Маъруза № тоғ жинсини қазиб олишга тайёрлаш усуллари. Механик усулда қазиб олишга тайёрлаш

Гидравлик усул. Тоғ жинсини қазиб олишнинг гидравлик усули тоғ жинси таркибига сув ва эритмалар жўнатишга асосланган. Шағал ва қум қазиб олиш корхоналарида гидравлик усул, сув билан ювиб олиш ёки кимёвий аралашмалар қўлланилади.
Булардан ташқари бурғулашнинг: электрогидравлик, скважинларни бурғулаш ва тоғ жинсларини кесишда (қирқишда) ультратовушларни қўллаш, портлатиб бурғулаш, плазмали бурғулаш турлари ҳам мавжуддир.
Тоғ жинсини механик усулда юмшатиш.
Ўта зич, музлаган ва ярим қояли тоғ жинсларини қазиб олишга тайёлашда турли хил юмшатувчи механик воситаларидан фойдаланилади: экскаватор чўмичи, тракторли юмшатгич ва махсус струглар.
Портлатиш усули билан юмшатишга қараганда механик усул билан юмшатишда юқори унумдорликка эришилади. Бу усул тоғ жинси қаттиқлиги f=6 гача бўлган тоғ жинсларида арзон таннархга ишларнинг бехатар олиб борилишига эришилади.
Механик усулда юмшатишнинг энг кенг тарқалган усули бу-тракторли юмшатишдир. Бунда гусеницали қувватли тракторларга 1-5 тагача юмшатувчи тишлар ўрнатилади. Тоғ жинси қаттиқлиги ошган сайин юмшатувчи тишлар сони камаяди. Ярим қояли ва катта ёриқли қояли тоғ жинсларида бир тишли юмшатгичлар, кам мустаҳкамликка эга бўлган тоғ жинсларида эса, кўп тишли юмшатгичлар (уларнинг унумдорлигини ошириш мақсадида) ишлатилади. Ўткир тишларга бўлган кучланиш 250 кН гача етади. Ҳаракат пайтида бу ўткир тишлар гидравлик система ёрдамида массивга 0,5 м чуқурликкача ботиши мумкин.
Тоғ жинсининг юмшатилувчанлиги юмшатгич тишларининг ботиш чуқурлиги билан аниқланади ва массивнинг ёриқлиги ҳамда тоғ жинси мустаҳкамлигига боғлиқ бўлади.





8.1.Расм. Тракторли юмшатгичнинг умумий кўриниши.
1 – юмшатгич тиши; 2 – юмшатгич рамаси; 3 – юмшатгичнинг кўтариб, туширувчи гидроцилиндри; 4 – юмшатгичнинг қия тишининг гидроцилиндри; 5 - ROPS конструкцияси; 6 - кабина; 7 – мотор бўлими; 8 – юмшатгич отвалини кўтариб тушурувчи гидроцилиндри; 9 - гидравлик подкос; 10 - бульдозер отвали; 11 – итарувчи брус; 12 - гусеницани тортувчи гидроцилиндр; 13 –етакловчи юлдузча; 14 – гусеницали тележка рамаси