Marketing tadqiqotlari

Marketing tadqiqotlari muammolarining bir qismi tovar (xizmat)larni sotish bozori bilan bog‘liqdir. Chunki ishlab chiqarilgan tovar (xizmat)ni qaysi bozorga sotishligi, qanday sotilishi, qachon va qancha sotishligi ham katta muammodir. Ushbu muammolar ikki guruhga bo‘linadi:

• 
  ichki bozorda sotish muammosi;
  

-tashqi bozorda sotish muammosi.

Tashqi bozorda sotish ham ikki yo‘nalishda amalga oshiriladi. Tovar (xizmat)ni sotish faqat xorijiy davlatlargagina emas, balki o‘z mamlakatimizning ichida boshqa huddudlarda ham sotish tushuniladi. Shu tufayli buni ham ikki guruhga bo‘lib o‘rganish maqsadga muvofiqdir. Bularga:

• 
  bir davlat ichida, ammo tovar (xizmat) ishlab chiqarilgan hududdan boshqa hududda;
  
• 
  mazkur davlatdan tashqaridagi bozorda. Bu asosan tovar (xizmat)larni eksport qilish yo‘li bilan amalga oshiriladi. Tashqi bozordan xaridorlarni topish ham juda katta muammo. Ammo bugungi kunda ushbu masalaga keng yo‘l ochib berildi. Hozir tovar (xizmat)lar eksporti bilan har bir xorijiy mamlakatlarda joylashgan elchilarimiz ham shug‘ullanmoqda. Bu tovar (xizmat)larni ishlab chiqaruvchilar uchun ham katta imkoniyat yaratilganligidan dalolatdir. Bularning bog‘liqligini quyidagicha ifodalash mumkin (4.3-rasm).