Ma’lumot uchun

Koronavirusning “omicron” shtammi bilan kasallangan bolalarda “noodatiy” toshma paydo bo‘lishi mumkin. Bu haqda britaniyalik shifokor Devid Lloyd “Sky News” telekanaliga bergan intervyusida aytib o‘tdi.
Mutaxassisning ta’kidlshicha, “omicron” bilan kasallangan bolalarda kattalarga nisbatan simptomlarda ba’zi farqlar mavjud. 
“Charchoq, bosh og‘rig‘i va ishtahani yo‘qotish kabi narsalar juda muhimdek ko‘rinadi, xuddi toshma kabi”, degan u.
Lloydning ta’kidlashicha, COVID-19 bilan kasallangan bemorlarning kichik guruhida doimo toshmalar bo‘lgan, ammo uning so‘zlariga ko‘ra, “omicron”ga chalingan 15 foizigacha bolalarda toshma, g‘ayrioddiy toshma paydo bo‘ladi”.
Lloydning qo‘shimcha qilishicha, shifokorlar asta-sekin virusning ushbu shtammi haqida ko‘proq ma’lumotga ega bo‘lmoqda. 
“Umid qilamizki, bu variant “delta” kabi halokatli emas va biz bunga dosh bera olamiz. Lekin vaziyat xavotirli”, deya xulosa qilgan mutaxassis.
Eslatib o‘tamiz, koronavirusning yangi B.1.1.529 shtammi ilk bor Botsvanada 11 noyabr kuni aniqlangan edi. Shundan so‘ng JAR, Gonkong va boshqa davlatlarga tarqaldi. Bugungi kunda “omicron” 27 ta davlat hududida aniqlangan.
Uning asosiy xususiyati – o‘ta yuqumli va insonning kasal bo‘lib tuzalish va vaksinalash orqali orttirgan immunitetiga chap berib o‘ta oladi. JSST yangi shtammni “xavotirli” deb tan olib unga grek alifbosining 15-harfi – “omicron” nomini bergan edi.
Avvalroq Janubiy Koreyada yashovchi O‘zbekiston fuqarosi va uning oila a’zolari koronavirusning "omicron" shtammiga chalingani haqida xabar bergan edik. So‘nggi ma’lumotlarga ko‘ra, "omicron" Rossiyaga ham kirib keldi.
Ma’lumot uchun, Amerikaning Johnson & Johnson (J&J) kompaniyasi “omicron”ga qarshi vaksina yaratish ustida ish boshlagani haqida xabar bergan edik.
«Omikron» shtammining dastlabki bosqichida paydo sakkizta belgisi maʼlum boʻldi. Eʼtiborli jihati, ular xuddi shamollash yoki gripp alomatlariga oʻxshaydi. Shu bois bu ehtiyotkorlikni talab etadi. Bu haqda «The Sun» gazetasi Janubiy Afrika Respublikasi, Buyuk Britaniya va AQSH shifokorlariga tayanib yozmoqda.
Mutaxassislarga koʻra, ushbu shtammning alomatlari organizmda uni yuqtirgandan keyin ikkinchi kunda paydo boʻladi va taxminan besh kun davom etishi mumkin. Demak, Janubiy Afrika Respublikasi, Buyuk Britaniya va Amerika Qoʻshma Shtatlari shifokorlariga koʻra, tomoq ogʻrigʻi, bel ogʻrigʻi, burun oqishi yoki bitishi, bosh ogʻrigʻi, charchoq, aksirish, terlash va tana ogʻrigʻi ushbu shtammga oid ilk belgilar hisoblanadi.
Taʼkidlanishicha, mazkur alomatlar “COVID-19”ning anʼanaviy belgilariga qaraganda kamroq seziladi. Chunki ular shamollash yoki gripp simptomlariga juda oʻxshaydi. Shu bois mutaxassislar shunday holatda eʼtiborsiz boʻlmaslikni va oʻz vaqtida shifokor bilan maslahatlashish kerakligini uqtirmoqda. 
“Oʻzingizni infeksiyadan himoya qilishning eng yaxshi usuli bu — vaksina olishdir” deyishmoqda mutaxassislar.
AQSH va Yaponiya olimlariga koʻra, «Omikron» boshqa shtammlarga qaraganda oʻpkaga kamroq taʼsir qilishi bois mazkur mutatsiyada kasallikning ogʻir oʻtishi kam kuzatilishi mumkin. Tajribalarda mazkur shtamm asosan yuqori nafas yoʻllarini zararlashi aniqlangan.
JSST Janubiy Afrikada aniqlangan koronavirusning B.1.1.529 shtammini «xavotirli variant» deb tasnifladi. Tashkilot unga Omikron deb nom berib, uni virusning boshqa shakllariga qaraganda tezroq tarqalishi mumkinligini qayd etdi. 27 noyabr holatiga virusning yangi shtammi 100 ta holatda qayd etilgan.
Кириллчада27 noyabr 2021, 15:52 Koronavirus
Jahon sog‘liqni saqlash tashkiloti (JSST) Janubiy Afrikada aniqlangan