Маъмурий ва жиноят суд ишларини юритиш

Савол: 
1. Ишни кўриб чиқишда даъво муддати ўтиб кетмаганми? 
2. Ишни бир ярим ой ичида кассация иши кўриб чиқилиши 
тўғрими? 
3. Далиллар нотўғри баҳоланса, суд таркиби қандай ҳал қилинади? 
73.
Фуқаролик ишлари бўйича Сурхондарё вилоят суди Раёсатининг 
мажлиси бўлиб, Раислик этувчи вилоят судининг раиси Тогаев Х.А., Раёсат 
аъзолари Э.Гаффоров, Д.Тураевлардан иборат таркибда, М.Назаровнинг 
котиблигида, Фуқаролик ишлари бўйича Термиз туманлараро судининг 
27.02.2002 йилдаги даъвогар Термиз хокимиятининг жавобгари М.А., М.Р. ва 
М.Х.га нисбатан “Турар-жойни қаровсиз қолганлиги ва турар жойдан 
фойдаланиш ҳуқуқини йўқотган деб топиш ҳамда М.А.ни оила аъзолари 
билан уйдан чиқариш ҳақида”ги фуқаролик иши бўйича чиқарган ҳал қилув 
қарори юзасидан Сурхондарё вилоят прокурорининг назорат тартибида 
келтирган протести кўрилган. 
Фуқаролик ишлари бўйича Термиз туманлараро суди даъвогар Термиз 
шаҳар ҳакимининг жавобгари М.А., М.Х. ва М.Р.ларга нисбатан “Турар-
жойни қаровсиз қолганлиги ва турар-жойдан фойдаланиш ҳуқуқини йўқотган 
деб топиш ҳамда М.А.ни оила аъзолари билан уйдан чиқариш ҳақида”ги 
фуқаролик ишини 2002 йил 27 февраль куни суд мажлисида кўриб чиқиб, 
даъвогарнинг даъвосини қаноатлантириб, жавобгар М.Р. Термиз шаҳар 
Ю.Ражабий кўчаси 24-уйни 8-хонасига нисбатан уй-жойдан фойдаланиш 
ҳуқуқини йўқотган деб топиш, жавобгарлар М.А. ва Х.М.ларни низоли уйдан 
мажбурий тартибда чиқариш тўғрисида ҳал қилув қарори чиқарган. 

---

48 
Ушбу фуқаролик иши апелляция ва кассация инстанцияси судида 
кўрилмаган. 
Суднинг ҳал қилув қарори юзасидан Сурхондарё вилоят прокурори 
томонидан вилоят суди Раёсатига назорат тартибида протест келтириб, унда 
суд ишни кўришда ФПКнинг 15-моддаси талабларига риоя қилмаганлигини, 
жавобгарларни судга чақириб сўраш чорасини кўрмасдан, уларни судга 
қатнашди деб сохта ҳужжатлар расмийлаштирилганлигини билдириб, 
суднинг ҳал қилув қарорини бекор қилиб, даъвогарнинг даъвосини рад этиш 
тўғрисида янги ҳал қилув қарори қабул қилишни сўраган. 
Раёсат иш бўйича вилоят судининг судьяси Д.Тўраевнинг маърузасини 
Сурхондарё вилоят прокурори Б.Г.Нурмухамедовнинг протестини қувватлаб 
берган фикрини тинглаб, суднинг ҳал қилув қарорини бекор қилиб, ишни 
янгидан бошқа суд таркибида кўриш учун юборишни лозим деб топди.