Maqsudov ilhomjon, joraev jomurod yangiboevich, amirov shavkat qo ziboevich

III.8. Qoramol go‘shti ishlab chiqarish jarayoni. 
 
Qoramollarning go„sht mahsuldorligi va uning sifati yosh mollarni o„stirish va 
so„qimlashni to„g„ri tashkil etishga bog„liqdir.  Odatda so„qimga novvoslar, podani 
to„ldirishga  layoqatsiz  urg„ochi  tanalar,  puchak  qilingan  sigirlar  qo„yiladi. 
So„qimlash  muddati  mollarning  yoshi  va  tirik  vazniga  bog„liq  bo„lib,    3-6  oyni 
tashkil etadi. 
Yosh  mollar  15-18  oyligida  so„qimlanadi.  So„qimlash  davrida  mollarni 
bog„lab  boqish  maqsadga  muvofiqdir.  So„qimga  bog„lanadigan  mollarning  tirik 
vazni  300-350  kg  bo„lishi  kerak,    ana  shunda  ularning  o„rtacha  kunlik  semirishi 
800-1200 g ga teng bo„lganda, so„qimlash yakunida,  ularning tirik vazni 450-500 
kg ga yetadi. 
Sut-go„sht  yo„nalishidagi  novvoslarning  tirik  vazni  18  oyligida  450  kg,    sut 
yo„nalishidagilarniki esa 400 kg bo„lishi ko„zda tutiladi. Sut-go„sht yo„nalishidagi 
zotli qoramollar 6 oyligigacha o„stirilganda 250 kg qaymog„i olinmagan,  400 kg 
qaymog„i  olingan  sut  ichishlari  kerak,  sut  yo„nalishidagi  o„rtacha  vazndagi 
mollarga esa 200 kg qaymog„i olinmagan,  400 kg qaymog„i olingan sut beriladi. 
Ana shunda ularning o„rtacha kunlik o„sishi 700-800 g teng bo„ladi. 
Bahor  oyida  tug„ilgan  buzoqlar  ratsionidagi  dag„al  va  shirali  oziqalar,  ko„k 
o„tlar  bilan  almashtiriladi.  Sero„t  tabiiy  va  madaniy  yaylovlarda  boqilsa  15-20% 
yem oziqalar iqtisod qilib qolinadi. 
Jadal  ravishda  o„stirilayotgan  sut-go„sht  yo„nalishidagi  mollarning  o„rtacha 
kunlik semirishi 700-750 g,  sut yo„nalishidagilarniki 600-650 g ga teng bo„lib, 15 
oyligida ularning tirik vazni mos ravishda 375 kg va 325 kg yetkazish mumkin. 
Go„sht  uchun  o„stirilayotgan  yosh  mollar  ratsionining  asosiy  qismini  silos 
tashkil etish  kerak.  Bunda uning ratsionidagi to„yimlilik bo„yicha nisbati 12 oylik 
mollar uchun 50%, 15 oylik mollar uchun esa 60% ga teng bo„ladi. Dag„al oziqalar 

---

 
174 
esa to„yimliligi bo„yicha 40% gacha beriladi. Omixta yemlar berilishi 20-25% qilib 
chegaralanadi.    Bahor-yoz  oylarida  yaylov  sero„t  bo„lsa,    yem  bermasdan  boqish 
mumkin. Iqlim  sharoitiga qarab har xil oziqalar   beriladi.  Bunda ratsion tarkibida 
qaysi bir oziqa turining salmog„i yuqori bo„lsa so„qimlash usuli o„sha oziqa nomi 
bilan ataladi.