Ma’ruza №1 Kirish. Avtomatika asoslari fanining maqsadi va vazifalari. Reja

Mikoprotsessorli tizimlarning turlari

Hozirgi vaqtda mikroprotsessor texnikasi qo‘llanish sohasi juda keng, MPT bo‘lgan talab har xil ko‘rinishda namoyon bo‘ladi. Shunga ko‘ra quvvati, universalligi, tezkorligi va tuzilishi bilan farqlanadigan mikroprotsessorlarning bir necha tipi shakllantiriladi. Ulardan asosiylari quyidagilar:

 Mikrokontrollerlar – MPT ning eng oddiy ko‘rinishlaridan biri bo‘lib, ularda tizimning ko‘pgina yoki barcha qismlari yagona mikrosxema ko‘rinishida amalga oshirilgan,

 Kontrollerlar – alohida modullar ko‘rinishida bajariladigan boshqaruvchi MPT,

 Mikrokompyuterlar – rivojlangan tashqi qurilmali qarshilik vositalariga ega ancha quvvatli MPT,

 Kompyuterlar (jumladan, shaxsiy kompyuterlar) – eng quvvatli va eng universal MPT.

MPT larning bu turlari orasida alohida chegarani takidlash qiyin. Barcha turdagi mikroprotsessorlarning tezkorligi doimiy ravishda ortib boryapti (faqat ba’zi hollarda yangi mikrokontrollerning tezkorligi eskirib borayotgan kompyuterdan yuqori bo‘lishi mumkin). Shunga qaramasdan ular orasida qandaydir prinsipial farqlar baribir mavjud.

Mikrokontrollerlar – amalda o‘z–o‘zidan emas balki ancha murakkab qurilma tarkibida (shuningdek kontrollerlar) ishlatiladigan universal qurilmadir. Mikrokontrollerga tashqi qurilmalarni ulash imkoniyatlari chegaralangan. Mikrokontrollerlardagi qurilmalar odatda bir masalani yechishga mo‘ljallangan.

Protsessor tomonidan bajariladigan hamma komandalar protsessorning komanda tizimini tashkil etadi. Protsessor strukturasi va komandalar tizimi hajmi uning tezkorligi, foydalanishga qulayligini aniqlab beradi. Protsessorning barcha komandalari bir necha o‘ndan bir necha yuzgacha bo‘lishi mumkin.