Маъмурий ва жиноят суд ишларини юритиш

амалга ошира оладилар? Судчи? 
58.
Кўп қаватли бинолардан бирида яшовчи даъвогар Умаров А. 
жавобгар Шерзодова М.га нисбатан уй-жойга етказилган зарарни ундириш 
тўғрисида судга мурожаат қилади. Бир неча марта суддан чақирув қоғози 
олганига қарамай, жавобгар Шерзодова М. хизмат командировкаларини 
баҳона қилиб, суд мажлисига келмайди. Судья даъвогарнинг розилиги билан 
суд мажлисини очиқ деб эълон қилиб, ишни кўра бошлайди. Даъвогар суд 
мажлисида уй-жойга етказилган зарар даъво аризаси бераёттанда нотўғри 
ҳисобланганлигини, кейинчалик уйни таъмирлаш давомида зарарнинг аниқ 
қиймати чиққанлигини, даъво қиймати 400 минг эмас, балки 700 минг сўм 
эканлигини кўрсатади. Суд даъвогар ва гувоҳларнинг кўрсатувларини 
тинглаб, уй-жой ширкат хўжалиги техник ходимининг хулосасини эшитиб, 
маҳалла қўмитасидан берилган маълумотномани кўриб чиқиб, иш бўйича 
сиртдан ҳал қилув қарори чиқариб, унда жавобгардан даъвогар фойдасига 
700 минг сўм ундириб бериш тўғрисида кўрсатиб ўтилади. 
Савол:
1. Суд мажлисида процессуал нормалар бузилганми? 
2. Сиртдан иш кўришда айнан қайси процессуал ҳаракатлар амалга 
оширилиши мумкин эмас? 
59.
Миробод туманлараро фуқаролик ишлари бўйича судига даъвогар 
Фахриддинова Г. даъво қўзғатиб, унинг турмуш ўртоғи жавобгар Шодиев Б. 
бутун ҳаёти давомида уни алдаб келганлигини, аслида у ўзи ишлаб юрган 
жойдаги котиба аёл билан доимий бирга бўлганлигини, яқинда янги йил 
байрами муносабати билан уюштирилган кечада у буни исботлаганлигини, 

---

42 
бу ҳақда у турмуш ўртоғига айтганида, “ажрашсанг ажрашавер” – деганини 
ва охири ўртада икки нафар фарзандлари борлигига қарамасдан ажрашишга 
қарор қилганлигини таъкидлайди. Шунингдек, даъвогар ўз даъво аризасида 
никоҳдан ажралиш тўғрисидаги даъво талаби билан биргаликда вояга 
етмаган фарзандларига нисбатан алимент ундириш ва ўрталаридаги мол-
мулкни бўлиш ҳақидаги талабларни ҳам ҳал қилинишини кўрсатиб ўтади. 
Судга чақирилган жавобгар Шодиев Б.нинг никоҳдан ажралиш мақсади 
йўқлигини, юқоридаги ҳолатларнинг ҳаммаси фақат шубҳа-гумонлар остида 
эканлигини, унинг оилани сақлаб қолиш ҳақидаги илтимосини инобатга 
олиб, суд никоҳдан ажратиш тўғрисидаги даъво талабини рад этади.