Маъмурий ва жиноят суд ишларини юритиш

Аканинг гапларини суд инобатга оладими? Одат ҳуқуқи нормалари 
қандай шартларга кўра, Фуқаролик ҳуқуқининг манбаи бўла олади? 
2.
Касб-ҳунар лицейи ўқувчиси Қодиров 200.000 сўмлик магнитофонни 
кредитга олди. Қодиров 16 ёшда, ҳар ойда 30.000 сўм стипендия олар эди. 
Қодировнинг отаси бу шартнома унинг розилигисиз тузилганлигини назарда 
тутиб, уни ҳақиқий эмас деб топишни сўраб судга мурожаат қилди. 
Даъво қаноатлантириладими? 

---

23 
3.
“Кўҳинур” АЖ акциядори Эргашев ўз қўлида АЖ акцияларининг 25 
фоизини тўплади ва АЖнинг бошқа акциядорлари акцияларини ҳам сотиб 
олишга ҳаракат қилиб, уларга юқори нархлар таклиф қилди. Бу ҳолатда 
“Кўҳинур” АЖ муассислари ва раҳбарлари бефарқ қараб турмади, улар 
бундан буён ҳар бир акциядор ўз акцияларини АЖ умумий йиғилишининг 
розилигисиз сотиши мумкин эмас, деб қарор чиқарди.
Қарор қонунийми? АЖнинг турлари ва улардаги акциялар 
муомаласи ҳақида гапириб беринг. 
4.
Очилов Махмудовга фотоаппарат сотди. Фотоаппаратни қутичага 
солиб Махмудовга топширган эди. Махмудов уйига келиб қутичагани очса, 
фотоаппаратнинг ғилофи йўқ экан. У фотоаппаратнинг ғилофини сўраганда, 
Очилов ғилоф ўзига кераклиги, фотоаппаратни сотаётганида унинг нархини 
қўшмаганлигини айтди. 
Кўрсатилган сабаблар Махмудовнинг талабини рад қилишга асос 
бўладими? 
 
5.
Ботиров ўгай укаси Қодировнинг “Nexia” русумли автомашинасини 
сотмоқчи бўлганлигини эшитиб, автомашинани бозор нархида сотиб 
олишини билдирди. Лекин ака-укалар битимни расмийлаштиришда 
тўланадиган тўлов (бож) дан қочиб ҳадя шартномаси тариқасида битимни 
расмийлаштиришмоқчи бўлишди. Шу билан бирга қариндошига автомашина 
ҳадясини расмийлаштириш осон бўлишини ҳам ҳисобга олишди. Ҳадя 
шартномаси нотариал идорада гувоҳлантирилди, Ботиров эса уч ой ичида 
укасига 250.000 сўм топшириш мажбуриятини олди. 
Қодировнинг жиноий жавобгарликка тортилиши муносабати билан 
унинг мол-мулки мусодара қилинди ва у акасига машинани ҳадя қилмай, 
сотганлиги аниқланди. 
Прокурорнинг 
даъвосига 
кўра, 
суд 
Қодировнинг 
Ботировга 
автомашинани ҳадя қилганлигини ҳақиқий эмас деб топиб, машина ва 
250.000 сўм пулни давлат даромадига ўтказиш тўғрисида қарор чиқарди. Бу 
қарор устидан кассацион шикоятида Ботиров укаси билан бўлган олди-сотди 
битимида ҳеч қандай қонунга зид ҳаракат йўқлигини таъкидлади.