Маъмурий ва жиноят суд ишларини юритиш

Суднинг қарори тўғрими? 
16.
Аҳроров дўсти, эстрада хонандаси – Комилов билан 
хизматдошларини чақириб, унинг қўшиқларини уй шароитида эшитиш 
тўғрисида келишиб олди. Аммо белгиланган муддатга бир соат қолганда 

---

27 
Комилов Аҳроровга телефон қилиб, боролмаслигини уйда ўтириб футбол 
матчини томоша қилишини айтди. 
Ахроров Комилов томонидан барбод қилинган учрашувга тайёргарлик 
кўриб, қилган харажатлари (сотиб олингач озиқ-овқатлар ва ичимликлар 
ҳақи)ни ва етказилган маънавий зарарни тўлашни ундан талаб қилди. 
Аҳроровнинг Комиловга нисбатан бундай талаб қўйишига ҳуқуқий 
асос борми? 
17.
Икки ёнма-ён жойлашган дала ҳовли эгалари, ўз ер участкаларида 
баҳорги ва кузги тозалаш ишларини навбатма-навбат ўтказишни келишиб 
олишди. Айни пайтда, Файзиевнинг участкаси Сафаровнинг участкасидан 
икки баравар катта эканлигини ҳисобга олиб, Сафаров томонидан 
ўтказиладиган тозалаш учун, Файзиев энг кам иш ҳақи миқдорида ҳақ 
тўлаши лозимлиги ҳақида ҳам келишиб олишди. 
Дастлабки тозалов ишларини Файзиев амалга оширди, лекин Сафаров ўз 
мажбуриятини бажарганда, Файзиев ҳақ тўлашдан бош тортди ва 
ўрталаридаги шартнома маиший характерда бўлиб, юридик кучга эга 
эмаслигини айтиб ўтди. 
Файзиевнинг фикрлари асослими? 
18
. Лола Қўзиева уйига эгасиз итни олиб келди. “Қоплон” лақабини 
олган ит Қўзиевларникида бир ойлар яшади. Бир куни Лоланинг отаси 
“Қоплан”га ўхшаш белгилари тасвир этилган итнинг йўқолганлиги 
тўғрисидаги эълонни ўқиб қолди. “Қоплон”нинг эгаси итни қайтариб берган 
кишига катта мукофот бериши ваъда қилинган эди. Лола “Қоплон”га ўрганиб 
қолган бўлса-да, уни эгасига қайтаришга мажбур эканлигини тушунди. Отаси 
Лолага ваъда қилган мукофотга қишки оёқ кийим олиб беришини айтди. 
Фуқаро Жўраев “Қоплон”ни ўз ити эканлигини тан олди, аммо ваъда 
қилинган мукофотни беришдан бош тортди. Таниш юрист Жўраевга 
мукофотни бермасликни, чунки Ўзбекистон қонунчилигига кўра ашёни 
йўқотган мулкдор уни топиб олган шахсга фақат ашёни сақлаб туриш ва 
олиб келиб бериш учун кетган харажатларнигина тўлашлигини айтган.