Ma’lumki, suv kuchsiz elektrolit, aniqrog‘i kuchsiz amfolitdir. Suv molekulasi oz miqdorda boʻlsada, quyidagi tenglama boʻyicha dissotsiyalanadi

Eruvchanlik ko‘paytmasi. Ma’lumki, qattiq moddalarning erish jarayonida to‘yingan eritma hosil bo‘lishida eruvchi modda bilan uning eritmadagi molekulalari o‘rtasida muvozanat vujudga keladi. Elektrolitlar eriganda eritmaga molekulalar emas, balki ionlar o‘tadi. Masalan, tuzning to‘yingan eritmasida tuz kristallari bilan eritmaga o‘tgan ionlar o‘rtasida muvozanat vujudga keladi. Kam eriydigan bariy sulfat BaSO4 ning to‘yingan eritmasidaquyidagimuvozanatholati vujudga keladi:

BaSO₄⮀ Ba²⁺+ SO₄^2–

Bu jarayonning muvozanat konstantasi quyidagi ko‘rinishga ega bo‘ladi:

[Ba²⁺][SO₄^2–]

K_muv.= ————————[BaSO₄]

yoki

K_muv.·[BaSO₄]=[Ba²⁺][SO₄^2–]

To‘yingan eritmada [BaSO₄] ayni haroratda o‘zgarmas qiymatga egaligini e’tiborga olinsa, K_muv.·[BaSO₄] ifodani eruvchanlik ko‘paytmasi (eK) debataladi.

BaSO4 ning to‘yingan eritmasi uchun eK quyidagicha yoziladi:

eK(BaSO₄)=[Ba²⁺][SO₄^2–]=1,1 ·10^–10(t=25^oC)

Yomon eriydigan elektrolitning to‘yingan eritmasidagi ionlar konsentratsiyalari ko‘paytmasiga eruvchanlik ko‘paytmasi deyiladi. Eruvchanlik ko‘paytmasi qiymatidan foydalanib, ayni elektrolitning umumiy eruvchanligini hisoblab topish mumkin:

C (mol/ l) = eK

Kimyoviy reaksiyada ishtirok etuvchi ionlar konsentrasiyalari ko‘paytmasi eruvchanlik ko‘paytmasi qiymatidan katta bo‘lsa, yomon eruvchi modda cho‘kmasi hosil bo‘ladi.