“Маркетинг тадқиқотлари” фанидан мустақил ишни бажаришга доир кўрсатма

TALABA MUSTAQIL ISHINING MAQSAD VA VAZIFALARI

ECTS kredit-modul tizimida faoliyat yuritadigan oliy ta’lim muassalari amaliyoti tahlil qilinganda, ularning aksariyatida auditoriya mashg‘ulotlariga umumiy o‘quv yuklamasining 40%i va talabaning mustaqil ishlariga 60% ajratilganligini kuzatish mumkin. Bu nisbat boshqacha qilib aytganda 1:1.5 to‘g‘ri keladi. Ya’ni, talaba muayyan fan bo‘yicha belgilangan har 1 soat dars uchun unga darsdan tashqarida bir yarim soat mustaqil o‘qishi, tayyorlanishi kerak bo‘ladi.

Talabaning o‘zi o‘qiyotgan fanni yaxshi o‘zlashtirishi va uning mazmun-mohiyatini anglab yetishida uning tomonidan bajariladigan mustaqil ishlarning ahamiyati benihoya katta.
Talaba mustaqil ishi – muayyan fandan o‘quv dasturida belgilangan bilim, ko‘nikma va malakaning ma’lum bir qismini talaba tomonidan fan o‘qituvchisi maslahati va tavsiyalari asosida auditoriya va auditoriyadan tashqarida o‘zlashtirishiga yo‘naltirilgan tizimli faoliyatdir.

Mustaqil ishni bajarishdan asosiy maqsad – «Iqtisodiyot» kafedrasi professor-o‘qituvchilarining bevosita rahbarligi va nazorati ostida talabalarni semestr davomida fanni uzluksiz o‘rganishini tashkil etish, olingan bilim va ko‘nikmalarni yanada mustahkamlash, kelgusidagi darslarga tayyorgarlik ko‘rish, aqliy mehnat madaniyatini, yangi bilimlarni mustaqil ravishda izlab topish va qabul qilishni shakllantirish hamda ushbu tariqa universitetda raqobatbardosh kadrlarni tayyorlashga erishishdan iborat.

Talabalarning mustaqil ishi (TMI) – bu talabaning o‘ziga xos o‘quv faoliyati bo‘lib, u didaktik topshiriqlarni mustaqil ravishda bajarishga, o‘qishga qiziqtirishga va muayyan fan sohasida bilimlarni oshirishga yo‘naltirilgan. TMI mazmuni mantiqiy fikrlashni, ijodiy faollikni, o‘quv materialini o‘zlashtirishda tadqiqotchilik yondashuvini shakllantirishga imkon beruvchi amaliy topshiriqlarni bajarish bilan bog‘liq bo‘ladi. O`qituvchi rahbarligida talabaning mustaqil ishi (O‘RTMI) yakka tartibda va guruh tarzida, hamda maslahat va interfaol shakllarda amalga oshirilishi mumkin.
Talaba mustaqil ishining asosiy maqsadi - o`qituvchining rahbarligi va nazorati ostida talabada muayyan o`quv ishlarini mustaqil ravishda bajarish uchun zarur bo`lgan bilim va ko`nikmalarni shakllantirish va rivojlantirish.
Talaba mustaqil ishining vazifalari quyidagilardan iborat:

• 
  yangi bilimlarni mustaqil tarzda puxta o`zlashtirish ko`nikmalariga ega bo`lish;
  
• 
  kerakli ma`lumotlarni izlab topish qulay usullari va vositalarini aniqlash;
  
• 
  axborot manbalari va manzillardan samarali foydalanish;
  
• 
  an`anaviy o`quv va ilmiy adabiyotlar, me`yoriy hujjatlar bilan ishlash;
  
• 
  elektron o`quv adabiyotlar va ma`lumotlar banki bilan ishlash;
  
• 
  Internet tarmog`idan ratsional yechimini belgilash;
  
• 
  ma`lumlar bazasini tahlil etish;
  
• 
  ish natijalarini ekspertizaga tayyorlash va ekspert xulosasi asosida qayta ishlash;
  
• 
  topshiriqlarni bajarishda tizimli va ijodiy yondoshish;
  
• 
  ishlab chiqilgan yechim, loyiha yoki g`oyani asoslash va mutaxassislar jamoasida himoya qilish.