Маъмурий ва жиноят суд ишларини юритиш

кредит 
шартномасидаги мажбуриятларини бажаришини таъминлай оладими? 
2. Банк мижоз билан кредит ўз вақтида қайтарилмаганда 
суғурталанувчини четлаб ўтиб, суғурта мукофотини ўзи олиши 
тўғрисидаги ҳамма ҳолатларни кўзда тутувчи суғурта шартномаси 
ҳақида келишиши мумкинми? 
3. Банкнинг манфаатларини ифодаловчи суғурта шартномаси, 
кредит шартномаси мажбуриятларининг бажарилишини таъминлаши 
мумкинми? 
21.
Жанубий шаҳарлардан бирига экспедиция иши учун хизмат сафарига 
юборилган Болиев экспедиция яқинида жойлашган уй бекаси билан унинг 
уйида ўз оиласи (хотини ва кичкина ўғилчаси) билан уч ой яшаш тўғрисида 
келишди. Яшаш учун ҳақни Болиев бир йўлга тўлади, уй бекаси олган 
закалат суммасини кўрсатиб тилхат берди. 
Бир неча кундан кейин Болиевнинг оиласи келганда, уй бекаси уларга 
яшаш учун жой беришдан бош тортиб, набираси келишини ва уни 

---

29 
кутаётганлигини айтади. Тилхат бўйича олган суммасини у Болиевга 
қайтаради. Бироқ Болиев уй бекасидан олинган суммани икки баравар қилиб 
қайтаришини талаб қилади, чунки у закалат тариқасида берилган эди. Бундан 
ташқари у оиласининг кўчиб бориши билан кетган харажатларни тўлашни 
талаб қилади. Талаб этилган суммани ололмагач, Болиев судга мурожаат 
қилади. 
Суд қандай қарор чиқаради? 
22.
Қосимов банкка қарз олишни сўраб мурожаат қилиб, уни ўзига 
тегишли уй ва уй атрофидаги ер участкасини гаровга қўйиб олди. Томонлар 
ўртасида иккита шартнома-кредит шартномаси ва гаров тўғрисидаги 
шартнома имзоланди. 
Бир оз вақт ўтгач, Қосимовга гаров тўғрисидаги шартномани уй ва ерни 
олди-сотди шартномаси билан алмаштириш тўғрисида таклиф қилишди. 
Бундай алмаштириш мақсадга мувофиқлигини банкнинг вакили уй ва ер 
гаровини расмийлаштириш иккита иш бўлиб, кредит қайтарилмаган ҳолатда 
суднинг уларни сотиш ҳақидаги қарорини олиш ҳам икки маротаба 
расмийлаштирилишини талаб этади. Бу ҳол катта ташвиш ва харажатларни 
келтириб чиқаради. Кредит шартномаси билан бирга уй олди-сотди 
шартномасининг тузилиши банкка анча маъқул бўлиб, Қосимовнинг 
манфааатларини эса, қарзини ўз вақтида қайтарса, шартномада уйни унга 
қайтариб сотиш тўғрисидаги банкнинг мажбурияти шартини киритиш билан 
кафолатланади. 
Қосимов юристга мурожаат қилиб, кўчмас мулкни гаровга қўйиш 
мажбуриятларини бажариш усули бўлиши мумкинми ёки йўқлиги тўғрисида 
тушунча беришни сўрайди.