Markaziy osiyo davlatlari iqtisodiy va ijtimoiy geografiyasi

Shimoliy Turkmaniston iqtisodiy rayoni-Doshhovuz viloyatidan iborat. Rayon respublika hududining 13 foizini, aholisining esa 20 foizini tashkil etadi.
Aholi zichligi 1 km2 ga 9 kishi to‘g‘ri keladi. Rayon respublikaning shimoliy qismida Amudaryo deltasida, Sariqamish ko‘li va shimoliy Qoraqum cho‘lining bir qismida joylashgan. Doshhovuz respublikadagi qadimgi sug‘oriladigan mintaqadir. Hozirgi kunda bu yerda paxtachilik, donchilik, sabzavotchilik rivojlangan maydonlar ko‘p. Bog‘dorchilik, ayniqsa poliz ekinlaridan sershira qovunlari mashhur. Mintaqa yirik qishloq xo‘jalik rayoni bo‘lib, sug‘orib dehqonchilik qilishga ixtisoslashgan. Mintaqa hududidan ko‘plab sug‘oruv kanallari o‘tgan (Toshsoqa, Qilich-Niyozboy, Qipchoq-Bo‘zsu va boshqalar).
Iqlimi nisbatan quruq, qishi sovuq, yozi qisqa, lekin bu yerda o‘rta pishar paxta yetishtirish yaxshi yo‘lga qo‘yilgan.
Shimoliy rayon Respublikaning 1/5 foiz ekin ekiladigan maydoni, jumladan 1/4 foiz paxta maydonini tashkil etadi Mintaqa sholi, oqjo‘xori, yetishtirish bo‘yicha respublikada birinchi, paxta, kunjut yetishtirish bo‘yicha esa ikkinchi o‘rinda turadi. Shuningdek bu yerda makkajo‘xori va uzum yetishtiriladi.
Bu yerda respublikaning 20 foiz pillasi tayyorlanadi. Shimoliy mintaqada so‘nggi yillarda chorvachilik, ayniqsa qo‘ychilik rivojlanib bormoqda. Qo‘ylar asosan Sariqamish ko‘li atroflarida boqiladi. Mintaqaning iqtisodiy va mada-niy markazi Doshhovuz shahri bo‘lib, Amudaryoning qo‘yi qismida, temir yo‘l yoqasida joylashgan. Shahar XIX asrlarda Xiva xonligi qal’asi sifatida tashkil topgan. Aholisi asosan o‘zbeklardan iborat.
Sobiq ittifoq davrida Doshhovuz yirik sanoat va transport markazi sifatida rivojlanadi. Chorjoy-Qo‘ng‘irot-Beynov temir yo‘lining qurilishi shaharning iqtisodiy aloqalarini kuchaytiradi. Shaharni Shovot magistral kanali ikki qismga: eski va yangi shaharga bo‘lib turadi. Shaharda bir qancha sanoat korxonalari; paxta tozalash, yog‘-moy, non, avtoremont, qishloq xo‘jalik mashinalari remonti zavodi va boshqalar ishga tushirilgan. Shuningdek shaharda milliy hunarmandchilik gilam to‘qish va ko‘lolchilik yaxshi rivojlangan. yetakchi