Mantiqiy savollar: 1

2- nazariy savol. 
Mahalliy ijroiya hokimiyati organlarining struktura va shtatlarini tahlil 
qiling. 
Ushbu masala haqida “Mahalliy davlat hokimiyati to`g`risida”gi 
Qonunning 22- moddasida atroflicha muhokama etilgan. Mahalliy ijroiya 

---

hokimiyati organlari (hokimliklar) boshqarmalar, bo‘limlar va boshqa 
bo‘linmalardan iborat bo‘lib, ularning strukturasi, ularni tashkil etish tartibi va 
faoliyati O‘zbekiston Respublikasi Vazirlar Mahkamasi tasdiqlaydigan tegishli 
nizomlar bilan belgilanadi. Viloyatlar va Toshkent shahar ijroiya hokimiyati 
organlarining strukturasi va shtatlari hokim tomonidan O‘zbekiston Respublikasi 
Vazirlar Mahkamasi bilan kelishilgan holda tegishli xalq deputatlari Kengashi 
tasdiqlagan budjet doirasida belgilanadi va o‘zgartiriladi. Tuman, shahar ijroiya 
hokimiyati organlarining strukturasi va shtatlari hokim tomonidan yuqori turuvchi 
hokim bilan kelishilgan holda tegishli xalq deputatlari Kengashi tasdiqlagan budjet 
doirasida belgilanadi va o‘zgartiriladi. Viloyat, tuman, shahar hokimliklari 
apparatining strukturasi va shtatlari viloyat, tuman, shahar xalq deputatlari 
Kengashi tasdiqlagan budjet doirasida belgilanadi va o‘zgartiriladi. Viloyat va 
Toshkent shahar hokimligi apparatining namunaviy strukturasi va shtatlari 
O‘zbekiston Respublikasi Vazirlar Mahkamasi tomonidan, tuman va shahar 
hokimligi apparatining namunaviy strukturasi va shtatlari esa yuqori turuvchi 
hokim tomonidan belgilab qo‘yiladi. Qoraqalpog‘iston Respublikasida tuman va 
shahar hokimligi apparatining namunaviy strukturasi va shtatlari Qoraqalpog‘iston 
Respublikasi Vazirlar Kengashi tomonidan belgilab qo‘yiladi. Ko`rib 
turganimizdek, mahalliy ijroiya hokimiyati organlarining struktura va shtatlari 
yuqorida aytilgani kabi faoliyat yuritadi.
 
 
 
 
 
 
 

---

 
Kazus 
Toshloq tumani hokimi o‘z qarori bilan tumanning ehtiyojlarini inobatga 
olgan holda hamda ishlab chiqarishni kengaytirish uchun “Agrokimyo” qo‘shma 
korxonasiga foydalanish uchun yer ajratdi. Hokimning qarorida boshqa 
tadbirkorlar manfaatlarini buzganligi sababli, Toshloq tuman xalq deputat 
Kengashi ushbu qarorni tasdiqlamadi. Hokim Kengash qaroriga e’tibor bermadi va 
qo‘shma korxona hokim tomonidan ajratilgan yerdan foydalanishni davom ettirdi. 
Mahalliy Kengash ushbu masala yuzasidan O‘zbekiston Respublikasi Oliy 
Majlisining Senatiga murojaat qildi. Senat Kengashning murojaatini javobsiz 
qoldirdi. Hokimning harakatlariga huquqiy baho bering.
Kengashning Oliy Majlis Senatiga murojaat qilishi to‘g‘rimi? Senatning 
harakati qonuniymi? Xalq deputatlari Kengashi bu masalani hal qilish uchun 
qayerga borishi kerak? Ushbu masala bo‘yicha qanday qaror qabul qilish kerak? 
 
 
 
 
 
 
 
 
 
 
 

---

Ushbu kazusni hal qilishdan oldin undagi muammoli vaziyatlarni aniqlab 
olsak, maqsadga muvofiq bo`ladi hamda kazusni tez va to`la hajmda ochishimiz 
mumkin. ular quyidagilar: 

Toshloq tumani hokimi o‘z qarori bilan tumanning ehtiyojlarini inobatga 
olgan holda hamda ishlab chiqarishni kengaytirish uchun “Agrokimyo” 
qo‘shma korxonasiga foydalanish uchun yer ajratishining huquqiy asosi 
bormi? 

Hokimning qarorida boshqa tadbirkorlar manfaatlarini buzganligi sababli, 
Toshloq tuman xalq deputat Kengashi ushbu qarorni tasdiqlamadi. Hokim 
Kengash qaroriga e’tibor bermaganligi va qo‘shma korxona hokim 
tomonidan ajratilgan yerdan foydalanishni davom ettirishi qanchalik 
huquqiy asosga ega? 

Mahalliy Kengash ushbu masala yuzasidan O‘zbekiston Respublikasi Oliy 
Majlisining Senatiga murojaat qilganligi va Senat Kengashning murojaatini 
javobsiz qoldirganligi to`g`rimi? 
Dastlabki masalaga to`xtaladigan bo`lsak, Toshloq tumani hokimi o‘z 
qarori bilan tumanning ehtiyojlarini inobatga olgan holda hamda ishlab chiqarishni 
kengaytirish uchun “Agrokimyo” qo‘shma korxonasiga foydalanish uchun yer 
ajratishining huquqiy asosi bormi? “Mahalliy davlat hokimiyati to`g`risida”gi 
Qonunning