Маъмурий ва жиноят суд ишларини юритиш

Савол: 
1. Бу ҳолатда уй қонуний сотилганми? 
2. К.га уйни қайтариш имконияти борми? 
3. Неча йил уйга ҳамма кўз ўнгида қараганда уй сизники 
ҳисобланади? 
67.
Комилов Ю. ва Хўжаева Г. қонуний никоҳдан ўтишди. Комилов Ю. 2 
йилга озодликдан маҳрум этилгач унинг номидаги уйни хотини сотиб, 
Комилов Ю. билан ажрашди. Бу ҳақда у хабардор қилинмаган эди. 4 йилдан 
кейин К. амнистия акти билан озодликка чиқди. 
Савол: 
1. Комилов Ю. уйнинг неча фоизини қайтариши мумкин?
2. Шартнома ҳақиқий ҳисобланадими? 
 
68.
Фуқаро Хамидова М. “Бешкапа” фуқаролар йиғини раиси устидан 
шикоят билан Денов туманлараро фуқаролик ишлари бўйича судига 
мурожаат қилади. Ўз шикоятида фуқаролик йиғини раисига нотариал 
ҳаракатларни амалга ошириш ваколати берилганлигига қарамай, туғилганлик 
тўғрисидаги гувоҳномаси йўқолганлиги туфайли унинг шу ерда туғилганлиги 
ва яшаётганлиги ҳақидаги маълумотномани бермаётганлигини, ушбу иш 
судга тааллуқли эканлигини важ қилиб ушбу ҳаракатни амалга оширишни 
рад этаётганлигини билдиради. 
Савол: 
1. Фуқаро Хамидова М. қандай йўл тутиши керак? 
2. Судга фуқаролар йиғини раиси устидан шикоят билан мурожаат 
қилиш мумкинми? 
69.
Қуйидаги ишлар фуқаролик суд ишларини юритишнинг қайси турига 
мансуб: 
а) оталикка эътироз билдириш тўғрисидаги ишлар;
б) ишончномани тасдиқлашни рад этиш тўғрисидаги ишлар;

---

46 
в) корхона (ташкилот, муассаса) касаба уюшмаси раиси хатти-
ҳаракатлари устидан берилган аризалар; 
г) меросга доир гувоҳномани ҳақиқий эмас деб топиш тўғрисидаги иш 
юзасидан нотариуснинг хатти-ҳаракатлари устидан берилган шикоятлар; 
д) “Иссиқсувтаъминот” корхонаси раҳбари хатти-ҳаракатлари устидан 
берилган шикоятлар. 
70.
Фуқаро Холдоров М. ўзининг ота миллати тожик бўлганлиги учун 
она миллати ўзбек миллатини олиш мақсадида паспортига ўзгаришлар 
киритиш учун туман ИИБ паспорт бўлимига мурожаат қилади. Паспорт 
бўлими буни рад этиб, аввал ФҲДЁ органига мурожаат қилиш лозимлигини 
тушунтиради. ФҲДЁ органи эса она миллатига ўтиш мумкин эмаслигини 
кўрсатиб, иш судга тааллуқлилигини маълум қилади.