Marketing tadqiqotlari

Marketing tadqiqotlarida muammolar va ularning tasnifi

1. 
   Tovar (xizmat)larni ishlab chiqarish joyi bo‘yicha muammolar tasnifi. Ushbu guruh muammolar ikkita yo‘nalishda sodir bo‘ladi. Birinchisi, ishlab chiqarish jarayonini marketing tamoyili asosida boshqarish bilan bog‘liq bo‘lsa, ikkinchidan, bevosita tashqi omillarga (xaridorlar didi va imkoniyatlarining o‘zgarishi, raqobat maydoniga yangi raqobatchilarning kirib kelishi, innovatsiyaning korxonalarga bir xil darajada joriy qilinmayotganligi kabilar) bog‘liq bo‘ladi. Ushbu muammolarni yaxlit
   

holda qaraydigan bo‘lsak, bular o‘z navbatida bir qancha guruhlarga bo‘linadi. Ushbu guruhlarga quyidagilarni kiritish mumkin:

• 
  mahalliy ishlab chiqaruvchilar bo‘yicha marketing tadqiqotlari muammolari;
  
• 
  chet mamlakatlarda ishlab chiqaruvchilar bo‘yicha marketing tadqiqotlari muammolari;
  
• 
  mahalliy va chet mamlakatladagi ishlab chiqaruvchilar bo‘yicha marketing tadqiqotlari muammolari. Bularni quyidagi rasmda ifodalash mumkin (4.2-rasm).