Marketing tadqiqotlari

GLOSSARIY

Aksiyadorlik jamiyati (ingl. Joint-stock company) – korxonaning tashkiliy- huquqiy shakli bo‘lib, jamiyat ixtiyoridagi mulki, boyligiga asoslanib faoliyat yuritadi. Aksiyadorlik jamiyati sarmoyasi jamiyat a’zolarining qo‘shgan pul mablag‘lari yoki moddiy ne’matidan tashkil topadi.

Aksiya (ingl. Share) – aksiyadorlar jamiyati a’zosining mablag‘ qo‘shganligi haqida guvohlik beruvchi qimmatbaho qog‘oz. Aksiya sotib olgan shaxs hissador bo‘lib, ma’lum huquq va majburiyatga ega bo‘ladi.

Aksiyaning nazorat paketi (ingl. Block of shares) – biror shaxsga aksiyadorlar jamiyati faoliyati ustidan nazorat qilishni ta’minlaydigan aksiyalar hissasi. Odatda bunday holat aksiyalar miqdorning yarmidan ko‘pi yoki katta qismi bir qo‘lda to‘planganda amalga oshadi.

Aktiv (ingl. Active) – firma, uy xo‘jaligi va ayrim bir shaxsga tegishli bo‘lgan boylik.

Aksiz (ingl. Excise) – ommaviy iste’molga xos bo‘lgan oziq-ovqat va nooziq- ovqat mollariga qo‘yiladigan bilvosita soliq. Ushbu soliq davlatga shunday mahsulot ishlab chiqaruvchilar va sotuvchilar tomonidan to‘lanadi hamda narxning oshirilishi bilan aholi gardaniga yuklanadi.