Маълумотлар омбори ва уни бошкариш тизими хакида умумий тушунчалар

12 – Mavzu. Ma`lumotlar bazasini yaratish

Reja:

1. 
   Ma`lumotlar bazasini yaratish.
   
2. 
   Jadvallar yaratish.
   
3. 
   Tasavvurlarni yaratish.
   

12.1. Ma`lumotlar bazasini yaratish
Nomlar. MB dagi har bir ob`ektga takrorlanmas nom beriladi. Nomlar SQL operatorlarida ishlatiladi va operatoruf MB dagi qaysi ob`ekt ustida amallar bajarishi lozimligini ko`rsatadi. ANSI/ISO standartida jadvallar, ustunlar va foydalanuvchilar nomga ega bo`lishi belgilangan. Ko`pgina SQL ni qo`llab quvvatlovchi MBBT larida “birlamchi kalit—ikkilamchi kalit” munosabatlari, protseduralar, funktsiyalar va triggerlar kabi ob`ektlar ham nomlanadi.
Jadval nomlari. Agarda operatorlarda jadval nomi ko`rsatilgan bo`lsa, SQL operatorlar orqali ko`rsatilgan jadvalga murojaat qiladi. Boshqa foydalanuvchilar tomonidan aniqlangan jadvalga murojaat qilish uchun jadvalning to`liq nomidan foydalanish kerak bo`ladi. To`liq nom egasining nomi va nuqta bilan ajratilgan jadval nomidan tashkil topadi. Masalan, SAM nomli foydalanuvchining BIRTHDAYS jadvali to`liq nomi quyidagicha yoziladi.
SAM.BIRTHDAYS
Jadvalni to`liq nomidan, SQL ni barcha operatorlarida, uning oddiy nomi o`rnida foydalanish mumkin.
Ustun nomlari. Agarda operatorga ustun nomi berilsa, SQL bu operatorda ko`rsatilgan jadvallarning qaysi birida, ushbu ustun mavjudligini o`zi aniqlaydi. Agarda operatorda turli jadvallarning bir xil nomdagi ikkita ustuni ishlatilsa, u holda bu ustunlarni to`liq nomidan foydalanishimizga to`g`ri keladi. Ustunning to`liq nomi nuqta bilan ajratilgan ustunni o`zida saqlovchi jadval nomi va ustun nomi(oddiy nomi)dan iborat. Masalan, SALESREPS jadvalining SALES ustuni to`liq nomi quyidagicha aniqlanadi: SALESREPS.SALES.
Ma`lumotlar tipi. Relyatsion MB da har bir ma`lumot tipiga muvofiq saqlanadi. ANSI/ISO SQL1 va SQL2 standartlarida berilgan tiplar ro`yxati quyida keltirilgan.
13.1.1-jadval