Ma’muriy huquq moduli doriasida tayyorlangan oraliq nazorat kazuslari Barcha kazuslar uchun muhim ma’lumotlar

Savollar.

1. 
   Pensiya tayinlash uchun qanday zaruriy hujjatlar taqdim etilishi kerak?
   
2. 
   14.07.2000-yildan 23.12.2006-yilgacha bo’lgan davr mobaynida ishlaganligi asossiz ravishda ishstajiga qo`shilmaganlini qonuniy asosga egami?
   
3. 
   Ma’muriy tartib taomillar to’g’risidagi qonunga muvofiq qanday harakatlar amalga oshirilmagan?
   
4. 
   Ma’muriy tartib taomillar to’g’risidagi qonunda ko’ra fuqarolarning shikoyat qilish muddati qancha va qanday tartibda amalga oshiriladi?
   

1-muammoga to’xtaladigan bo’lsak:
VMQ “davlat pensiyalarini tayinlash va to‘lash tartibini yanada takomillashtirishga yo‘naltirilgan normativ-huquqiy hujjatlarni tasdiqlash to‘g‘risida” 252-son qarorining 12-bandiga ko’ra yoshga doir pensiya tayinlash uchun murojaat qilgan fuqaroning arizasi bilan birga

• 
  ish stajini, shu jumladan maxsus ish stajini tasdiqlaydigan hujjat;
  
• 
  ish haqi to‘g‘risidagi ma’lumotnomasi taqdim qilinadi.
  

Agar zarur bo’lsa qonunga muvofiq boshqa hujjatlar ham taqdim qilinishi mumkun.
Yuqoridagi muommoda fuqaro tomonidan barcha hujjatlar taqdim qilingan, shuningdek 2000-2006-yillar mobaynida ishlaganligini isbotlash uchun hattoki guvohlar ham keltirilgan. Shu o’rinda aytib o’tishimiz mumkunki, yuqoridagi qonunning 11-bandiga ko’ra agar Pensiya jamg’armasi ariza beruvchi tomonidan taqdim etilgan hujjatlarning asoslanganligi va ishonchliligi uchun shubha paydo bo‘lgan taqdirda Pensiya jamg‘armasi bo‘limi pensiya tayinlash uchun taqdim etilgan hujjatlarni tekshirish to‘g‘risida qaror chiqarishi mumkin.
Demak, fuqaro tomonidan barcha kerakli hujjatlar taqdim qilingan va agar davlat organi buncha ishonchsizlik bildirsa ushbu ma’lumotlarni o’zi tekshirishi zarur edi.
2-muammoga to’xtaladigan bo’lsak:
O’zbekiston Respublikasining “Davlat pensiya ta’minoti to’g’risida”gi qonunining 42-moddasiga ko’ra, ish stajini tasdiqlash jarayonida 2005-yil 1-yanvardan avvalgi davrlar uchun ish staji shaxsning mehnat daftarchasidagi (elektron mehnat daftarchasidagi) mavjud yozuvlar asosida, tasdiqlovchi hujjatlar talab etilmasdan belgilanadi. Demak, ushbu asoslovchi hujjatga ko’ra, fuqaro Yunusov Olimjon tomonidan 2000-yildan 2006-yilgacha ishlaganligi to’g’risida mehnat daftarchasiga yozuvlar kiritilganligini asos qilib olingan hujjat qonuniy asosga ega hisoblanadi. Sababi 2005-yil 1-yanvardan oldingi davrda ishlagan fuqarolardan tasdiqlovchi hujjatlar talab qilinmaydi. Bundan kelib chiqadiki, pensiya tayinlash uchun ariza berish mobaynida fuqaro Yunusov ushbu yillar uchun faqatgina mehnat daftarchasidagi yozuvlarni taqdim etishi yetarli bo’ladi.
Shu bilan birga O’zbeksiton Respublikasi Mehnat kodeksining 81-moddasida ham yuqoridagi normani mustahkamlovchi norma o’rin olgan.