Ma’lumotlar bazasini ochish

Ma’lumotlar bazasini ochish.

MB ni ochishning ikki usuli mavjud, ya’ni uni Access MBBS­ ni ishga tushirish jarayonida yoki u bilan ishlash jarayonida ochish mumkin.

MB ni Access dasturi bilan ishlash jarayonida ochish uchun «Файл» menyusidan «Открыть» (Ochish) buyrug’i tanlanadi. Shundan so’ng ochilgan oynadan foydalanib, quyidagi ishlar bajariladi:

1. Adreslar panelida yorliq ustida sichqoncha belgisini joylashtirib tugmacha bosiladi yoki «Папка» (Jild) maydonida kerakli MB joylashgan disk yoki jild tanlanadi;

2. Jildlar ruyxatida kerakli jild ustida ikki marta sichqoncha tugmachasi bosiladi va MB joylashgan jild ochiladi;

3.Agar kerakli MB topish imkoni bo’lmasa «Сервис» tugmachasi bosiladi va «Найти» (Topish) buyrug’i tanlanadi;

4. «Найти» (Topish) muloqot oynasida izlash uchun qo’shimcha shartlar kiritiladi, so’ngra kerakli parametr ustida sichqoncha tugmachasi bosiladi;

5. MB ni faqat o’qish, ya’ni tahrirlamasdan ko’rib chiqish uchun ochganda «Открыть» (Ochish) tugmachasi yonidagi strelkali tugmacha bosiladi va «Открыть для чтения» (O’qish uchun ochish) varianti tanlanadi;

6.Access MBBS i ishga tushirilganda ekranda muloqot oynasi paydo bo’ladi;

7. Muloqot oynasidan «Открыть базу данных» (MB ni ochish) bo’limi tanlanadi va taklif etilayotgan barcha mavjud MB ruyxatidan kerakli MB si sichqoncha tugmachasini MB ning yozuvi va nomi ustida bosish bilan ochiladi.

MB ni mustaqil ravishda yaratilganda u bo’sh bo’ladi. Uning ob’ektlarini foydalanuvchining o’zi yaratishiga to’g’ri keladi. Quyida biz MB ob’ektlaridan jadval, so’rov, shakl va hisobotlar yaratishni ko’rib chiqamiz.

. Jadvallar yaratish

Bo’sh jadval yaratish.

Microsoft Access dasturi yordamida bo’sh jadvalni yaratishning quyidagi usullari mavjud:

-MB ni to’laligicha yaratadagan MB ning ustasini kullash. Bunday usta yangi bazani yaratadi, xolos. Uning yordamida MB ga yangi jadval, shakl­ yoki hisobotlarni qo’shib bo’lmaydi;

-Jadvallar ustasi oldindan aniqlangan jadvallardan yaratilayotgan jadval uchun maydonni tanlash imkonini beradi;

-Jadval holatida ma’lumotlarni bevosita bo’sh jadvalga kiritish;

-Konstruktor holatida jadval maketining barcha parametrlarini aniqlash.

Jadval yaratishda ishlatilgan usulning turidan kat’i nazar, xar doim jadval maketini o’zgartirish, masalan, yangi maydonlar kushish, qiymatlarini urnatish va boshka­larni bajarish uchun «Конструктор» holatini qo’ullash imkoniyati mavjud.

Jadvallar ustasi yordamida jadval yaratish

Buning uchun quyidagi algoritmdan foydalaniladi:

1. MB oynasiga o’tish. Bir oynadan ikkinchi oynaga o’tish uchun F11 tugmachasi bosiladi;

2.«Таблица» (Jadval) ilovasida «Создать» (Yaratish) tugmachasi bosiladi;

3.«Мастер таблиц» (Jadvallar ustasi) elementida sichqoncha tugmachasi ikki marta bosiladi, natijada ekranda muloqot oynasi hosil bo’ladi;

4.Jadvallar ustasining muloqot oynasidagi ko’rsatmalarga rioya qilish.

Jadvalga ma’lumotlarni kiritish yo’li bilan jadvalnihxosil qilish.

Buning uchun quyidagi algoritm bajariladi:

1.MB oynasiga o’tiladi;

2.«Таблица» (Jadval) ilovasida «Создать» (Yaratish) tugmachasi bosiladi;

3.«Режим таблиц» (Jadval holati) elementida sichqoncha tugmachasi ikki marta bosiladi. Natijada ekranda 20 ta ustun va 30 ta satrdan iborat bo’sh jadval hosil bo’ladi. Alohida ko’rsatma berilmasa, ustunlar «Поле1», «Поле2» va hokazo nomlarini oladi;

4. Har bir ustun nomini o’zgartirish uchun uning oldingi nomi ustida sichqoncha tugmachasi ikki marta bosiladi, yangi nom ularga qo’yiladigan barcha talablarga rioya qilgan holda kiritiladi va «Enter» tugmachasi bosiladi;

5. Agar jadval 20 tadan ortiq ustunga ega bo’lsa, yangi ustunlarni qo’shish mumkin. Buning uchun yangi ustun qo’yilishi kerak bo’lgan joyning chap tomonidagi ustunning o’ng tomonida sichqoncha tugmachasi bosiladi va «Вставка» (Qo’yish) menyusida «Столбец» (Ustun) buyrug’i tanlanadi;

6. Ma’lumotlarni jadvalga kiritish. Bunda har bir ustunga ma’lum turdagi ma’lumotlarni kiritiladi;

7. Barcha ustunlarga ma’lumotlarni kiritib bo’lgandan so’ng, «Сохранить» (Saqlash) tugmachasi bosiladi.

Konstruktor holatida jadvalni tez yaratish.

Ushbu usulda jadvalni yaratish tartibi quyidagicha amalga oshiriladi:

1. MB oynasiga o’tiladi;

2. «Таблица» (Jadval) ilovasida «Создать» (Yaratish) tugmachasi bosiladi;

3. Konstruktor elementida sichqoncha tugmachasi ikki marta bosiladi;

4. Jadvalda har bir maydon aniqlanadi;

5. Kalit maydonlar aniqlanadi;

6. Uskunalar panelidagi «Сохранить» (Saqlash) tugmachasi bosilib, so’ngra jadval nomi kiritiladi.

So’rovlar yaratish.

Amaliyotda dastlabki yaratilgan jadvaldan yozuvlarning bir kismini (ma’lum mezonlar buyicha) tanlab olish va tartiblash zarurati paydo bo’ladi. Tanlash mezonlari bir kator shartlar majmuasi bilan aniklanadi.