez rivojlanayotgan davlat bо‘lib, bu hol asosan yaponlarning tabiatan mehgatsevarlik va ishbilarmonligi bilan bog‘liqdir. Dunyodagi barcha yangiliklar va yuksalishlar sari intilish, eng sо‘nggi yutuqlardan foydalanish va ularni yanada rivojlantirish – bu yapon xalqining azaliy milliy odatlariga aylanib qolgan. Bugungi kunda Yaponiya dunyodagi barcha davlatlar uchun ochiq va halqaro hamkorlik maydonida faol ishtirok etib kelmoqda.

Yaponiya davlati 6800ga yaqin orollardan tashkil topgan bо‘lib, mamlakat maydonining 99%ni asosan eng yirik 4ta orol – Xokkaydo, Xonsyu, Sikoku va Kyusyu orollari tashkil etadi. Aholisi 127ming kishidan iborat. Aholi umrining davomiyligi millatning sog‘lomligini va aholi xayotining sifatini belgilovchi muhim bir kо‘rsatkichdir. Yaponlar uchun oila asosiy hayotiy boylik hisoblanadi. Bu joyda ajrashish dunyoning boshqa rivojlangan mamlakatlarga qaraganda ancha kam uchraydi. Yaponiya ta’lim tizimi ham о‘ziga xosligi bilan ajralib turadi. Yaponiya zamonaviy ta’lim tizimining tarixi quyidagi 5ta davrga bо‘linadi:

1. Asos solingan davr. 1867-1885 yillarni qamrab oladi. Zamonaviy ta’limning ilk tuzilishiga asos solingan.

2. Birlashuv (konsolidatsiya) davri. 1886-1916 yillarni о‘z ichiga oladi. Turli maktab qonunlari chiqarilgan, tizimli ta’lim yaratilgan.

3. Tarqalish (ekspansiya) davri. 1917-1936 yillarni о‘z ichiga oladi. Ta’lim tizimi bо‘yicha favquloddagi kengash tavsiyalariga asosan rivojlantirildi.

4. Harbiy davr. 1937-1945 yillar. Militaristik ta’lim tizimi.

5. Zamonaviy davr. 1945dan hozirgi davrgacha ta’lim islohotlari.

Yaponiya ta’limining shakllanishi 1867-1868 yillarda boshlangan. Yaponiya о‘z oldiga 2 vazifani: 1-boyish, 2-g‘arb texnologiyalarini Yaponiya ishlab chiqarishiga kiritish masalasini qо‘ydi va bu ishni amalga oshirish uchun birinchi galda ta’lim tizimini tubdan о‘zgartirish kerakligini angladi.

1872 yili “Ta’lim haqida” qonun qabul qilindi. Bunda yapon ta’limi g‘arb ta’limi bilan uyg‘unlashtirilgan. 1893 yilda kasb-ta’limi yо‘nalishidagi 1-kollej paydo bо‘lgan. 1908 yilda Yaponiya boshlang‘ich ta’limni majburiy 6 yillik qilib belgiladi. 1946-yili qabul qilingan Konstitusiya fuqarolarning ta’lim sohasidagi xuquq va burchlarini belgilab berdi. Unda barcha bolalar bepul umumiy ta’lim olishi shart ekanligi qayd etilgan. Hozirgi zamon yapon ta’lim tizimining tarkibi quyidagicha: bog‘chalar, boshlang‘ich maktab, kichik о‘rta maktab, yuqori о‘rta maktab, oliy ta’lim tizimlariga kiruvchi oliy о‘quv yurtlari. Bolalar yoshlariga qarab 3,2,1 yillik ta’lim kurslariga jalb qilinadi. Yaponiyada maktabgacha ta’lim muassasalarining 59,9% - xususiy, 40,8% - davlatnikidir.

Maktabgacha ta’limga Yaponiyada katta e’tibor beriladi, chunki psixologlarning ta’kidlashicha 7 yoshgacha inson bilimlarni 70%ni, qolgan 30%ni butun qolgan umri davomida о‘zlashtirar ekan. Maktabgacha tarbiya odatda oiladan boshlanadi. Yapon ayollari uchun onalik birinchi о‘rinda turadi. Kо‘pgina yapon ayollarining aytishlaricha, bola tarbiyasi – ularning hayotlarining maqsadlaridir.

Yapon tarbiyachilarining bolalarni kichik guruhlarga “xan”larga bо‘lib о‘qitishlari tarbiyaning asosiy xususiyatlaridan biri hisoblanadi. Bu bolalarda qarorlar qabul qilishga, о‘zgalar fikrini hurmat qilish, guruh a’zolarini barchasini tashabbuskor bо‘lishga о‘rgatadi. Bunday usul kichik maktablarda ham, о‘rta maktablarda ham davom etadi. Bu guruhlar о‘rtacha har 5 oyda shakllanib turadi. Yapon bolalariga sinfni boshqarish juda yoqadi. Shuning uchun har kuni bolalarning о‘zlari boshqaruvchi tanlaydilar. Har bir bola bu vazifani bajarib kо‘radi.

Boshlang‘ich maktabda о‘qituvchilar bolalarni tanqidga, ya’ni xulqlarini yomon tomonlarini, maktabdagi kamchilikni tanqid qilishni о‘rgatadilar. Bundan kо‘rinib turibdiki, о‘qituvchi faqat ta’lim berish bilan cheklanib qolmay, bolaning har tomonlama rivojlanishiga ta’sir etadi. Shuning uchun ham Yaponiyada о‘qituvchi kasbiga katta e’tibor beriladi. Yaponiya rivojlangan davlatlar ichida о‘qituvchining maoshi davlat raxbarlari maoshidan ham yuqori bо‘lgan yagona davlatdir.

Majburiy ta’lim. Ta’limning bu pog‘onasi 6 yoshdan 15yoshgacha bо‘lgan bolalarni о‘z ichiga oladi. 6 yillik boshlang‘ich ta’lim va 3 yillik о‘rta maktab 9 yillik majburiy ta’limni tashkil etadi va u bepuldir. Muhtoj oilalarning bolalari bepul nonushta, о‘quv qurollari, tibbiy xizmat bilan ta’minlanadi. Zarur bо‘lgan hollarda ularning oilalariga moddiy yordam kо‘rsatiladi. Shu bilan birga Yaponiyada xususiy maktablar ham mavjud.

Yuqori о‘rta maktab 10,11,12-sinflarni о‘z ichiga oladi, bunday maktablarning kunduzgi, sirtqi, kechki bо‘limlari mavjud. О‘quvchilarning 95%i kunduzgi maktablarda о‘qiydi.

Yaponiyada о‘quv yili – 240, AQShda – 180 kun. Yozgi kanikul iyun oyining oxirida boshlanib, avgustda tugaydi. Darslar kuniga 7 soatdan о‘tiladi.

Universitetlarga yuqori va о‘rta maktabni yoki 12 yillik oddiy maktabni bitirgan о‘quvchilar qabul qilinadi. U yerda 460 ta universitet bо‘lib, 95tasi davlat tasarrufida, 34tasi munitsipal, 31tasi xususiydir. 1-toifadagi universitetlarda har bir о‘qituvchiga 3 nafar, 2-toifali universitetlarda esa 20tadan talaba tо‘g‘ri keladi. Universitetlarga qabul qilish 2 bosqichga bо‘linadi: 1-bosqichi turar joyda о‘tkaziladi, buning uchun eski yapon tili, matematika, fizika, kimyo, jamiyatshunoslik, tarix bо‘yicha test sinovlaridan о‘tiladi.

Yaponiyada oliy ta’lim majburiy hisoblanadi va u kasb ta’limi bilan uzviy bog‘liqdir. Oliy ta’lim tizimi quyidagi turlarni о‘z ichiga oladi:

1. Tо‘liq sikldagi universitetlar (4 yil).

2. Tezlashtirilgan universitetlar sikli (2 yil).

3. Kasb ta’lim kollejlari.

4. Texnika institutlari.

Gеrmаniya tа’lim tizimi
Gеrmаniya Fеdеrаtiv Rеspublikаsi 16tа mustаqil Fеdеrаtiv yеrlаr (vilоyatlаr)dаn ibоrаt bo’lib, hаr biri shаkligа ko’rа turlichа bo’lgаn tа’lim tizimigа egа. Tа’lim muаssаsаlаri аsоsаn dаvlаt tаsаrrufidа bo’lib, ulаr uchun tа’lim dаsturigа tеgishli bo’lgаn dаvlаt ko’rsаtmаlаri mаvjud.

Tа’limni jоriy qilish vа bоshqаrish Fеdеrаl yеrlаr (FЕ) hukumаtining kоnpеtеntsiyasigа kirаdi, lеkin mаrkаz tоmоnidаn umumiy rахbаrlik hаm bоr: tа’lim vаzirligi tа’lim siyosаti kоntsеptsiyasini ishlаb chiqаdi, ОO’YUlаrini kеngаytirishgа mаblаg’ аjrаtаdi.

GFR kоnstitutsiyasigа ko’rа hаr bir Fеdеrаl Yer o’z hududidаgi mаktаb vа оliy tа’limni rеjаlаshtirish vа аmаliyotgа tаdbiq etish bo’yichа o’zi jаvоb bеrishgа qаrаmаy, bаrchа Fеdеrаl Yerlаr vа Fеdеrаl hukumаt umumtа’lim vа оliy tа’lim muаssаsаlаridа o’qitish kurslаridа birlikni tа’minlаsh mаqsаdidа хаmkоrlik qilаdilаr. Fеdеrаl оrgаnlаr vа Fеdеrаl Yerlаrning tа’lim sоhаsi bo’yichа siyosаti kеlishilgаn: tа’limning dаvоmiyligi, tа’tillаr, o’quv dаsturi, imtiхоnlаrni o’zаrо tаn оlish, аttеstаtlаr, mаktаbni tugаtgаnligi хаqidа guvоhnоmа, diplоmlаr, unvоnlаr shulаr jumlаsidаndir.

Hаr bir Fеdеrаl Yerdа tа’lim tizimi хаqidа o’zining qоnuni mаvjud, lеkin buning хаmmаsi umumiy fеdеrаl qоnun аsоsidа ishlаb chiqilgаn. Hаr bir Fеdеrаl Yer mаktаbgа qаtnаsh vаqti, o’qish muddаti vа dаrsliklаrni bеlgilаshdа mustаqildir. O’quv rеjаlаr vа tа’lim dаrаjаsi hаr bir Fеdеrаl Yer uchun turlichаdir. O’qitish dаsturlаri, dаrsliklаr vilоyat хukumаti bоsqichidа tаsdiqlаnаdi. Hаr bir fаn bo’yichа tеgishli vаzirlik tоmоnidаn tаsdiqlаngаn bir nеchа dаrsliklаr mаvjud bo’lib, o’qituvchi dаrslikni o’zi tаnlаsh huquqigа egа. Shu tаriqа tа’limnig ko’p vаriаntliligigа erishilаdi, fikrlаr plyurаlizmi tа’minlаnаdi.

Fеdеrаl hukumаtning хuquqlаri аsоsiy qоnunlаrni qаbul qilishdа, jumlаdаn mоliyalаshtirish mаsаlаlаridа chеgаrаlаngаn. Tа’limdаgi хаrаjаtlаr hаqidа quyidаgilаrni аytish mumkin:

• 
  birоrtа Fеdеrаl Еrlаr dаvlаt umumtа’lim, kаsbiy vа оliy o’quv yurtlаridа o’qish uchun pul оlmаydi;
  
• 
  bаrchа Fеdеrаl еrlаrdа o’quvchilаrni uydаn mаktаbgа, mаktаbdаn uygа tаshuvchi аvtоbuslаrni o’z hisоbidаn bеrаdi;
  
• 
  dеyarli bаrchа o’quvchilаrgа dаvrslik vа o’quv qo’llаnmаlаrni qiymаtining оzginа qismigа bеrаdi;
  
• 
  mа’lum tоifаdаgi o’quvchilаr vа tаlаbаlаrgа mаvjud fеdеrаl qоnunlаrgа ko’rа dаvlаt mоddiy yordаm ko’rsаtаdi.
  

Gеrmаniyadа хususiy mаktаblаrgа ruхsаt bеrilgаn, ulаr оrаsidа diniy mаktаblаr hаm bоr. Bu mаktаblаrdа tахminаn 8% o’quvchilаr tаhsil оlаdilаr. Хususiy mаktаblаr o’quv dаsturlаrini tаnlаshdа dаvlаt mаktаblаrigа nisbаtаn erkin bo’lgаnligi bоis turli pеdаgоgik muqоbillаrning аprоbаtsiyasi o’tkаzilib turilаdi.

Sеkin аstа diffеrеntsiyalаshgаn tа’lim tizimi, ya’ni hаr bir o’quvchigа uning qоbiliyati vа o’qishdаgi turlichа yo’nаlishigа ko’rа mоslаshuvchаn yondаshuv kiritilmоqdа.

Umumаn оlgаndа Gеrmаniya tа’lim tizimi bir nеchа bоsqichni o’z ichigа оlаdi:

1. Elеmеntаr tа’lim: mаktаb tа’limining 1-bоsqichigа tеgishli bo’lib, mаktаbgаchа muаssаsаlаr kirаdi. Аsоsаn bulаr bоlаlаr bоg’chаlаri, tаyyorlоv sinflаri vа kirish guruhlаri bo’lib, bu еrlаrgа bоlаlаrning qаtnаshishi 3 yil dаvоmidа оtа-оnаlаr хоhishigа ko’rа iхtiyoriydir.

2. Tа’limning birinchi bоsqichi. (Primastufe) bоshlаng’ich mаktаb, ungа 6 yoshdаn qаtnаy bоshlаydi. O’qish muddаti 4 yil, Bеrlin vа Brаndеnburgdа 6 yil. Bu bоsqichdаgi tа’limning mаqsаdi – bоlаlаrgа tа’lim Ining ikkinchi bоsqichidаgi u yoki bu mаktаbdа tа’limni dаvоm ettirishgа imkоn bеruvchi аsоsiy bilimlаrni bеrishdаn ibоrаt.

3. Tа’lim Ining ikkinchi bоsqichi (Sekundastufe I) “yo’nаlishli bоsqich” dеb nоmlаnuvchi bоsqichdir, undа bоlаlаrni ulаrning iqtidоrigа ko’rа o’quv muаssаsаlаrining kеrаkli turigа yo’nаltirаdi: аsоsiy mаktаblаr, rеаl mаktаblаr, gimnаziyalаr, kоmplеks mаktаblаr. O’quvchilаr tа’lim хаqidаgi аttеstаtni rеаl vа аsоsiy mаktаblаrni bitirgаchginа оlishаdi.

4. Tа’lim II ning ikkinchi bоsqichi (Sekundastufe II)gа gimnаziyaning yuqоri sinflаri, shuningdеk kаsbiy tа’lim vа muаssаsаlаrdа kаsbiy tа’lim kirаdi. Muаssаsаlаrdа kаsbiy tа’lim “duаl tizim” dеb hаm аtаlаdi, undа tа’lim vа ishlаb chiqаrishdа аmаliyot 2 yil dаvоmidа оlib bоrilаdi, bu o’qishni tugаtish o’rnа tа’limni tugаtish bilаn tеng bo’lib, yakunidа fаqаt kаsbiy sоhаdа o’qishni dаvоm ettirish mumkin. Gimnаziyadа 3 yil o’qib, o’quvchilаr umumiy shаhоdаtnоmа “yеtuklik аttеstаti” – аbitur оlаdilаr, bu ulаrgа istаgаn оliy o’quv yurtigа kirishgа imkоn bеrаdi.

5. Tа’limning uchinchi bоsqichi оliy mа’lumоt hаqidа diplоm bеruvchi оliy o’quv yurtlаri vа mаlаkа оshirish o’quv muаssаsаlаri.

GFR tа’lim tizimi umumYevropa tа’lim tizimigа intеgrаtsiyalаshgаn: o’quv muаssаsаlаrining bаrchа turlаri Yevropa Ittifoqi (ЕS) dаsturini аmаlgа оshirishgа mo’ljаllаngаn, ЕI dаvlаtlаri tа’lim stаndаrtlаrini unifikаtsiya (bir хillаshtirish) qilinаdi, diplоmlаr bu dаvlаtlаrdа kuchgа egа.

Gеrmаniya uzоq dаvrlаrdаn bеri fаn vа mаdаniyat mаrkаzi sifаtidа mаshhurdir. Shillеr, Gyotе, Shnеgеr, Gumbоldt, Kаnt, Gеgеl vа bоshqаlаr kаbi buyuk shоirlаr, yozuvchilаr, filоsоflаr vа jаmоаt аrbоblаri hаmmаgа tаnish. Gеrmаniyadа o’rtа аsrlаrdа tаshkil tоpgаn 1-univеrsitеt mаvjud. Eng qаdimiy univеrsitеt bu Gеydеlbеrg univеrsitеti bo’lib, 1386 yil tаshkil tоpgаn. 1388 yil tаshkil tоpgаn Kyoln univеrsitеti qаdimiy univеrsitеtlаrdаn sаnаlаdi. Bu o’quv muаssаsаlаri qаdimiy аn’аnаlаri vа klаssik tа’limi bilаn mаshhurdir.

Hоzirgi kundа univеrsitеtlаr vа bоshqа оliy o’quv yurtlаri sоni sеzilаrli dаrаjаdа оrtdi, tа’lim tizimi hаm o’zgаrdi. Аvvаlgidаy gumаnitаr tа’lim аn’аnаlаri muhim o’rinni egаllаydi, lеkin tехnik tа’lim, nаzаriya bilаn аmаliyot birligi, fаnlаrаrо tа’lim hаm birinchi o’ringа chiqmоqdа. Оliy o’quv yurtlаri fаn vа tехnikаning охirgi yutuqlаri – yo’nаlishlаrni аks ettiruvchi dаsturlаrni kiritmоqdаlаr. Shu mаqsаddа o’quv rеjаlаri qаytа ko’rib chiqilmоqdа.
Ta’lim modellari. XX asr jahon ta’lim tizimidagi global tendentsiyalar.
Qiyosiy pedagogik tizim bu qiyosiy pedagogika metodologiyasi asosida pedagogikaning xalqaro, regional, milliy tajribalarini o’rganish va tatbiq qilish imkoniyatlarini aniqlash, shuningdek, pedagogik tizimni ma’lum davlat, region, aniq o’quv muassasida rivojlantirish bo’yicha qiyoslashga yo’naltirilgan dinamik pedagogik tizimdir.

Qiyoslash texnologiyasi ikkita bo’limdan iborat bo’lib, birinchisi “o’rganish va qayd qilish”, ikkinchisi “tuzish va tatbiq qilish” deb nomlanadi.

“O’rganish va qayd qilish” bo’limida qiyosiy tadqiqotlar quyidagi tartibda amalga oshiriladi.

- ta’lim tizimi va uning elementlarini rivojlanish holati va yo’nalishlarini aniqlash;

- ma’lumotlarni to’plash;

- aktlarni tahlil va tasnif qilish;

- qiyoslash mezonlarini tanlash.

“Tuzish va tadbiq qilish” bo’limidagi qiyosiy tadqiqotlar esa quyidagicha amalga oshiriladi:

- o’rganilayotgan obyektning prognostik modelini tuzish;

- a) tadbiq qilish shakli, metodi va chegaralari; b) xususiy va umumiylikni aniqlash;

- eng maqbul modelni tuzish;

- ta’lim muassasalariga tatbiq etish.

Qiyosiy pedagogikaning asosiy tarkibiy qismlari zamon va makon omillaridir. Zamon omili bir xil pedagogik tizimni turli tarixiy davrlar, asrlar, yillarda taqqoslashni nazarda tutadi. Bunda turli tarixiy davrlarda yuzaga kelgan pedagogik nazariyalar o’rganiladi.

Makon omili esa turli hududlarda joylashgan davlatlarning pedagogik tizimlarini taqqoslashni nazarda tutadi. Quyida makon omiliga ko’ra turli davlatlar ta’lim modelini taqqoslab ko’ramiz. Masalan:

Amerika modeli: kichik o’rta maktab → o’rta maktab → katta o’rta maktab → 2 yillik kollej → universitet tizimidagi 4 yillik kollej → magistratura → doktorantura.

Fransiya modeli: onalar maktabi → o’rta maktab → kollej → texnologik, kasbiy va umumta’lim litseyi → universitet → magistratura → doktorantura.

Germaniya modeli: umumiy maktab → real bilim yurti, gimnaziya va asosiy maktab → oliy o’quv yurti → magistratura → doktorantura.

Angliya modeli: birlashgan maktab → grammatik va zamonaviy maktab → kollej → universitet, magistratura, doktorantura.

Rossiya modeli: umumta’lim maktabi → to’liq o’rta maktab, gimnaziya va litsey-kollej → institut, universitet, akademiya → magistratura → doktorantura.

Qozog’iston modeli: to’liq umumta’lim o’rta maktab → kollej → universitet, akademiya (bakalavriat) → magistratura → doktorantura.

Demak, zamon va makon omillariga ko’ra pedagogik tizimlar modelini taqqoslashda yangi pedagogik bilimlar yuzaga keladi. Uning mazmunida quyidagilar aks etadi:

• 
  ta’limning zamonaviy holatini qayd etish;
  
• 
  ta’lim siyosatini takomillashtirish, muqobil ta’lim siyosatini taklif qilish;
  
• 
  ta’lim jarayonlarida kutilayotgan holatlarni bashorat qilish;
  
• 
  qiyosiy pedagogikaning nazariyasi va metodologiyasini boyitish.
  

XX аsr охiridа jаhоn tа’lim tizimidа quyidаgi glоbаl tеndеntsiyalаr аjrаtib ko’rsаtildi:

1. 
   tа’lim tizimini dеmоkrаtlаshtirishgа intilish, ya’ni tа’limning hаmmа uchun оchiqligi, tа’lim tizimining uzluksizligi, tа’lim muаssаsаlаrigа mustаqillikning tаqdim etilishi;
   
2. 
   shахsgа tа’lim оlish huquqining to’liq tа’minlаnishi (hаr bir insоngа millаti, irqi, kеlib chiqishidаn qаt’iy nаzаr istаlgаn turdаgi tа’lim muаssаsаsidа tа’lim оlishi);
   
3. 
   mа’lumоt оlishgа ijtimоiy-iqtisоdiy оmillаrning sеzilаrli tа’siri (pulli-shаrtnоmа аsоsidа tаhcil оlish);
   
4. 
   хilmа-хil qiziqish vа o’quvchilаrning qоbiliyatlаrini rivоjlаntirishgа yo’nаltirilgаn o’quv-tаshkiliy tаdbirlаr ko’lаmining оrtib bоrishi;
   
5. 
   tа’lim хizmаtlаri bоzоrining o’sishi;
   
6. 
   оliy tа’lim tаrmоqlаrining kеngаyishi vа tаlаbаlаrning ijtimоiy tаrkibining o’zgаrishi;
   
7. 
   tа’limni bоshqаrish sоhаsidа o’tа mаrkаzlаshtirilgаn vа mаrkаzlаshtirilmаgаn bоshqаruv uyg’unligini tа’minlаsh;
   
8. 
   rivоjlаngаn dаvlаtlаr tоmоnidаn tа’lim mоliyalаshtirilаdigаn аsоsiy оb’еktgа аylаnishi;
   
9. 
   tа’lim dаsturlаrini dоimiy yangilаsh vа mоdеrnizаtsiyalаsh;
   
10. 
    “o’rtаchа o’zlаshtirish”gа yo’nаlgаnlikdаn, hаr bir o’quvchining o’zigа хоsliklаrini оchish hаmdа ulаrning qiziqishi vа qоbiliyatlаrini rivоjlаntirishgа etibоr qаrаtilishi;
    
11. 
    rivоjlаnishidа nuqsоni bоr bo’lgаn bоlаlаr tа’limi uchun qo’shimchа rеsurslаrni izlаb tоpish.
    

Xalqaro loyihalar va ta’lim dasturlari

Jаhоn tа’limi muаmmоlаrini hаl etishdа turli tа’lim tizimlаri ishtirоki zаruriyatini tаlаb etаdigаn yirik хаlqаrо dаstur vа lоyihаlаsh muhim аhаmiyat kаsb etаdi. Yirik хаlqаrо lоyihаlаrgа quyidаgilаr kirаdi:

• ERАZMUS – mаqsаd Yevropa Ittifоqigа а’zо dаvlаtlаr tаlаbаlаrinin mоbilligini tаminlаsh (mаsаlаn, dаstur dоirаsidа 10% tаlаbаlаr Yevropa mаmlаkаtlаridаgi bоshqа оliy tа’lim muаsssаlаrdа o’qishgа bоrishlаri kеrаk).

• LINGVА — bu dаstur kichik sinflаrdаn bоshlаb chеt tillаrni o’rgаnish sаmаrаdоrligini оshirishgа mo’ljаllаngаn.

• EVRIKА – ushbu lоyihаning mаqsаdi SHаrqiy Yevropa dаvlаtlаri bilаn аmаlgа ооshirilаyotgаn tаdqiqоtlаrni uyg’g’unlаshtirish.

• ESPRIT — yangi ахbоrоt tехnоlоgiyalаrini yarаtish sоhаsidа Yevropa univеrsitеtlаlаriri, kоmpyutеr firm kuch vа imkоniyatlаrini birlаshtirishni tаlаb etuvchi lоyihа.

• ЕIPDАS — аrаb dаvlаtlаridа tа’limni rеjаlаshtirish vа bоshqаrishni tаkоmillаshtirish sоhаsigа dоir dаstur.

• TЕMPUS – Yevropa Ittifоqining hаmkоr-dаvlаtlаrdа оliy tа’limni rivоjlаntirishgа yo’nаltirilgаn dаsturi.

• IRIS — хоtin-qizlаrning kаsbiy tа’lim оlish imkоniyatlаrini kеngаytirishggа yo’nаltirilgаn lоyihаlаr tizimi.


5-Mavzu: Pеdаgоgik mahorat haqida tushuncha. Pеdаgоgik fikr tаriхi vа mаktаb аmаliyotidа o’qituvchi mаhоrаti mаsаlаlаri. O’qituvchi fаоliyatidа pеdаgоgik qоbiliyat,muomala madaniyati va psiхologiyasi. Kommunikativ malakalar va ta’sir etish.

Reja:

1. Pedagogik faoliyat va uning o’ziga xos xususiyatlari.

2. O’zbekiston Respublikasining “Ta’lim to’g’risida”gi Qonuni va “Kadrlar tayyorlash milliy dasturi”da pedagogik faoliyatni tashkil etishga qo’yilgan talablar.

3. Pedagogik fikrlar taraqqiyotida o’qituvchi mahorati masalalari.

4.O’qituvchi fаоliyatining tuzilishi.

5.“Pеdаgоgik mаhоrаt” tushunchаsi.

6. Pеdаgоgik mаhоrаtning аsоsiy tаrkibiy qismlаri.

7.Qobiliyat va pedagogik qobiliyat haqida tushuncha.

8.Pedagogik qobiliyatning turlari va ularning tavsifi.

9.Pedagogik qobiliyatni shakllantirish yo’llari.

10.O‘qituvchi kasbiy faoliyatida muloqot madaniyatining shakllanishi.

11.Pedagogik muloqotda muomala madaniyati.

12.Sharqona tarbiya va muosharat odobining muloqotga ta’siri.

13.Pedagogik muloqot: funktsiyalar, tuzilishi uslublari.

14.Pedagogik nizo va uning sabablari hamda oldini olish yo’llari.

15.O’qituvchining kommunikativ malakasi.

16.O’qituvchining kommunikativ ta’sir etish usullari.

17.O’qituvchining kommunikativ qobiliyatini rivojlantirish yo’llari.

Adabiyotlar:

1. 
   Karimov I.A. Yuksak ma’naviyat – yengilmas kuch. Toshkent: Ma’naviyat, 2008.
   
2. 
   Azizxo‘jaeva N.N. Pedagogik texnologiya va pedagogik mahorat. – Toshkent: Nizomiy nomidagi TDPU, 2006.
   
3. 
   Pedagogik texnologiyalar va pedagogik mahorat. Darslik. N.T.Omonov, N.X.Xojaev, S.A.Madiyarova, Ye.I.Eshkulov. T.: “IQTISOD-MOLIYa”, 2009.
   
4. 
   Xoliqov A. Pedagogik mahorat. – T.: IQTISOD-MOLIYa, 2011.
   
5. 
   Hikmatnoma. //To‘plovchi N.Eshonqulov. Toshkent: Cho‘lpon, 1992.
   

6.Alex Moore Teaching and Learning: Pedagogy, Curriculum and Culture.. USA, 2012
“Pedagoglik kasbi va pedagogik faoliyat”ga doir blits-so’rov savollari

1. 
   Pedagoglik kasbiga qanday talablar qo’yiladi?
   
2. 
   Pedagogik jarayon deganda nimani tushunasiz?
   
3. 
   Pedagoglik kasbi haqida Sharq mutafakkirlari qanday fikrlarni bayon etishgan?
   
4. 
   Abu Ali ibn Sinoning mudarrislarga tavsiyalari?
   
5. 
   Alisher Navoiy asarlarida mudarrislar faoliyati haqida?
   
6. 
   O‘qituvchi o‘quvchilar bilan o‘zaro hamkorlik qilishi uchun nimalarga e’tibor berishi lozim?
   

Pedagogik faoliyat va uning o’ziga xos xususiyatlari

Pedagogik faoliyat bu mazmunini o’quvchilarni o’qitish, tarbiyalash, rivojlantirish tashkil qilgan faoliyatdir.

Shuni yodda tutish kerakki, pedagogik faoliyat bu bir tomonlama emas, balki ikkitomonlama (hamkorlikdagi) faoliyatdir. Unda ikkita faol tomon ishtirok etadi: o’qituvchi – o’quvchi. Maqsad – o’quvchi shaxsini rivojlantiriishdir.

Pedagogik faoliyatning maqsadi asrlar davomida yuksak ma’naviyatli shaxsni shakllantirishning umuminsoniy g’oyasi sifatida xizmat qilib kelayotgan tarbiyaviy ishni amalga oshirish bilan bog’liq. Pedagogik faoliyatning asosiy turlari sifatida tarbiyaviy ish va o’qitish aks etadi.

N.V.Kuzmina pedagogik faoliyatning o’zaro bir-biri bilan aloqador quyidagi uch tarkibiy qismini ajratib ko’rsatadi: konstruktiv, tashkilotchilikka doir va kommunikativ. Konstruktiv faoliyat mazmunli (o’quv materialini tanlash va tizimlashtirish, pedagogik jarayonni rejalashtirish va tashkil etish), konstruktiv operativ (o’zining va o’quvchilarning harakatlarini rejalashtirish); konstruktiv-moddiy (pedagogik jarayonning o’quv-moddiy bazasini loyihalash) jihatlarni o’zida aks ettiradi. Tashkilotchilik faoliyati – o’quvchilarni faoliyatning xilma-xil turlariga jalb etish. Kommunikativ faoliyat – pedagogning ta’lim oluvchilar, o’qituvchilar jamoasi, jamoatchilik, mahalla va ota-onalar bilan munosabatini yo’lga qo’yish.

Pedagogik faoliyatning o‘ziga xosligi quyidagilarda namoyon bo‘ladi.

1. 
   Inson tabiatning jonsiz moddasi emas, balki o‘zining alohida xususiyatlari, ro‘y berayotgan voqealarni idrok qilishi va ularga o‘zicha baho beradigan, takrorlanmaydigan faol mavjudotdir. Psixologiyada ta’kidlanganidek, har bir shaxs takrorlanmasdir. U pedagogik jarayonning o‘z maqsadi, ishtiyoqi va shaxsiy xulqqa ega bo‘lgan ishtirokchisi hamdir.
   
2. 
   Pedagog doimo o‘sib-o‘zgarib boradigan inson bilan ishlaydi. Ularga yondashishda bir xil qolip, shakllanib qolgan xatti-harakatlardan foydalanish mumkin emas. Bu esa pedagogdan doimo ijodiy izlanib turishni talab qiladi.
   
3. 
   O‘quvchilarga pedagogdan tashqari, atrof-muhit, ota-ona, boshqa fan o‘qituvchilari, ommaviy axborot vositalari, ijtimoiy hayot ham ta’sir etadi. SHuning uchun ham pedagog mehnati bir vaqtning o‘zida jamiki ta’sirlarga va o‘quvchilarning o‘zida paydo bo‘lgan fikrlarga tuzatishlar kiritib borishni nazarda tutadi.
   

Pedagogik maqsadning o‘ziga xosligini quyidagilarda bilish mumkin:

1. 
   Pedagogik faoliyatning maqsadi jamiyat tomonidan belgilanadi, ya’ni pedagog faoliyatining natijasi jamiyat manfaatlari bilan bog`liqdir. Uning mehnati yoshlar shaxsini har tomonlama kamol toptirishga yo‘naltirilgan. Pedagogik faoliyat avlodning ijtimoiy uzviyligi (ketma-ketligi)ni ta’minlaydi. Bir avlod tajribasini, ikkinchi avlodga o‘tkazadi, ijtimoiy tajriba orttirish uchun insondagi tabiiy imkoniyatlarni ro‘yobga chiqaradi.
   
2. 
   Pedagog faoliyati doimo shaxs faoliyatini boshqarish bilan bog`liq. Bunda pedagogik maqsad o‘quvchi maqsadiga aylanishi muhimdir. Pedagog o‘z faoliyati maqsadini va unga erishish yo‘llarini aniq tasavvur qilishi va bu maqsadga erishish o‘quvchilar uchun ham ahamiyatli ekanligini ularga anglata olishi zarur. Gyote ta’kidlaganidek: «Ishonch bilan gapir, ana shunda so‘z ham, tinglovchilarni mahliyo qilish ham o‘z-o‘zidan kelaveradi».
   
3. 
   Pedagogik (ta’lim-tarbiya) jarayonda o‘quvchi faoliyatini boshqarish shuning uchun ham murakkabki, pedagog maqsadi doimo o‘quvchi kelajagi tomon yo‘naltirilgan bo‘ladi. Buni anglagan holda, mohir pedagoglar o‘z faoliyatini mantiqan o‘quvchilar ehtiyojlariga muvofiq holda loyihalaydilar. Hamkorlik pedagogikasining tub mohiyati ham ana shundan iborat.
   

Shunday qilib, pedagogik faoliyat maqsadining o‘ziga xosligi o‘qituvchidan quyidagilarni talab qiladi:

- jamiyatning ijtimoiy vazifalarini to‘la anglab, o‘z shaxsiga qabul qilishi. Jamiyat maqsadlarini «o‘sib» uning pedagogik nuqtai nazariga aylanishi;

- muayyan harakat va vazifalarga ijodiy yondoshishi;

- o‘quvchilar qiziqishlarini e’tiborga olish, ularni pedagogik faoliyatning belgilangan maqsadlariga aylantirish.

O’zbekiston Respublikasining “Ta’lim to’g’risida”gi Qonuni va “Kadrlar tayyorlash milliy dasturi”da pedagogik faoliyatni tashkil etishga qo’yilgan talablar

“Ta’lim to‘g`risida”gi Qonun va “Kadrlar tayyorlash milliy dasturi” ta’lim sohasida amalga oshiriladigan ishlarning maqsadi, vazifalari va yo‘nalishlarini belgilab berdi. Bu vazifalarni amalga oshirish, avvalo o‘qituvchiga, uning bilimi va kasb mahoratining shakllanganlik darajasiga bog`liq. Zero, o‘qituvchi zimmasiga yuklatilgan vazifalarni nechog`lik vijdon, aql va pedagogik mahorat bilan bajarilishi jamiyat kelajagini ta’minlovchi muhim omildir.

O’zbekiston Respublikasida o’qituvchi kadrlarning ma’naviy qiyofasi, aqliy salohiyati hamda kasbiy mahoratiga nisbatan jiddiy talablar qo’yilmoqda. Chunonchi, bu borada O’zbekiston Respublikasi Birinchi Prezidenti I.A.Karimov quyidagilarni qayd etib o’tadi: “Tarbiyachi – ustoz bo’lish uchun, boshqalarning aql-idrokini o’stirish, ma’rifat ziyosidan bahramand qilish, haqiqiy vatanparvar, haqiqiy fuqaro etib etishtirish uchun, eng avvalo, tarbiyachining ana shunday yuksak talablarga javob berishi, ana shunday buyuk fazilatga ega bo’lishi kerak”.

Yuqorida qayd etilgan fikrlardan bugungi kun o’qituvchisi shaxsiga nisbatan qo’yilayotgan talablar mazmuni anglaniladi. Zamonaviy o’qituvchi qanday bo’lishi kerak?

O’qitivchi (pedagog) pedagogik, psixologik va mutaxassislik yo’nalishlari bo’yicha maxsus ma’lumot, kasbiy tayyorgarlik, yuksak axloqiy sifatlarga ega hamda ta’lim muassasalarida faoliyat yurituvchi shaxs sanaladi.

O’zbekiston Respublikasining “Ta’lim to’g’risida”gi Qonuni 5-moddasining 3-bandiga muvofiq ta’lim muassasalarida sudlangan shaxslarning pedagogic faoliyat bilan shug’ullanishlariga yo’l qo’yilmaydi.

Pedagogik fikrlar taraqqiyotida o’qituvchi mahorati masalalari

Buyuk allomalarimiz o‘z asarlarida mudarrislar kasbining nozik­ligini, mas’uliyatli ekanligini va murakkabligini, shu bilan birga sharafli ekanligini, yoritib, muallimning mahorati, ularga qo‘yilgan talablar, fazilatlariga oid qarashlar, shogirdlar bilan munosabatga kirishish maho­rati, muomalasi to‘g‘risida o‘z mulohazalarini bildirganlar. Uyg‘onish davrining etuk namoyondalari Abu Nasr Forobiy, Abu Rayhon Beruniy, Abu Ali ibn Sino, Unsurul Maoliy Kaykovus, Abul-Qosim Umar Az-Zamaxshariy, Shayx Sa’diy Sheroziy, Alisher Navoiy, Abdurahmon Jomiy, Jaloliddin Davoniy, Husayn Voiz al-Koshifiy kabilarning ijodiy merosi pedagogik tafakkurni shakllantirishda bo‘lajak murabbiylarga muhim manba bo‘lib hisoblanadi.

Forobiy o‘zining didaktik qarashlarida ustoz, o‘qituvchining mas’uliyatini alohida ifodalaydi. “Ustoz, - deydi u,- shogirdlariga qattiq zulm ham, haddan tashqari ko‘ngilchaklik ham qilmasligi lozim”. Chunki ortiqcha zulm shogirdda ustozga nisbatan nafrat uyg`otadi, bordi-yu ustoz juda yumshoq bo‘lsa, shogird uni mensimay quyadi va u beradigan bilimdan sovib qoladi.

Beruniy mamlakatning obodonligi ilm–fanning ravnaqi tufayli deb aytadi, yoshlarning baxt–saodati va kamoloti esa ularga bilim va ma’ri­fat beruvchi mudarrislarga bog‘liq deb ta’kidlaydi. Ilm va ma’rifat sari intiluvchi tolib va mudarrislarga deydiki: “Ilm dargohiga kirar ekansan, qalbing kishini ozdiruvchi illatlardan, odamni ko‘r qilib qo‘ya­digan nafs va turli buzg‘unchi holatlardan, qotib qolgan turli eski urf–odatlardan, hirsdan, raqobatdan, ochko‘zlikni quli bo‘lishdan ozod bo‘lmog‘i darkor”.

Buyuk mutafakkir Abu Ali ibn Sino pedagogik qarashlarida insonning ham aqliy, ham axloqiy, estetik va jismoniy jihatdan rivojlanishi uning kamolga etishining asosiy mezoni sifatida talqin etiladi. SHarqda «SHayx ar-Rais» nomi bilan mashhur bo‘lgan alloma - Abu Ali ibn Sino o‘qituvchi mahorati haqida fikr yuritar ekan, quyidagilarni eslatib o‘tadi:

- bolalar bilan muomalada bosiq, jiddiy bo‘lish;

- berilayotgan bilimning talabalar qanday o‘zlashtirib olayotganiga e’tibor berish;

- ta’limda turli metod va shakllardan foydalanish;

- talabaning xotirasi, bilimlarni egallash qobiliyati, shaxsiy xususiyatlarini bilish;

- aqliy darajasiga mos ravishda ta’lim berish;

- har bir so‘zning bolalar hissiyotini uyg`otishi darajasida bo‘lishiga erishish zarur.

Abul-Qosim Mahmud Ibn Umar Az-Zamaxshariy (1075-1144) jahon ilm-fani va madaniyatiga salmoqli hissa qo‘shgan mashhur olim va adibdir. U o‘z asarlarida halollik va pokizalikni, ilmga muhabbatni, mard­lik va olijanoblikni ulug‘laydi. Ulug‘ mutafakkir “Navobig‘ ul-kalim” (“Nozik iboralar”) asarida kishilar ilmli bo‘lish, o‘qitish, yozish bilan hosilu mukammal bo‘ladi, olim kishi oqil, bilimdon va chiroyli xushxat yozuvga ega bo‘lsa, bu uning kamolotga etganligidan dalolat­dir, deydi. Asarda mudarrislar to‘g‘risida noyob fikrlar bildirilgan: “Murabbiy o‘qib tursagina murabbiy bo‘la oladi, agar o‘qishni to‘x­tatib qo‘yar ekan, unda murabbiylik o‘ladi”.

Shayx Muslihiddin Sa’diy Sheroziy XIII asrda Eronda yashab ijod qilgan yirik shoir va mutafakkirdir. U faylasuf-shoir bo‘lishi bilan birga tajribali murabbiy ham bo‘lgan. Shoir “Guliston” asarida o‘z davri mudarrislarini turli toifaga bo‘lib, ularni ta’riflaydi. Qattiqqo‘l o‘qituvchilarni “..basharasi tirishgan, tili zahar, yomon xulqli, odamlarni ranjitadigan, gadoy tabiatlik, ochko‘z, uni ko‘rishi bilan shogirdlarining kayfiyati uchar” shogirdlar undan bilim va tarbiya ololmaydilar. Yana bir toifadagi o‘qituvchilar “...sodda, yaxshi va yumshoq ko‘ngilli odam. Unar-unmasga so‘zlamas edi va bolalarni ranjitadigan so‘zlar og‘zidan chiqmas edi. Uning farishtadek axloqliligi va mehribonligini ko‘rgan bolalar murabbiyni mensimay qo‘ydilar. Uning yumshoq tabiatlik ekanligini bilishib, ilmni ham o‘rganmaydilar. Alqissa bolalar o‘yin va to‘polonga berilib vaqtni bekorga o‘tkazdilar”.

Buyuk mutafakkir Abdurahmon Jomiy XV asrda yashab ijod qilgan. U o‘z asarlarida insonning yuksak axloqiy hislatlarini, go‘zal fazilatlarini kuylaydi. «Iskandar xirodnomasi” asarida muallimlar to‘g‘risida noyob fikrlarni bildirgan: “muallim aqlli, adolatli, o‘zida barcha yuksak fazilatlarni mujassamlashtirgan bo‘lishi kerak. O‘zini nomunosib tutgan murabbiy hech vaqt bolalarga bilim bera olmaydi”. Shoir muallimning hayotdagi o‘rnini quyidagi baytida bayon qiladi: “Ustod, muallimsiz qolganda zamon, Nodonlikdan qora bo‘lurdi jahon”

Alisher Navoiy ijodida muallimlarga munosabat alohida berilgan. Uning fikricha, har bir inson o‘ziga ta’lim va tarbiya bergan ustozini, o‘qituvchisini umrbod hurmat qilishi va uni e’zozlashi kerak. Alisher Navoiy yosh avlod tarbiyasini har qanday tasodifiy murab­biyga ishonib topshirib bo‘lmasligini aytib, o‘qituvchiga yuksak talab­larni qo‘yadi. Bolani tarbiyalash va unga bilim berish, uning qobiliyatini o‘stirish uchun nihoyatda savodli o‘qituvchi va mahoratli tarbiyachi bo‘­lish kerak. Alisher Navoiy o‘qituvchini faqat dars beruv­chi, bilim beruv­chi deb bilmaydi, balki mahoratli tarbiyachi bo‘li­shi lozim deb ilm va odobni birga olib borilishini, bu ikki jarayon hech qachon ajral­masligini ta’kidlab o‘tadi.

Buyuk alloma o‘zining “Mahbub-ul qulub” didaktik asarida o‘qi­tuv­chi xalq oldida obro‘ga, hurmat va izzatga sazovor bo‘lishi kerak­ligini, u xalq g‘ami bilan yashashini, xalqqa yordam beruvchi, xalq bilan birga bo‘lishi lozimligini aytadi. Nodon, mutaasib, johil mudarrislarni tanqid qilib, mudarris olimlar orasidagi eng sara “malak qiyofali” kishi bo‘lishi, ya’ni sof ko‘ngilli, pok qalbli, insofli, karam-muruvvatli, odob­li, vafoli, kishilikning eng yaxshi va oliyjanob hislatlarini o‘zida aks ettiruvchi bo‘lishi kerak deydi. Ayniqsa, madra­salarda ta’lim-tarbiya bilan shug‘ullanuvchi mudarrislarga jiddiy talab­larni qo‘yadi: «Mudarris kerakki, g‘arazi mansab bo‘lmasa va bilmas ilmni aytishga urinmasa, manmanlik uchun dars berishga havas ko‘rgazmasa va olg‘irlik uchun gap-so‘z va g‘avg‘o yurgizmasa, nodonlikdan sallasi katta va pechi uzun bo‘lmasa, gerdayish uchun madrasa ayvoni unga bosh o‘rin bo‘lmasa, yaramasliklardan qo‘rqsa va nopoklikdan qochsa... nainki, o‘zini olim bilib, necha nodonga turli xil fisq ishlarni qilish mumkin, balki halol desa, qilmas ishlarni qilmoq undan sodir bo‘lsa va qilar ishlarni qilmaslik unga qoida va odat bo‘lib qolsa, bu mudarris emas, yomon odatni tarqatguvchidir». Demak, mudarris bilimli, fozil va donishmand bo‘lishi, kishilikning eng yaxshi fazilatlarini o‘zida mujassamlashtirgan oliy­janob va kamtarin bo‘lishi, har qanday yaramas ishlardan holi va pok bo‘lishi, o‘z xulqi va odobi bilan boshqalarga namuna bo‘lishi lozim.

O‘qituvchilarning kasbiy mahoratlarini takomillashtirish to‘g‘ri­sidagi muammolar Yevropa olimlari Ya.A.Komenskiy, Djon Lokk, G.Pes­ta­lotssi, A.Disterverg, K.D.Ushinskiy kabilarning asarlarida o‘z ifodasini topgan. Jumladan, chex olimi, mashhur pedagog Ya. A. Komenskiy o‘qituv­chining eng muhim xususiyatlari qatoriga bola­larni sevishi, yuksak axloqi, bilimdonligi, iqtidori, qobiliyati kabilarni kiritadi va ularning mohiyatini mukammal tavsiflab beradi.

Yan Amos Komenskiy o‘z davrida o‘qituvchilarning bola dunyo­qa­rashini rivojlantirishdagi roliga yuqori baho berib, o‘qituvchilik «yer yuzi­dagi har qanday kasbdan ko‘ra yuqoriroq turadigan juda faxrli kasb» ekanligini ta’kidlaydi. Muallifning fikricha, o‘qituvchi o‘z burchlarini chuqur anglay olishi hamda o‘z qadr-qimmatini to‘la baholay bilishi zarur. Ya.A. Komenskiy o‘qituvchi obrazini tasvirlar ekan, uning shax­sida quyidagi fazi­latlar namoyon bo‘lishi maqsadga muvofiqligini ta’kid­­laydi: vijdonli, ishchan, sabotli, axloqli, o‘z ishini sevuvchi, o‘quv­chilarga mehr bilan muomala qiluvchi, ularda bilimga havas uyg‘o­tuvchi, o‘quvchilarni o‘z ortidan ergashtiruvchi va diniy e’tiqodni shakl­lantiruvchi.

I.G.Pestalotssi o‘qituvchining kasbiy sifatlariga baho berish bilan birga, asosan uning xalq ta’limi tarmog‘ini takomillashtirishdagi roli hamda fan asoslarini egallashdagi ahamiyati va vazifalariga to‘xtalib o‘tadi.

A. Disterverg o‘qituvchining ta’limdagi roliga yuqori baho be­rib, u o‘z faoliyatini chuqur bilib, pedagogik mahoratini oshirib borishi o‘quv­chilarni qalbdan yoqtirishi natijasida yuzaga keladi deb uqtiradi. O‘qituvchi bolalarning individual xususiyatlarini, qobiliyatini, faoli­yatini mukammal bilishi uchun muayyan darajada psixologik bilim­larga ham ega bo‘lishi kerakligini takidlab o‘tgan.

Pedagog olim Djon Lokk o‘qituvchi psixologiyasining eng mu­­­him jihatlarini ishlab chiqqan. Ular orasiga mo‘’tadillik, g‘ay­rat-shijoatlilik, ehtiyotkorlik kabi hislatlarni kiritib, o‘qituv­chi­ning pedagogik faoliyatidagi rolini asarlarida yoritib bergan.

A.I.Gersen, L.N.Tolctoy, I.G.Chernishevskiy, K. D.Ushinskiy ka­bi rus pedagog olimlari g‘arb mutafakkirlari g‘oyalarining voris­lari sifatida mazkur muammolarga o‘z mulohazalarini bildirganlar. Jumladan, A.I.Gersen mulohazalariga ko‘ra, o‘qituvchining asosiy hislati – bu uning bolalar bilan munosabatda bo‘layotganligini sezish­da, bolalar ruhiy dunyosini tushuna olishida, axloqiy qobiliyatining mavjudligida, chunki u shunday iste’dodga ega bo‘lmog‘i zarurki, unga har qaysi o‘qituvchi erisha olmaydi.

Taniqli rus pedagogi K.D.Ushinskiy ta’lim-tarbiya jarayonida o‘qituv­chining roli va shaxsiga yuqori baho berib, o‘qituvchi kasbi­ga oid ilmiy mulohazalarida hech bir Qonun yoki Programma, ta’lim-tarbiya to‘g‘risidagi metod yoki tamoyillar o‘qituvchi shaxsi­ning pedagogik faoliyatdagi mahorati o‘rnini bosa olmaydi deb hisob­laydi.

K.D.Ushinskiy o‘qituvchi ma’naviyati va kasbiy faoliyatiga yuqori baho beradi hamda ularning kasbiy malakalarini doimiy ravishda tako­millashtirib borish maqsadga muvofiq ekanligi to‘g‘risidagi g‘oyani ilgari suradi. Mazkur g‘oyaning ijtimoiy ahamiyatini tasdiqlovchi tizim – o‘qituvchilarni qayta tayyorlovchi kurslar tizimini tashkil etishni u ilk bor asoslab bergan.

K.D.Ushinskiy o‘qituvchining mashaqqatli mehnatini ta’riflab shun­day deydi: “Hali etilmagan va fikri xayoli tarqoq bo‘lgan o‘ttiz yoki qirqta o‘quvchining ongini butun dars davomida mashg‘ul qilib turish uchun o‘qituvchi o‘z so‘zlari va bergan masalalari to‘g‘risida ko‘p bosh qotirishi, serdiqqat bo‘lishi kerak. Mana shu sababdan bilimi bo‘lgan har bir kishi o‘qituvchi bo‘lishga layoqatli bo‘lavermaydi. Jamiyat tomo­nidan hamma vaqt ham etarlicha ta’rif qilinmaydigan bu vazifani insof bilan ado qilmoq uchun zo‘r matonat va mahorat talab qilinadi”.

K.D.Ushinskiyning ta’kidlashicha, o‘qituvchi qalbining bolalarga nisbatan mehrini bildiruvchi axloqiy hislatlaridan biri, muallimning tarbi­yaviy kuchini va qobiliyatini ko‘rsatadigan ma’naviy oyinasi ijti­moiy qimmatga ega bo‘lib, barkamol shaxsni tarbiyalab voyaga etka­zishda namoyon bo‘ladi. Pedagogik faoliyatning yana bir muhim tarkibiy qismi o‘qituvchining xapakteri va his-tuyg‘ularida, uning o‘quvchilar bilan muloqotga kirishish usulida namoyon bo‘luvchi pedagogik-psixologik takt (odob, axloq) xususiyatlarini qo‘llashdir. Uning fik­ri­cha psixologik takt (odob, axloq) hayotimizning barcha jabha­larida g‘oyatda keng qo‘llaniladigan faoliyat turi, shuning uchun ushbu taktlarga ega bo‘lmasdan, odamlar orasida hech qanday muloqot va nutq qobiliyatining o‘zi ham bo‘lishi mumkin emas, deb ta’kidlaydi.

«Aqlli, fikran boy, bag‘ri keng insonchalik hech narsa yoshlarni qiziqtirmaydi, o‘zining ortidan ergashtira olmaydi ham..., aql – aql bilan tarbiyalanadi, vijdon – vijdon bilan, vatanga sadoqatlilik – bevosita vatan uchun xizmat qilish bilan..., – deb ta’kidlagan edi mashhur rus pedagogi V.A.Suxomlinskiy. – O‘qituvchi o‘zining butun borlig‘i, kundalik hayoti, ma’naviy madaniyati bilan hamkasblari va o‘quvchilarga o‘rnak bo‘ladi va ularni o‘z ortidan ergashtiradi».

O‘qituvchida pedagogik mahoratni shakllantirishning ilmiy – nazariy asoslari pedagog olim V.A. Slastyonin tomonidan ham tadqiq qilingan. U kasbiy – pedagogik tayyorgarlik, o‘qituvchining shaxsi va kasbiy shakllanish yo‘nalishi va bunda pedagogik mahorat to‘g‘risida so‘z yuritib, shunday yozadi: “O‘qituvchi muntazam ravishda peda­gogik nazariyalarga tayansagina, o‘qituvchilik mahoratini egallaydi. Chunki, pedagogik amaliyot doimiy ravishda pedagogik nazariyaga murojaat qilishni taqozo etadi. Birinchidan, ilmiy nazariyalar – taraqqiyotning umumiy qonuniyatlari, tamoyillari, qoidalarini aks ettiruvchi ilmiy bilimlardir, amaliyot bo‘lsa, doimo aniq vaziyatga asoslanadi. Ikkinchidan, pedagogik faoliyat – falsafa, pedagogika, psixologiyaga oid bilimlar sinteziga asoslanuvchi yaxlit jarayondir. Bu bilimlar sintezisiz pedagogik amaliyotni maqsadli qurish juda mush­kul”. Demak, o‘qituvchidan nafaqat pedagogik mahoratni mukam­mal egallash talab etiladi, balki, pedagogik amaliyotni to‘g‘ri va maq­sadli tashkil qilish uchun chuqur ilmiy – nazariy ma’lumotlarga ham ega bo‘lish lozim.

Buyuk rus adibi L.N.Tolstoy o‘qituvchi fazilatining mukam­mal­li­gini o‘z mutaxassisligiga nisbatan ijobiy munosabatda bo‘li­shi bilan bir vaqtda bolalarga bo‘lgan munosabatida, ularni xuddi o‘z far­zand­laridek jon-dilidan sevishida ekanligida ko‘rgan. Uning ta’­kid­lashicha, “agar o‘qituvchi faqat ishiga havas qo‘ygan bo‘l­sa, u yax­shi o‘qituvchi bo‘ladi. Agar o‘qituvchi bolaga faqat otasi va onasi kabi havas qo‘ygan bo‘lsa, u oldingi o‘qituvchidan yaxshiroq bo‘ladi. Bordiyu, ikkala hislatni ham o‘zida mujassam­lashtirsa, u holda u mukammal va mahoratli o‘qituvchi bo‘la oladi”.

Ma’lumki, pedagogik mahorat tizimida o‘qituvchining pedagogik nazokati (odobi) muhim mavqega ega. O‘qituvchi nazokatsiz, kasb odobisiz yuksak cho‘qqilar sari odimlay olmaydi. Masalaga shu nuqtai – nazardan yondashilganda, muallifning so‘zlari, o‘qituvchi pedagogik mahoratiga qo‘yilgan talablarga mos va hamohangdir.

Taniqli rus pedagogi A.S.Makarenko o‘z asarlarida o‘qituvchining kasbiy fazilati to‘g‘risida quyidagi fikrlarini bayon qilgan: “Pedagog darsda ma’lum bir o‘ziga xos rolni o‘ynamasligi mumkin emas. Sinf sahnasida rol o‘ynashni bilmaydigan o‘qituvchi kasbiy faoliyat olib borolmaydi. U ma’lum ma’noda aktyor. Bizning xulq-atvorimiz, fe’limiz, xarakterimiz biz uchun pedagogik qurol bo‘lishi ham aslo mumkin emas. Bolalarni qalb va ko‘ngil azoblari bilan, hijronli his-tuyg‘ularimiz yordamida tarbiyalashga umuman yo‘l qo‘yib bo‘lmaydi. Axir biz insonmiz. Har qanday boshqa kasb egalarida ko‘ngil zahmatisiz ish bitirish mumkin bo‘lsa, pedagog ham ko‘ngil azobisiz faoliyat olib borishi lozim bo‘ladi. O‘quvchiga ba’zan muloqotda ko‘ngil azobini namoyish etishga to‘g‘ri keladi. Buning uchun pedagog sahnadagi aktyordek ijobiy rol o‘ynashni ham bilishi kerak. Tasodifiy pedagogik vaziyatlarda o‘qituvchi g‘azablanganda, quvonganda, xafa bo‘lganida, tushkun bir ahvolga tushganida ichki his-tuyg‘ularini bir holatdan boshqa holatga, bir shakldan boshqa shaklga aktyorlarga xos iqtidor bilan o‘tkazishni ham bilishi kerak.

Biroq shunchaki tashqi, sahnaviy rol o‘ynash yaramaydi. Bu o‘yinda pedagogning ajoyib shaxsiy mahorati bilan bog‘laydigan qandaydir kamar bor, bu sizning go‘zal xulqingizni namoyish etib bog‘lovchi rolingiz. Bu sahnadagi o‘yin o‘lik bir holat yoki texnika emas, balki qalbingizdagi yashirin his-tuyg‘ularingizni, mehringizni namoyon etuvchi haqiqiy jarayondir”.

Pedagog olim o‘qituvchining hech bir kasbga o‘xshamaydigan kasbiy faoliyatini yuksak baholab, “Tarbiyachi tashkil etishni, yurishni, hazillashishni, quvnoq yoki jahldor bo‘lishni bilishi lozim, u o‘zini shunday tutishi kerakki, uning har bir harakati, yurish-turishi, kiyinishi bolalarni tarbiyalasin” – deb yozgan edi.

Shunday qilib, evropa mutafakkirlari o‘z ilmiy asarlarida o‘qi­tuv­­chining bir qator muhim fazilatlari haqida fikr yuritganlar. Bu­lar­­ning qatoriga quyidagi fikrlarni alohida qayd etish lozim: o‘qituv­chining har tomonlama barkamol bo‘lishi, o‘zining yuksak hislatlari va his-tuyg‘ulari bilan boshqa kasbdagi kishilardan ajralib turishi, bola­lar ruhiyatiga oson kira olish kobiliyati, darslarni o‘zlash­tirish­da orqa­­da qolganlar bilan individual ishlar olib borish, o‘quv­chilar diqqa­tini o‘ziga qaratish mahorati, mustaqil ishlash va o‘z maho­ratini, mala­kasini oshirish, pedagogik-psi­xolo­gik odob (takt)ga ega bo‘lish, notiq­lik san’atini puxta bilish kabi­lardir. Shuni ta’kidlab o‘tish joizki, Sharq va G‘arb muta­fakkirlari to­monidan tahlil qilingan o‘qituvchi kas­bi haqidagi ko‘p­gina mulohazalar hozirgi kungacha o‘z ahamiyatini saqlab kelmoqda, demak millati va kelib chiqi­shidan qat’iy nazar aj­dod­lar merosini takomil­lashtirish evaziga hozirgi kunda ta’lim va tarbi­yani yanada yuksak bos­qichlarga ko‘tarish mumkin.