Maqsudov ilhomjon, joraev jomurod yangiboevich, amirov shavkat qo ziboevich

 
4.7.Qo‘ylar qirqimini tashkil etish. 
Qirqim muddatlari. Dag„al junli qo„ylar 2 marta, bahorda va kuzda qirqiladi. 
Qo„zilardan 1 yoshgacha juni qirqilib ulardan qo„zi juni (poyarkovaya) olinadi. Bu 
jun gilam to„qishga mos bo„lib, voyaga yetgan qo„y juniga  nisbatan yaxshi bo„ladi. 
O‟zbekiston sharoitida bahorgi qirqim junning ko„tarilishiga qarab o„tkaziladi. 
Bahorgi  qirqim  iliq  kunlar  kelgandan  keyin  o„tkazilishi  kerak,  chunki  yangi 
qirqilgan  qo„ylar  sovuqqa  juda  chidamsiz  bo„ladi.  Qirqimni  kechiktirish  ham 
mumkin emas, chunki issiq havo qirqilmagan qo„ylarga, ayniqsa emizikli qo„ylarga 
yomon  ta‟sir  etadi.  Bunday  qo„ylar  yomon  o„tlaydi,  ozib,  sut  maxsuldorligi 
kamayib  ketadi.  Bundan  tashqari  ertapishar  yaylov  o„tlari  urug„i  tushib  junni 
ifloslantiradi.  Undan  tashqari  issiqqa  qolish  jun  chiqimini  kamaytiradi,  ya‟ni 
qo„ylar to„llashi natijasida bir qism jun to„kilib ketadi. Kuzgi qirqim avgust-sentabr 
oyida o„tkaziladi, chunki kech qirqilgan qo„ylar qishlovga yaxshi tayyor bo„lmaydi. 
Bahorgi  qirqimdan  oldin  qo„ylarni  cho„miltirish  ijobiy  natijalar  beradi,  ya‟ni  jun 
sifati yaxshilanib chiqimi ortadi.