|
Kartoshka
Kartoshka universal ovqat bo'lishdan tashqari (uni qovurish, dimlash, olovda toblab pishirish, qaynatish mumkin), o'z xususiyatlari ga ko'ra noyob sabzavot ham hisoblanadi. Har bir kartoshka mevasi tarkibida 20-25% kraxmal moddasi hamda inson organizmi mustaqil ravishda ishlab chiqara olmaydigan mineral tuzlar va aminokislotalar mavjud .
Xalq tabobati allaqachonoq kartoshkani kundalik davolovchi ozuqalar ro'yxatiga kiritgan - uni qon aylanishi, bosimi va buyragida muammolari bor kishilarga ko'proq tavsiya etishadi.
Kartoshkaning yangi olingan sharbati oshqozon yarasi kasalligida yordam beradi, u yarani tuzatish xususiyatiga ega. Shuningdek kartoshka shamollashda va tumovda qo'llaniladi. Esingizdami, bolaligimizda buvimiz yoki oyimiz bizni kartoshka po'sti qaynayotgan kastryulyaga yaqinlashtirib, nafas olishga majbur etardi. Shundan so'ng ertalabgacha tumovning izi ham qolmasdi.
Bundan trashqari, tanadagi kuygan yoki qadoq joylar tezroq tuzalishi uchun xom kartoshkaning yarmi o'sha yerga bog'lab qo'yiladi. Aytish joizki, bu televizorda reklama qilinayotgan surmadorilarga qaraganda tez va arzonga tushadi.
Xalq tabobatida kartoshkadan bavosil (ya'ni gemorroy) kasalligini davolashda ham foydalaniladi. Taxminiy hisob-kitoblarga ko'ra yer yuzidagi aholining 20% ushbu xastalikdan aziyat chekar ekan. Ertalablari xom kartoshkaning suvini ichish, uxlashga yotganda esa kartoshkadan tayyorlangan svechalarni (shamsimon dori) qo'yish tavsiya etiladi.
Ko'rish qobiliyatini yaxshilash uchun yangi unib chiqqan kartoshka niholi aroqqa solinib, nastoyka (bir osh qoshiqqa bir stakan aroq) tayyorlanadi. Bir choy qoshiqdan kuniga uch mahal qabul qilish tavsiya etiladi.
Oxirgi paytlarda dori-darmon narxlari oshib borayotgani bois, aholi o'rtasida xalq tabobati ommalashib ketmoqda. Axir ajdodlarimiz turli-tuman aspirin, koldreks va boshqa modaga aylangan dorilarni tushlarida ham ko'rishmagan. Shunga qaramasdan, tabiat insonga yashashi uchun barcha zarur narsalarni bergan deb hisoblab, giyohlar va sabzavotlar bilan davolanishgan.
Sarimsoq piyoz, piyoz, karam, kartoshka, sabzi, lavlagi - bularning barchasi ancha arzon va kuchli tabiiy dorilar hisoblanadi. Bundan tashqari, o'zlarining kimyoviy analoglariga qaraganda ular mutlaqo bezarar (albatta, ularni yetishtirishda kimyoviy dori qo'shilmaganlari). Xalq tabobati vositalari zamonaviy dorilardan hech narsada qolishmaydi.
Yagona farqi shundaki, ular tayyor holatda sotiladi. Agar oshqozon yarasini davolash uchun ikkita hapdorini yutishning o'zi kifoya bo'lsa, xuddi shu kasallikni yaxshi davolaydigan karam suvini siqib olishga to'g'ri keladi. Bu esa hatto o'z salomatligi uchun ham erinchoqlik qiladigan zamonaviy odamni vaqt va kuch ishlatishga majbur etadi.
Sabzi
Ikki yillik sabzavot, to'q sariq va sariq ildizmeva beradi. Yevropa, Osiyo, Shimoliy Afrika va Amerikada o'sadi.
O'tkir ko'zlar
Kaloriyaliligi - 31 kkal
Sabzining tarkibida uglevodlar, oqsil, karotin, B1, B2, B6, C, E, N, K, PP vitaminlari hamda kalsiy, temir, kaliy, mis moddalari mavjud . Qimmatli vitaminlar va mineral tuzlarning birikmasi tufayli anemiyaning oldini oladi va ko'rish qobiliyatini yaxshilaydi .Tillarang sabzavot
Boshqa sabzavotlarga qaraganda sabzida beta-karotin miqdori juda ko'p. Shu tufayli sabzini iste'mol qilish organizmning ultrabinafsha nurlarning zararli ta'siriga qarshiligini kuchaytiradi, teriga silliqlik va tiniqlik baxsh etadi. Birinchi sabzi qora rangda bo'lgan!
Sabzining vatani Osiyo. Qadim zamonlardan uni yunonlar va rimliklar davolash vositasi sifatida qo'llashgan. U paytlarda sabzi deyarli qora rangda bo'lgan. Mutatsiya natijasida esa uning hozirgi sariq navlari paydo bo'lgan. Faqat XVIII asrdagina fransuz bog'bonlarining sharofati bilan sabzi o'zining ishtahani ochadigan to'q sariq rangiga ega bo'ldi. Sabzidan bijuteriya?!
Angliyada qirolicha Yelizaveta I davrida sabzi gullari, barglari va ildizmevasidan ko'ylaklar va shlyapalarni bezash uchun foydalanilgan.
Do'stlaringiz bilan baham: |
