Ma’ruza №1 Kirish. Avtomatika asoslari fanining maqsadi va vazifalari. Reja

Mikroprotsessorli tizim interfeyslari.

Interfeyslar – hisoblash tizimini qurishda funksional modullarni (qurilmalarni) tashkil etuvchi mikrosxemalar orasidagi o‘zaro bog‘lanishni tashkil etish uchun mo‘ljallangan. Shunga ko‘ra hisoblash komplekslarini tashkil etishda hisoblash mashinalari orasida o‘zaro bog‘lanishni tashkil etish uchun ham qo‘llaniladi.

Interfeyslar – MPT larning barcha funksional modullari orasidagi o‘zaro harakat qoidalarini reglamentlaydi, axborot almashuvi tartibi va protokollarini aniqlaydi va o‘zaroharakatni o‘rnatadi. Interfeyslar konfiguratsiyasi quyidagi talablardan kelib chiqib ishlab chiqilgan:

1) Hisoblash tizimi bloklari orasida standart axborot almashinuvini ularning tezkorligiga bog‘liq bo‘lmagan holda tashkil etish va kerakli tezkor harakatning olinishi;

2) Mikroprotsessorli kompleks tuzilishining oddiyligi va diagnozlash uchun imkoniyat mavjudligi;

3) Qo‘llanishning keng sohasi.

Mikrosxemalar chiqishlarining orasidagi elektrik bog‘lanishlar elektrik aloqalar yoki liniyalar bilan amalga oshiriladi. Bu liniyalar tegishli funksional qo‘llanilishiga qarab guruhlanadi va ma’lumotlar shinasi MSh, adreslar shinasi ASh va boshqarish shinasi BSh ni tashkil etadi. Shinalar to‘plami - magistralni tashkil etadi. Interfeyslar funksional qo‘llanilishiga ko‘ra quyidagi prinsiplar bo‘yicha klassifikatsiyalanadi:

- funksional modullarni yaratish usuliga ko‘ra;

- ma’lumotlarni uzatish usuliga ko‘ra - parallel, ketma-ket va ketma ketparallel;

- ma’lumotlarni uzatish rejimiga ko‘ra - bir yoqlama, ikki yoqlama, bir vaqtda yoki navbatma – navbat uzatish;

- axborot almashuv prinsipiga ko‘ra – sinxron, asinxron.